كبرياء عشق !

الفصل الثامن ❤

مساء الخير يا حلوين 😍 اولا شكرا للناس المتفاعله بجد وبتقدر التعب 🌹 وثانيا بقى متنسوش الفوت على الفصل وكومنت قمر عشان يشجعني استمر وقولوا لي رأيكم ف الاحداث .....

🎇🎇🎇🎇🎇🎇🎇🎇🎇🎇🎇🎇🎇

( عند عهد وقمر )

عهد : احكي لي ايه ال حصل امبارح

قمر : هيحصل ايه يعني محصلش حاجه انا كنت راجعه تعبانه قوي بقالي اسبوع مش بنام كويس وطالع روحي من ترتيبات الفرح طردته للقسم التاني من الاوضه ونمت

عهد : يا نهارك ابيض يا قمر

قمر : مالك يا بنتي بقولك طردته مش قتلته انتي فهمتي غلط

عهد : انتي اكيد ناوية تشليني .. انا قلت هتعقلي كده وهتدي نفسك وتديه فرصه يمكن الجواز يكمل لاكن انتي دماغك انشف من الحجر

قمر : عهد بلا فرصه بلا كلام فاضي ده اتفاق

عهد : وهو محاولش يعمل اي حاجه

قمر : هو انا اديته فرصه انا طردته طوالي

عهد : والله اخرتي هتكون على ايدك

( في الصالون )

تميم : خلاص يا استاذ عاصم انت شهر من دلوقتي وطلق اختي زي ما اتفقنا

( صوت عند الباب ) : طلاق مين 

عاصم ( بتوتر) : واحد صاحبي يا كارمة هيكون مين يعني 

( نظر تميم الى عاصم مستفهما ف اومأ له عاصم بعينيه ففهم مقصده على الفور ليتدارك الموقف  رن هاتف عاصم فجأه ف استئذن من تميم وتركهم ودخل الى الشرفه ليجيب على المتصل ...جلس كلا من تميم وكارمة ينتظرونن عودة عاصم حاول تميم خلال ذلك الوقت ان يتعرف الى شخصية كارمة بشكل اوسع )

تميم : انسه كارمة بعد اذنك في سؤال شاغلني ف هسأله وان مقدرتيش تجاوبيه مش هضغط عليكي 

كارمة : اتفضل اسأل 

تميم : انتي ليه دايما شكلك زعلانه وبتبعدي عن التجمعات والناس يا ترى اقدر اعرف السبب ؟؟

كارمة ( بابتسامه خفيفه سرح بها تميم فهو لاول مرة يراها تبتسم منذ ان رأها ) : لا والله مفيش من ده بس...بس 

تميم : بس ايه 

كارمة ( بحزن ) : انا مليش اصحاب خالص من وانا طفله ف عشان ...عشان كده يعني مش بعرف اندمج مع الناس 

تميم ( وقد احس بحزنها ) : وبلاحظ كمان انك مش بتبتسمي مع ان ابتسامتك جميله جدا 

كارمة ( بخجل وتوتر ) : شكرا ... بس انا ببتسم عادي انت مش بتاخد بالك 

تميم : بسيطه ابقى اخد بالي بعد كده ... بالنسبة بقى للصحاب ممكن اقول لحضرتك نصيحه 

كارمة : اتفضل