"ဟယ်လို"
တဖက်ကပြန်ဖြေတဲ့ ဖုန်းသံကြောင့် အနည်းငယ်ကြောင်သွားသည်။
"ဘောမ်ဂယူနဲ့ ပြောချင်လို့ပါခင်ဗျ"
"အော်....ကိုကို့သူငယ်ချင်းလား"
"ကိုကို ရေချိုးနေလို့ အရေးမကြီးရင် နောက်မှပြန်ခေါ်လိုက်လေ"
သူနဲ့လက်ထပ်ထားတာ လေးနှစ်တောင်ပြည့်တော့မှာကို အခုထိ သူစိမ်းဆန်နေတုန်းလား ချွဲဘောမ်ဂယူ။
"ဟန်နီ ဘာလုပ်"
တဖက်ကအသံကြောင့် ဖုန်းကိုခပ်တင်းတင်းဆုပ်ကိုင်ထားမိသည်။ ဖောက်ပြန်တယ်လို့ခေါင်းစဉ်တပ်ရအောင်လဲ ဒုတိယလူက သူဖြစ်နေသည်လေ။
"ကိုကိုစားဖို့ ညစာလုပ်နေတာလေ...ဆိုဖာပေါ်က ဖုန်းကဆက်တိုက်မြည်နေတာနဲ့ ကိုင်လိုက်တာ...
"ရော့...ကိုကို ပြောလိုက်ဦး..ဟန်နီ ဒီမှာ ဟင်းတွေကျက်ခါနီးနေပြီမို့လို့"
ကောင်မလေးက ဘောမ်ဂယူကို ဖုန်းပေးလိုက်ပုံပေါ်သည်။ ထယ်ယွန်းကတော့ သူ့အသံကိုကြားလိုကြားငြား စောင့်နေပေမဲ့ ဖုန်းချသံကလွဲပြီး မကြားလိုက်ရ။ ဖုန်းကို ကြမ်းပြင်ပေါ် ပစ်ပေါက်မတတ် ဒေါသထွက်နေပေမဲ့ စိတ်လျှော့ပြီး နာရီကိုလှမ်းကြည့်တော့ နေ့လယ်တစ်နာရီထိုးနေပြီဖြစ်သည်။ နာရီအောက်တည့်တည့်က သူတို့ မင်္ဂလာဆောင်ဓာတ်ပုံက နံရံအပြည့်။ အဖြူရောင်ဝတ်စုံလေးတွေနဲ့ အလှဆုံးပြုံးနေပုံက တကယ့်အချစ်စစ်ကိုရှာတွေ့သွားတဲ့ လူငယ်လေးတွေလိုမျိုး။
သူတို့နှစ်ယောက်တွဲထားတဲ့လက်လေးတွေကိုကြည့်ရင်း မျက်ရည်တွေဝဲတက်လာသည်။ သူ့ရဲ့တစ်ခုထဲသောဆန္ဒက သူတွဲခဲ့တဲ့ ထိုလက်တစ်စုံကို မြဲစေချင်ရုံသာ။
"ခွမ်း!"
မီးဖိုချောင်ထဲက ပန်းကန်ကွဲသံဖြစ်သည်။ ဘောမ်ဂယူကို နေ့လယ်စာပို့ဖို့ အခုလေးတင် ပူပူလောလောချက်နေရာမှ ဟင်းရည်အိုးပေါ်ကို ပန်းကန်ပြားလေးအုပ်ကာ တင်ခဲ့ပြီးမှ ဖုန်းခေါ်ခြင်း။ ပွက်ပွက်ဆူလာတဲ့အငွေ့တွေက ပန်းကန်ပြားကို တွန်းကန်ရင်း တွန်းကန်ရင်းနဲ့ ပန်းကန်ပြားရဲ့ ခုခံနိုင်တဲ့အင်အားကုန်ဆုံးသွားတဲ့အချိန်မှာ ပြုတ်ကျ၍ ကွဲသွားခြင်းဆိုတဲ့အရာနှစ်ခု ဖြစ်ပေါ်လာသည်။
YOU ARE READING
TXT SHORT STORY
FanfictionThis is the collection of TXT short stories which includes OTP and OC.
