الــمـَــاو

17

✨الــــمَــــــــــــــــــــــــاو✨
✍️بقلمي : سناء_الصنهاجي
📍الفصل الثالث : خيوط العشق📍

- سيف الدين (مصدوم) : واش حاملة ؟

- سامية (خايفة ومترددة) : أه حاملة ..

- سيف (شد على فمو مصدوم كيحاول يستوعب ، كيحس براسو كيحلم ) ..

- سامية : ك كنت عارفة وحاسة بلي مغاديش يعجبك الحال ، زربت وقيلة ولكن راه ماعرفتش كيفاش وقع .. سكتات سامية كتشوف عينيه مغرغرين بدموع ..

- سامية (بصدمة) : كتبكي ؟!!

- سيف الدين (وقف ونزل على ركابيه معنق كرشها) : أحسن حاجة وقعات ليا هي هادي ، فرحان لواحد الدرجة متخايليهاش نهائيا

سامية:(حطات إيدها على راسو) كنت خايفة متبغيش
سيف: فكل شوية كنتمنى تكون عندي قطعة مني ومنك تكبر قدام عينيا شعور عندي دبا مكتوصفش
سامية دموعها سايلة وهي معارفاش واش قادرة على مسؤولية واش نقدر تربي هاد طفل لي غيتزاد وقف سيف وعنقها بكل حب وباس ليها جبينها
سيف :نتي أحسن حاجة لقاتني بيها الحياة وعطاتها ليا(حط إيدو على كرشها) وبنتي ولا  ولدي هوما أحسن هد غتعطيني أنا متأكد غتكوني أحسن أم
عنقاتو سامية وبقات فحضنو وكملو سهرتهم بحال أي مزوجين
**********************
عند إيمان وزياد من بعد ماخرجات من من الحمام تلقا ليها زياد لي كيتفحصها بعينيه وهو كولو شكوك من الأمر
زياد :شنو وقع ليك
إيمان : معرفتش كتشدني دوخة بزااف وكرض
زياد: إيمتا آخر مرة جاتك العادة شهرية واش وقتها هادي
إيمان(بحال لعرفاتو علاش كيلمح) :لا فاتت ب15 اليوم
زياد: خاص ندير ليك تحليلة دم
إيمان خليها تالغدا دبا راه فات الوقت عاد راني واكلة
زياد وخا تالغدا
- فالعشية من ورا ماسدو المحال ، وصلو للدار وعلى طبلة العشا علمهم جواد بلي ايمشيو يخطبو سهيلة فسيمانة جايا تعشاو ضحكو مع عائلة وإيمان مرة مرة تهز عينيها فزياد لي كيهدأها بعينيه .. خصوصا وجها صفر وشهيتها مخطوفة ..
______
فاق زياد هو الأول مشا جاب تيست ديال الحمل من الفرماسي جا فيق إيمان غير بشوية حتى فاقت وعطاه تيست ... خداتو ودخلات الحمام خلات زياد بغا ابدل حوايجو دازت خمسة دقايق وهاهي خرجات من الحمام كان عاطيها زياد بضهر لي كان مخلي ضهرو عريان تكايحس بوجها لاسق ليه فضهرو كتمسح فيه دار عندها باستغراب
زياد: شنو كديري ؟
إيمان(ببراءة) :سمعت إلى كنت حاملة قبل ماتكوليها راجلك مسحي وجهك فيه باش مايجيكش للكلف
زياد(بدموع مخلطة مع تفاجئ) : يعني حاملة ؟ يعني دابا انا انولي بابي ... ماخلاهاش تجاوبو  هزها وعنقها بكل مافجهدو دافن وجهو فعنقها كيستنشق ريحتها والفرحة مقداتوش ...
______
داز أسبوع بين توجاد الخطوبة وداز عذاب على شامة لي أحاسيسها تخلطو عليها ومابقاتش فاهمة ساسهم من راسهم ... تحليلة ديال الدم ديال إيمان خرجات إيجابية وهكا تتبت فعلا أنها حاملة ... قررات إيمان وزياد مايكولوها للعائلة حتى لنهار الخطوبة وهكا الفرحة تكون جوج فرحات ...