شريعة الطغيان

4 -

شريعة الطغيان
البارت الرابع
ديلانهۃ

لتنسون التصويت + التعليق بين الفقرات + متابــ؏ــة لحسابي يا حلوين ♡

...

- ص صص صديقتي هاي

باوعلي ورد باوع للشاشة بتفهم شال التلفون
- هاچ ردي عليها خاف رايدة شي منچ داگة من الصبح

اخذته منه و انطيت رفض لمُتيم .. حاولت ابتسم اضيع التوتر
:- هااا لا بعدين اخابرها

لم شفايفه و هو مركز على الرعشة الصارت بيدي من التوتر
- شبيچ روشان ؟ ليش ترجفين

احس احتريت هفيت على وجهي واني اضحك چذب ارد اوازن روحي لا انفضح انوب

:- هههه لا اقصد اءء شسمهه عموو صاير حلو

سكتت اگول بداخلي خرب روحچ روشان على هالجفصات الطايح حظها لاا خوش تردينه ينساچ و يبتعد 

ضحك گام اجه باتجاهي انفاسه ضربت وجهي .. ميل راسه رفع ايده مشاها على خدي

راد يحچي انداريت على الطباخ قاطعته
:- خل اكمل الريوگ ماما راح تجيني بالنعال

- شحدهااااا تطخ نهر عافيتي انا محذرها گايللها خلفتچ كلها تكتليهم تذبحيهم ايدچ و ما شالت الا نهر العافية انعل ابوچ اذا تحاچيها

:- عمو شسالفة تسب بـ امي ترا ما ارضى امي هاي ليش تغلط عليها

وتد - افااا انا اسب نيران؟؟ بت عمي العزيزة هاي على راسي جابتلي نهر العافية اندارلها فدوة و نذر على هالخلفة

ما تحملت شكله ضحكت وهو هم ضحك على ضحكتي

- رحت فدوة لهالضحكة الترد الروح

تقرب مني واحس دگات گلبي احتلت جسمي شتتت انظاري حتى لا ابينله رايدة اكون منه بهل قرب
مشه ايده ع شفتي يتأمل بملامحي و يبتسم و الايد الثانية حضن بداخلها ايدي

فتحت عيوني ع كيف و حچيت بصوت مليان ضُعف
: - عمو لتتقرب

ما جاوبته انداريت اكمل ..

مر الوقت بين ترتيب البيت و بين تجهيزاتنا لحدما اجت الزفة صعدنا بوحدة من السيارات المخصصيها النا گعدت يمي سدن و گدامي سديم خلصناها نصفگ و نهوس ويه الاغاني

چان يوم يجنن و بنفس الوقت حزين لان اختي حتفارقنا

مرت يومين واني الدمعة ما نشفت بعيني اگعد بالغرفة و اشبع بچي على عمو وتد
اعتزلت بالغرفة لوحدي اصفن و ابچي حتى دوام ما اگدر اداوم راسي مسطور من التفكير

خابرت مُتيم طلبت منه ياخذلي اجازة يومين بلكت ارتاح و ارجع للدوام

هو ضل قلق كل شوي يتصل بيه اگله تعبانة من العرس مال اختي اتحجج بيه لو يدزلي رسالة و اجاوبه و اطفي التليفون