سهران والله بقالي يومين وبقول
من قلة نومي؛ الشوق أهو غاب
وحنين الليل اللى بيقعد يسرق أحلامي
من تعبي اهو ساب
والسهد هيهرب من سهد الليله فى ليلي ويقول
حرام إني أحضر والعقل غياب
واتاري الحاله اللى انا فيها تشبه لحالات مكتوبه باوصافها صفحات فى كتاب
وعلاج كان يشبه اوصافه للحاله
أعراض النوم
وانا دايما كنت أخاف من النوم
ومن فعل القوم
وانا كنت أخاف
ليجيني حنيني فى احلامي ويكتبلي جواب
والشوق غلاب
وعذاب الحب بيكتب
جوا ظلام الليل دمعات للعين
ودموع العين بتخبي عتاب
أهو غاب عن عينك قبل يومين
وغيابه أهو طال
تتعجب ليه من حسبة قلب فى نص الليل والحاله عجاب
آثنين أحباب بيفرق بينهم
سطر كلام مكتوب فى جواب
مبدوء ترحاب وسلام فى سلام
متبوع بخطاب، يكتب اسباب الهجر وفيه مختوم بحنين
على فين هنروح يا دموع العين
على فين هيخدني لفين
هتخبي الشوق فى عيونك يوم
هيزيد أوجاعه فى نص الليل
وتشوف الويل
والشوق غلاب
أنت تقرأ
حنين ٌ من الماضي
Acakمقتطفات من أحاديث الصباح والمساء حرفٌ يكتبما تحدثه به الظنون، وحرفٌ يكتب من خيالات الشجون، وحرفٌ يرسمُ الحركات قصصا وحكايات، وحرف ثار على ما لايُريد فمات. هنا بيت القصيد، وبستان يفوح من عطر حروفه، هنا المعاني والسحر والدلال، هنا الشجن ودموع الحنين
