Van Goh Balck Tulip - Final 11
" ကိုကို..နောက်ကျလိုက်တာ.."
ည11နာရီ အချိန်ရှိပြီ သောကြောင့် ထယ်ယောင်းမှာ ဂျောင်ကု အိမ်အပြန်အလာအား မအိပ်ဘဲ စောင့်နေခဲ့သည်။
" ထယ်ယောင်း "
" ဟုတ် ပြောပါ ကိုကို "
" ကိုယ် အခုရေချိုးမလို့ ခဏနေရင် စကားပြောလို့ရနိုင်မလား.."
ပထမဆုံး ကိုကို့ ဘက်မှတောင်းဆိုသော စကားဖြစ်တာကြောင့် မနက်ကျမှပြောရအောင်လို့လည်း ကျွန်တော် မငြင်းရက်နိုင်ပါ။
" ဟုတ် ကိုကို ယောင်း အဝတ်စား ထုတ်ပေးထားမယ်နော်.."
ဂျောင်ကု ရေချိုးတိုင်း အဝတ်စားထုတ်ပေးရသည့်ကို ထယ်ယောင်းမှာအကြိုက်တွေ့လို့နေချေပြီ။
" အင်း..."
"ဒါနဲ့..."
ထယ်ယောင်းမှာ အသံပြု၍ ဂျောင်ကု၏ အနားသို့ ကပ်သွားကာ ...
" ကိုကို သောက်လာတာလားဟင်.."
ခြေဖျားလေးထောက်ကာ ဂျောင်ကု၏ အင်္ကျီ ပေါ်သို့ နှာခေါင်းလေးအရှူံ့ကာ ဖြင့်...
" ဟုတ်တယ် ကိုယ် နည်းနည်းသောက်လာတာ.."
" ယောင်း သံပုရာရည်ဖျော်ပေး ရမလားကိုကို "
" ရတယ်..ကိုယ်မမူးသေးဘူး ထယ်ယောင်း "
ပြီးနောက် အခန်းထဲသို့ဝင်သွားသော ဂျောင်ကုအားကြည့်၍...
" ဘာတွေများစိတ်ညစ်စရာရှိလာလို့ပါလိမ့်..."
************************
ကိုကို အခန်းထဲဝင်သွားမိသော် ...ရေချိုးခန်းမှ ရေကျသံကြောင့် ကိုကိုရေချိုးနေပြီဆိုတာကို သိလိုက်ပါပြီ။
အင်္ကျီအများကြီး ထည့်မလာသော ကိုကိုကြောင့် ရွေးချယ်ရသည်မှာမခက်..။ ညအိပ်မှာလည်းဖြစ်သောကြောင့် ကိုကိုသက်သောင့်သက်သာဖြစ်စေရန်သေချာလေးရွေးချယ်ပေးမိသည်။
*ချောက်..*
ရေချိုးခန်းထဲမှ ထွက်လာသော ကိုကိုအားသေချာကြည့်နေမိပြီ။ တဆိတ်..ကိုကို့ မျက်လုံးတွေ နီနေတယ်။
" ကိုကို ..မျက်လုံးတွေနီနေတယ်..နေမကောင်းဘူးလား "
ထယ်ယောင်းပြောမှ ဂျောင်ကု မျက်လုံးတစ်ဝိုက်အား လက်ဖြင့်ထိမိပြီး..
