أتلمس طيفك (الظل المشرق بعتمة الليل) "مكتملة"

إقتباس لفكرة عشوائية فى دماغي

كانت تركض فى ممرات الإستخبارات، فهى قد وجدت ضالتهم، و جوهرتهم المخبأة، لا تأبه بمن تصتدم به ولا لخطواتها التى ستسبب فى سقوطها قريبًا، لتدلف لغرفة محسن و هى تقول بسعادة غامرة فهى إكتشفت أعظم شئ الآن:

_ " لقيتها يا فندم لقيتها ".

لينظر لها بعدم فهم، لتجيبه هى بإيضاح:

_ " لقيت راميس حافظ الأبنودي يا فندم! ".

نظر لها بذهول و عدم إستيعاب، ومن ثم قال هو بتوتر:

_ " متأكدة يا ريڨان؟ ".

أجابته تلك المدعوة ريڤان بتأكيد و هى تريه هاتفها:

_ " أيوه يا فندم أهي، راميس حافظ الأبنودي، أو نقدر نقول عليها روميساء علي مهنى ".

لتريه فتاة على موقع التيك توك تقدم محتوى.....

تقدم محتوى عن كيفية نشر الغسيل!!!

ليسمع تلك الروميساء تقول:

_ " بصي يا ست إنتِ و هى، التنشير فن مش عن عن و أى كلام و خلاص!، تحطِ الحاجات الصغيرة من قدام و الحاجات الطويلة من ورا، و لو الحبل خلص تروحِ لإللي بعده، كأنك بتكتبِ تحطِ أخر قطعة و تبدأي من الحبل اللي بعده، مش الشغل العشوائي اللي بنشوفه زي بلكونة أم محمد اللي قدامنا _وجهت الكاميرا لمنشر أم محمد و بعدها تعيده عليها واكملت_ : منشر أم محمد مش شكل منشر حضاري، إتعلموا بقى من البت ميسو علشان يبقى عندكم منشر حضاري ".

ليبعد الهاتف بصدمة و يقول:

_ " إيه دا يا ريڤان، عايزة واحدة تيجي تنشر عندنا، و دي لما نسيبها هتعمل إيه هتغسل الأبحاث و تنشرها! ".

لتقول ريڤان بأمل:

_ " بس إحنا لاقيناها يا فندم و كنا هنفقد الأمل و لو على تعليمها، فأنا مستعدة أبدأ معاها من الصفر ".

ليقول هو بسخرية:

_ " عايزاني أثق فى واحدة بتدعو للمنشر الحضاري، و التانية بتابعها؟، ريڤان إرجعِ دوري تاني ".

اجابته ريڤان بتردد و قد تغاضت عن أول جملة:

_ " ما هو مينفعش يا فندم! ".

عقد حاجبيه سائلًا:

_ " مينفعش ليه؟ ".

اجابته هى بخوف و هى تتجه للخارج:

_ " أصل رامي بعت القوات تجيبها و هى فى طريقها هنا للمركز ".

و بمجرد أن نهت جملتها خرجت هاربة من بطشه للخارج تاركة إياه يصرخ بشدة .

ليجلس على كرسيه بتعب و إستسلام، فبالرغم مما فعلته إلا إنه صائب فهم لم يجدوا أى فتاة تحل محل راميس، ليتنهد و يقول بدعاء:

_ " يارب يبقى الأمل من المنشر الحضاري! ".

مستنية توقعاتكم و رأيكم👀❤️✨متنسوش الڤوت و تضيفوا الرواية لمكتباتكم علشان يوصلكم إشعار بالفصول👀❤️ و تشيروها مع صحابكم، و لو معملتوش فولو للحساب روحوا بسرعة👀❤️❤️❤️✨
#أتلمس_طيفك
#صراع_الوطن_و_العلم_تحت_راية_الحب
#بقلمي_مريم_يوسف_زكي
#أزرا👀❤️🖋️🪐