شريعة الطغيان

10 -

شريعة الطغيان
البارت العاشر
ديلانهۃ

لتنسون التصويت + التعليق بين الفقرات + متابــ؏ــة لحسابي يا حلوين ♡

...

رجعت لاغراضه ردت بس الاگي تليفون ادگ عليه ماكو

خفت حيل بدونه

دخل آصف على صوت بچيي بهت من شاف حالي البچي ماخذ حيل من حيلي

صحت بـ عالي صوتي ارجف : وووووتددددد

خطية هو صفصف و وجهه صوفر تلفت يجر نفس ما يعرف شيسوي

على وگفته اشرلي بيديه يهديني
: - لتخااافين خيتيي ما اذيچ والكفل زينب بس اسمعيني
لتخافين مني ما ااذيچ والله

خلص وتد عافني و راح لو چنت جاي احلم وهو اصلا ما اجة ولا لگاني
ماكو لهذا الموضوع واقعية و كلشي دا احسه بأوهامي

بعدني بذاك المكان.. عرض گبالي درت وجهي اتأمل بكل تفاصيل الهيكل انرسملي ان هو البيت المهجور

رجعت اشم نفس ريحة البيت هذاك
البارود ، الطلق ، الجثث
دنگت اشوف ايدي المشدودة و البنات داير م دايري
ذيچ الغرفة بيها الولد يحچون بخطتهم شلون حيكون التفجير الجاي ..

رفعتله عيوني چان واگف بعده و عيونه مبينة قلقه ع حالتي  نزل راسه

- كلنا وياچ خوية
جزائهم راح ياخذونه واحد واحد و انتِ تكونين بحمايتي
هسه يجي وتد عنده شغل وصاني عليچ احميچ

اعرف هاي الاعراض شنو

رح افقد الوعي مرة ثانية صبرت نفسي كلها دقايق و اروح لغير عالم

و يخلص هذا الدمار النفسي الي خلاني ما اسيطر ع انفعالي

هو انتبهلي يريد يهديني گال بسرعة

- و رب الكون ما مچذب عليچ بيش احلفلچ ليش ما تصدگيني
اخيتي تعرفيني صديقه لوتد شلون ااذيچ

لا تخافين مني لوما ادري بيچ مخطوفة چان ما اجيت بس كلحنا جايين لخاطرچ و معرضين انفسنا للخطر بس حتى تكونين بخير

شال بطل مي انطانياه ما اخذته منه
حطه بصفي و طلع

ركضت للحمام احس رح اتقيء جريت البطل اغسل وجهي

اجوا وتد و شبل و ولد اثنين الوياهم دخلوا سوه

وجوههم ما تتفسر رداناتهم كافيها و كلهم ؏ ملابسهم دم
وتد حتى رگبته عليها دم ، قميصه مشگوگ و حالته حاله

ضل يتلفت للمكان يدورني شفته هيچ نشغت صحتله بصوتي اليرجف

- وتتتد