أهتديت ب ( أيه )

❣جبر الخواطر❣

هحكيلكم حكايه و بعدها هقولكم قصدي ايه
الشيخ الشعراوي كان قاعد بيتكلم مع دكتور كبير فساله انت عارف ايه هي اعظم عباده الدكتور قاله الصلاه الشعراوي قاله لا الدكتور قعد يقوله الذكاه او الصدقه او الحج ...او او او و في كل الاحتمالات الشعراوي قالو لا
الدكتور احتار فساله طب ايه هي اعظم عباده الشعراوي قاله جبر الخواطر
بعدها بفتره في يوم الدكتور خلص شغله في المستشفي الي شغال فيها و روح بيته بس قبلها عدي عالسوبر ماركت اشتري طلبات للبيت و روح غير هدومه و قعد زي كل يوم لقي جاره بيتصل بيه و بيقوله بالله عليك يا دكتور حماتي محجوزه عندك في المستشفي روحلها اكشف عليها و طمني بالله عليك اجبر بخاطري
جاره ميعرفش ان الدكتور خلص شغله و رجع بيته
وقتها الدكتور افتكر كلام الشعراوي غير هدومه تاني و نزل راح المستشفي و بعد ما كشف علي الست و كتبلها العلاج حس بتعب جامد في قلبه و لانه دكتور عرف من الاعراض الي جاتلو انها جلطه في الشريان التاجي تقريبا انا مش فاكره اسمه بالظبط
قال للدكتور زميله يجبله العلاج بسرعه و انقذوه المشكله ان الجلطه لما بتيجي في الشريان ده لو ما اتلحقتش بسرعه المريض بيموت في وقتها
ساعتها بس اكتشف ان لما جبر بخاطر جاره ربنا انقذه من الموت و كتبله عمر جديد
الي انا اقصده من الحكايه دي بما ان جبر الخواطر عباده عظيمه و ممكن بسببها ربنا يكتبلنا الخير في حاجه بنتمناها او يبعد عننا شر في حاجه كانت هتحصلنا
ما تيجو كلنا نجبر بخاطر بعض و نتفق علي حاجه نعملها كلنا بالنيه دي
طبعا كلنا عندنا امنيات و دعوات بندعي بيها و نفسنا تتحقق و بما ان الدعوه بظهر الغيب مستجابه
و بما ان سوره يس ليها فضل عظيم في قضاء الحوائج
فانا فكرت اننا نتفق علي يوم و ساعه محدده كل واحده فينا تقعد تقرا سوره يس سبع مرات بنيه قضاء الحاجه و تدعي لينا كلنا
يعني انا مثلا هقراها و ادعيلكم كلكم بالي بتتمنوه
و مثلا شيماء تقراها و تدعي لينا كلنا بالي بنتمناه و هكذا
و نعملها بنيه جبر خواطرنا لبعض و الدعاء بظهر الغيب لبعض و اكيد هيكون فينا حد قلبه طيب و قريب من ربنا الي بسببه ربنا سبحانه و تعالي يستجيب دعواتنا
الطريقه ازاي : هنقعد مثلا بعد صلاه العشا نصلي ركعتين لله بعدها نستغفر و نصلي علي النبي صلي الله عليه و سلم بعدها نقرأ سوره يس سبع مرات وري بعض و في الاخر نصلي علي النبي و ندعي كتير علي قد ما ربنا يقدرنا و نختم بردو بالصلاه علي النبي لان ربنا يستحي ان يقبل الصلاتين علي النبي و يرفض الي بينهما
ايه رايكم في الفكره دي
لو حد حاببها يقولي و نتفق عاليوم الي هنعملها فيه
ربنا يجبر بخاطركم جبر يتعجب له اهل السماوات و اهل الارض
و يرزقكم راحه القلب و البال يااااااا رب
بحبكم فالله

فريده