الــمـَــاو

16

✨الــــمَــــــــــــــــــــــــاو✨
✍️بقلمي : سناء_الصنهاجي
📍الفصل الثالث : خيوط العشق📍

- شامة : سبحان الله يلاه تفكرتيني ايوا باز ..

- عماد : مغاتساليش ، انت هي انت مكاينش سلام مكاين توحشتك ،انا بعدا والله حتى توحشتك وبزاف ..

- شامة : صبغني صبغني بهاد جوج كلمات ..

- عماد : والله غير مع الخدمة ، راه يلاه ترسم خوك وزعمة ناوي يخطب ..

- شامة (كضحك) : فخباري اتبوݣيصة ديال ختو ، الله يكمل بالخير ياربي ..

- عماد : أمين ازين ، وصاحبتي نديرو شي وقت نتلاقاو شنو بان ليك ؟

- شامة : انا كنخدم ديما من غير جمعة ، شوف خليها الجمعة واجي انت وأحلام ونعيط لسعيدة ندير ليكم كسكسو ..

- عماد : والله منݣوليك لا ..

- شامة (كضحك) : ويلاه أخويا ، راه حنا خدامين  ..

- عماد : خدامة ليا فوزارة الخارجية باز ..

- شامة : بزيز ، يلاه بسلامة .. قطعات مع عماد ، قدات شي وراق وشي حسابات ، جاو دراري ومعاهم نادية .. سلمو عليها وكل واحد فيهم مشت لبلاصة لي مكلف بيها ، دازت شي نص ساعة هكاك جا الحاج ..

- الحاج : شامة بنتي كولشي مزيان ؟
- شامة : الحمد لله الحاج ، كولشي بيخير ..
- الحاج : عيطيلي لدراري ابنتي ومعاهم حتى نادية وأجيو ..

- شامة (بإستغراب) : واخا ،، مشات لعند دراري علماتهم ، تجمعو كاملين حدا الحاج واقفين ..

- الحاج : وليداتي ، بغيتكم تسمعوني مزيان .. إن شاء الله انا انمشي لفرنسا ، بنتي سلات قرايتها او ولادي كولهم تم هوما والعائلة ، والعمر قصير اللهم نتجمع مع وليداتي ... داكشي باش قررت نبيع المحالات . ، كولشي شافو فبعضهم ، طاح ليهم الما فركابي وكاع لي سيناريو دازو قدام عينيهم ، فين يلقاو خدمة وصالير بحال هذا .. خصوصا شامة لي حسات براسها منحوسة ، عاد بدات وهاهو الحاج ايبيع ..

- الحاج : السيد لي ايشري المحالات ولد الناس ، وراه قبل تبقاو خدامين فالمحال مغاتخرجوش وبلعكس ايزيدكم واحد 500 درهم على صالير ديالكم ، وأيدير ليكم حتى الوريقات ...

- دراري فرحو بزاف ، وعاد رجع الدم لوجهم ..
- شامة : مغانسخاوش بيك الحاج والله  ..

- الحاج : ماعندنا منديرو أبنتي الصبر ، يلاه يلاه رجعو لخدمتكم يلاه .. رجع كولشي للخدمة ديالو ، لي كان فعلا بقا فيه الحاج ومسخاش بيه ، وكاين لي ماعندو سوق المهم يشد ساليرو وبلاصتو كاينة ، أما شامة ضاربة الحساب غير للباطرون الجديد ... كيفاش ايكون وكيفاش غادي تعامل معاه ، واش ايكون بحال الحاج ظريف ومعقول ومزيان ، ولا غادي يكون ماهواش ... والمشكل متقدش تخرج وصالير زوين ومكايناش تمارة وخدمة محترمة وكتشد فيها كثر مكانت كتشد فالوزين ..
_____
- دازت 3 يام
- الأربعاء بليل
- #فدار
- علي : وانت مالك مبرزطة راسك دابا ؟ انت ديري غير خدمتك ، كوني معقولة ومترضايش بدل وشيحاجة فايتة القانون وصافي ..
- شامة (تنهدات) : غدا أيجي الباطرون الجديد الحاج مسكين تسيفط معانا ودور معانا ، واخا انا 5 يام باش خدمت دور معايا ..
- علي : يكون خير ، ماعرفتيش هذا لي ايشد المحال كبير ولا صغير ؟
- شامة (ساهية) : ماعرفتش والله ، غدا ونعرفو شكون هذا ... سوا كان صغير ولا كبير غير يكون معقول ، ومايجيش وراه الصداع ..
- علي : يكون خير أبنتي يكون خير ..