أهتديت ب ( أيه )

💕الفصل السادس💕

حبيباتي انا اسفه جدا جداااا علي غيابي الي لاول مره يحصل بس فعلا غصب عني
انا بمر بظروف صعبه جداااا و ربي يعلم انا كتبت البارت ده أذاي لان مكنتش حابه اتاخر عليكم بما اني عودتكم علي التزامي في مواعيد النشر
اتمني تعزروني..... و تدعولي
و بجد بجد شكرا من كل قلبي لكل حد سأل عليا في كومنت و كمان الكلام الحلو و القلق الي حسيتو ما بين سطوركم الي كتبتوهالي عالخاص
احلي حاجه فالدنيا انك تحس ان فيه حد بيحبك من غير اي مصلحه و الاحلي انه يفتقدك لما تغيب
ربنا يجبر خاطركم و يرزقكم راحه القلب و البال
انا فعلاااااا بحبكم
ربنا يديمكم نعمه في حياتي
يلا نبدأ البارت بسم الله
______________

في احدي الولايات الامريكيه وهي ولايه كاليفورنيا
داخل شقه صغيره في احدي ضواحي المدينه
كان يجلس كلا من ريكو و عبدالله في انتظار الشخص المسؤول عن ايصالهم الي المطعم الذي سيعملون به
فقد وصلو بالامس و استراحو قليلا
ريكو : بقولك ا عبده .....
قاطعه عبد الله قائلا : انت اهبل يلا مش قولنا تنسي اسامينا دي خالص احفظ بقي انا فهد و انت نبيل
ريكو بغيظ : مالصراحه بقي مش عاجبني اسمي ايه نبيل ده و انت مسنجفينك و مختارين ليك اسم ابهه و ليه هيبه كده
ضحك عليه و قال : انا كارزما و برنس في نفسي كده يابني لازم اسم يليق عليا انما انت يا دوب ريكو ههههههه
انتفضي الاثنان حينما سمعا صوتا ياتي من احدي الحوائط و يقول بهمس غاضب : اتلم انت وهو و بطلو الهبل الي بتعملوه ده ....ركزو في الي داخلين عليه
ريكو برعب : سلاما قولا من رب رحيم بسم الله هو طالعلنا مالحيطه كمان
عبدالله : انتو مراقبنا صوت و صوره طب افرض لمؤاخذه حبيت اقلع يعني مش عيب كده
طارق بهمس وقح : معندكش حاجه اذيد مالي عندي يا فهود و شكلنا مقاسنا واحد ههههه
سكت فجأه و اكمل : يلا اجهز انت وهو الراجل الي هيوصلكم طالع كل حاجه تمام ولا ايه
شاور له عبدالله باصبعه الابهام مؤكدا علي حديثه
و ما هي الا دقيقه واحده وسمعو جرس الباب فأتجه ريكو ليفتح وجد امامه شابا ذو لحيه سوداء قصيره و شعرا غزير
الشاب : صباح الخير شباب اعرفكن عاحالي انا وسيم راح اوصلكون للمطعم و راح كون مسؤول عنكون
ريكو باندهاش : يا صلاه النبي وسيم و لبناني كمان اسم علي مسمي و الله
ضحك الشاب و اتجه للداخل بعد ان افسح له المجال للمرور
وقف قباله عبدالله مادا يده مصافحا اياه و قال : اكيد انت الفهد و هيدا نبيل
عبدالله : اهلا بيك اتشرفت بمعرفتك انا فهد الدمياطي مصري و ده صحبي نبيل فوزي
وسيم : أي بعرفكون امنيح بس تصحيح معلومه أنا سوري مو لبناني
عبدالله : كلها بلاد الشام اخواتنا و حبايبنا
وسيم : و الله حكيك حلو اكتير يا زلمي انا بحب المصريين أكتير و كمان هيلين راح تطير مالفرح لما تعرفكون هي كمان بتحب مصر و المصريين
ريكو : طب الحمد لله الواحد كان خايف مالعنصريه هنا و كده يعني عشان احنا عرب بنسمع عالي الاجانب بيعملوه مع اي واحد عربي هنا
وسيم : لااااه من ها الناحيه لا تعتل هم معظم الي بيشتيغلو هون عرب يعني ما هتحس عا حالك في غربه و كمان هيلين صاحبه المطعم الي عم تشتيغلو فيه يهوديه من اب مصري و ام اسرائيليه منشان هيك بتحب اي شي يخص مصر
نظر ريكو و عبدالله لبعضهما سريعا ثم تحدث ريكو مازحا : اسرائيل و الي منها يا جدع يعني ميجيش حظنه المهبب الا مع اليهود
نهره عبدالله قائلا : ماتلم نفسك يا جدع احنا مالنا بالسياسه احنا لينا شغلنا و الدولارات الي هناخدها و بعدين ماهو بيقولك ابوها مصري يعني بلديات ...نظر الي وسيم يستشف أثر كلماته عليه و اكمل : و بعدين احنا جايين نعملنا قرشين مش هتفرق بقي مع اسرائيل مع الجن لازرق ميشغلنيش انا المهم عندي اني اجمع الي اقدر عليه عشان نقب بقي علي وش الدنيا كفايه الذل و المرمطه الي شوفناها فحياتنا يا جدع
وسيم باعجاب : هيك الحكي يا زلمي و الله ما قصرت ثم نظر لريكو و اكمل : اسمعها نصيحه مني لو عايز تمسك مصاري هون لا تدخل في السياسه ضلك في عملك و بس
ريكو : ياعم انا اصلا عندي حساسيه مالسياسه و دواها الوحيد الاخضر ابو ريحه حلوه ده ( يقصد الدولار ) هههههه