هناك اشياء نعرف انها لن تستمرللأبد ..لكننا اردنا ان نعيشها بالقدْر الكافي لنقول عنها تاريخ او تجربه، وربّما كانت هذه حقيقة التجربه أن نتعلّم كيف نتوقف مع توقيت الدنيا رغم قلبنا المستمر للأمام،
اه وبالمناسبه:ما الابد؟؟
ببيت ابو تركي
الساعه الواحده ظهراً
جميله: جيجي وين بابا تركي؟
جيجي : بابا تركي وتركي وهذا ولد ثالث كلّه روحح
جميله باستغراب: يعرف وين يروح؟؟
ام تركي : صباح الخير جميله
جميله ببتسامه: هلا بصديقة عمري ، وين تركي والعيال؟
ام تركي تحاول ترقّع عشان م تشك ( بالعاده او دائما م يطلع الا بعد م يسولف مع جميله وام تركي ويفطر معاهم): ابد بس طلعوا مع تركي عنده شغل اتوقع
جميله: يمّه ي ام تركي والله ان قلبي ناغزني من البارح وتنهدتت
ام تركي : عسى ماشر؟
جميله بحزن: خليها ع الله ، من الشيطانن من الشيطان
ام تركي تحاول تعرف: افا تخبّين علي؟؟قولي وش مخبية من كلام اسمعك
تنهدت جميله ومسكت يدها: تعالي نجلس بالصاله
مشوا للصاله واهي تقول: شفت حلم بالمنام اعوذ بالله
ام تركي: بسم الله !!عساه خير
جميله: مامن خيررياختي
ام تركي: غريبه بالعاده م تتاثرين من احلامك!من فتره طويله
بحزن وناظرت ام تركي: شفتهم بالحلم ي ام تركي شفتهم!!
ام تركي بصدمه وصمت تناظرها
جميله تشر ح لها الحلم من قلب : شفت وتنهدت : ان مشعل جاي وسلّم لي بنتي ويبكي تخيلي!! بعدها باس راسي وقالي: خذي امانتك عندك هالفتره انا ببعد بعيد ، ابتسم ومشى وبنتي بحظني تبكككي!
ام تركي م قدرت تمسك دموعها صدّت عنها وبخاطرها: ( كيييف قلب الام ياررربي يحسسس!!!!) والله م كذب اللي قاله والله
جميله: علامك يام تركي
ابتسمت ام تركي بوجهها: لا بس صايره حساسه جمّول مدري وش علّتي!
جميله ببتسامه: ماهقيت كذا بكلمتين تبكين وتنهدت: بس والله اني قمت والدمعه ع خدّي ناظرت للارض وقالت؛ اعرف انهم ميتين والاكيد بعد
ام تركي: ماودك تخبرين اخوانك؟؟
جميله بتنهيده: هذي امانته ي ام تركي !! وضحكة بسخريه: اتكلم بعد ٢٢سنه؟ ويدورن وين؟ ع قبورهم!! مشعل قالي وقتها: بنتنا بخطرر ويبون مشعل واخذوها عشان يضغطون عليه ووقتها قال بختفي ولو م سمعتي منّي خبر تكفين ي جميله عيشي حياتك!! كان حريص انّي اسكت لان ممكن يأذون بنتي يام تركي بنتي!! ومن غير م تحسس بكت!!!!
ام تركي واهي ماسكه الغصّه: جميله !! تكفين!! وقامت يمّها وتحظنها وتحاول انها تغيّر من جوها
فجاءه دق الجرس:
ام تركي بصوت عالي: جييجي افتحي الباب
جيجي: يس مدامم
ام تركي: جميله يلا مسحي دموعك لحد يشوفك بهالمنظر متعودين عليك قويه ياختي!!
جميله ببتسامه : محد يشوف ضعفي الا انتي والله
مسحت دموعها بغصّه وعدلت جلستها ولفت الطرحه ع راسها( كانها بالحداد من صارت السالفه وفقدت مشعل وبنتها من يومها والطرحه ع راسها ومهمله نفسها)
شجن وشجون داخلين كالعاده: ياخخي وربي انه حلو بس انتي بزر م تشوفين وين عيونك امانه!!
شجن بتأفف: حلو اجلل! والله مدري وين عيونك روحي دوريهم لا يكون طاحوا وقتها من شفتيه!
شجون بضحكه : تخيلت ادووور عيوني اقوول والله انه حلو وبس
شجن: اقول انتي يالبزر م وراك الا هال... وبصمت شافت عمتها وامها بالصاله
شجون: اشفيك سكتي اشوف !! اعترفي انه..
دقتها شجن برجله بقوه وابتسمت ابتسامه غبيه: يالهطفاء الصاله!!
شجون:الصاله حلوه؟ وش تقولين
شجن ترفع حواجبها وتنبّها
شجون: تركي! لا تقولينها تكفين
شجن مسكت ضحكتها: والوالد وضاري!
شجون بلعت ريقها من الصدمه لفت بسرعه من الخرشه
ناظرت وكانوا يتأملونهم وساكككتين
شجون بصراخ: شججججن!!!
شجن حطت رجلها لعمتها ؛ بوجهك ياعمه
شجن: والله م اخليك يالكذابه اجل تركي!
ام تركي: من هالجديد بعد الحلو؟ انا وعمتك بعد بنشوف حلوين
شجون من قالت امها هالكلام نست شجن ونطت قبالهم وجلست ع الارض : يمه حلو حلوو بس بنتك الغبيه م تميّز، تخيلي طالب جديد عندنا بس كان غريب صح شجن!!
شجن : تبين الصدق؟ والله شكيت
شجون: مره خصوصا ي امي اني م قدرت اشوف الا عيونه!
جميله: وتقولين حلو؟؟ والله م الوم شجن
شجون بضحكه: لاا بس يوضح الشخص اذا كان حلو او لا انا ابيه حلو كيفي!!
شجن: بس صدق يعني غريب امره دخل وكان لافت انظار الكل واهو كانه مصاب اصابات بليغه مرهه
شجون: اي صح وبالاخص انه تجوه ع مكتب مدير الجامعه وبعدها طلع بسيّاره اغرب من وضعه!
ام تركي: غريبه وش بعد فيها السياره!
شجن: تخيلي انها داخله لنص الجامعه وهذا امر غريب كمان كانوا شبه حرّاس يعني كيف اقولها!!!
شجون: زي الشرطه بس مو شرطه يعني
جميله: يمكن صاير عليه حادث او شيء
شجون بتافف: مدري الوكاد اني خقيت وضحكت
ضحكت جميله بصوت عالي: يالخفيفه
ام تركي : اقول اذلفي لغرفتك لا يسمعونك اخوانك او ابوك
شجن : انا انسحب احسن لي ..
شجون: لحظه بجي معككك بناممم
أنت تقرأ
لا تلمسْنِي، أنا للتّو تماسكت .
عاطفيةالأمر يشبه بعاصفه تلتهمها بين زوايا غرفتها ،،رغم الاصابات اللي تعرضت لها ، كانت تعصف براكين الحزن بقلبها اكثر من الحقد والالم اللذي كانت تحملهُ بأعيونها ،فقدتت من تحبهمم امام عيونها واهي طريحة الارض ......
