Jikook short stories collection of Ma Ma Theint

ချယ်ရီဝိုင်ကြိုက်တဲ့ချာတိတ်

" အကိုဘာလုပ်နေလဲ"

အဆက်မပြတ်မြည်နေတဲ့ ဖုန်းလေးကို
အားနာသလိုရှိတာမို့
ကိုင်လိုက်တဲ့အခါ
မေးခွန်းတီတီတာတာနဲ့ ကောင်လေး

"အရက်သောက်နေတာ"
" ကျနော်လာခေါ်ရမလားအကို"
" ဆိုင်မှာမဟုတ်ဘူး အိမ်မှာသောက်နေတာ"
" တော်သေးတာပေါ့
ကျနော်က ဆိုင်မှာများလားလို့စိတ်ပူသွားတာ"
" နေပါဦး ဆိုင်မှာဆို ဘာလုပ်မလို့လဲ"
" ဟင်း ဟင်း လာတွဲခေါ်မလို့လေဗျာ"

ဖုန်းထဲက ရယ်သံလွင်လွင်လေးမှာ
ထိုကောင်လေးရဲ့ ပါးချိုင့်မမြည်သော
ခပ်ရေးရေး ပါးပြင်လေးကိုမြင်ယောင်မိသည်
သောက်နေတဲ့အရက်ကြောင့်လားမသိ
ခံစားချက်ကခပ်နွေးနွေးရယ်
အေးစက်စက်အငွေ့အသက်တွေနဲ့
တစုံတယောက်လိုတော့ မဟုတ်
အတွေးတွေဟာ တွေးမိရုံနဲ့တင်
မသိလိုက်ခင်က အပြုံးတွေဟာ
နုတ်ခမ်းသားဖူးဖူးမှာ တင်းစေ့စေ့

" ကိုကို သူ့ကို သတိရနေတာလား"
ကိုကိုတဲ့
ဒီကောင်လေးဟာ ကျနော့်ကို
နားမည်ပေါင်းသောင်းခြောက်ထောင်ပေးနိုင်လွန်းတယ်
ကျနော်ကလည်း ဘယ်လိုခေါ်ပါလို့
ဘောင်ခတ်မထားမိပေ

" သတိရနေတယ်ဆို ဘေဘီဘာလုပ်မလို့လဲ"
" မောင်အဖော်လုပ်ပေးမလို့ပါ
အရင်ညတွေလို ကိုကိုသူ့အကြောင်းတွေရင်ဖွင့်လေ"

သူ့ကိုယ်သူမောင်တဲ့
အနာတွေကိုတူးဆွနေတဲ့ နာမ်စားတခု

"ကိုကို"
ကျနော်ဘက်က ထူးသံမကြားရဘဲ
သက်ပြင်းသံသဲ့သဲ့ကိုသူကြားရတဲ့အခါ

" ခေါ်ရင်ထူးလေဗျာ"
" ဟမ်"
" ဘာဟမ်လဲ ဗျာလို့တော့ ထူးပါ ကိုကိုရယ်"
ဗျာလို့ထူးစေချင်တာတဲ့လား
တချိန်ကကျနော်လည်းတစုံတယောက်ကို
အဲ့လိုထူးစေချင်ခဲ့တာ
ထူးပါလို့လည်း ဖျတ်ဖျတ်လူးတောင်းဆိုခဲ့မိတာ

" ထားပါ အခုဘာလို့ဖုန်းဆက်တာလဲ"
" သတိရလို့လေ ကိုကိုရယ်"
" အင်းပါ"
" ဟူး တွေ့လား ကိုကိုက အေးစက်လိုက်တာဗျာ
ကျနော့်ဘက်ကသာ စကားတွေပြောနေရတာ
ကိုကိုက သိပ်အေးစက်တာပဲ"

အရက်ကြောင့်ရီဝေနေတဲ့ မျက်ဝန်းတွေဟာ မျက်ခုံးတွေနဲ့အတူ တွန့်ချိုးမိသည်
တဆက်ထဲ ဖုန်းလေးကိုလည်းချပစ်မိလိုက်သည်
တကယ်ဆို ဒီကလေးပေါ် ဒီလောက်ထိ
မတင်းမာသင့်ခဲ့ပါဘူးလေ
တကယ်တော့တုန်လှုပ်သွားခဲ့တာ
ဒီကောင်လေးရဲ့ ပုံစံအပြော အမူအယာတွေဟာ
ယခင်က မောင်မှမောင်ဖြစ်ခဲ့တဲ့
park jimin ဆိုတဲ့ ကျနော့်ကိုယ်ကျနော်
ပြန်မြင်နေရသလိုမို့လေ