شُذير الدلهام

Part 1

#شُذير_الدلهام

بقلمي انا زهرة الـ ابراهيم

متابعة + تعليق + تصويت اكون ممنونه حبايبي

ونبدي ونكول بسم الله الرحمن الرحيم

اتمنى تعجبكم وهسه اخليكم ويا القصه

_____________

گاعده وصافنه وأتذكر ايام التعب دائمًا من اگعد وحدي واصفن يمرر كلشي كدامي صفنت وتذكرت يوم المشووم....

اليوم يوم كُلش عادي نفس الروتين نظفت وكملت شويه وسمعت أبوية يتحاجه ويا اخوي ابوي دائمًا يتحاجه ويا اخوي ع ابو ما تشتغل كله نوم رحت خست من النوم ونفس الحجي ينعاد يبووو تحاجوا واخوي عاف ابوي وراح طلع

شويه وجان فزيت ع ركضت امي ورى اخوي الي منكع روحه نفط والجداحه بيده يريد يحرك روحه

ركضت امي ورى وانا واخوي وراهم امي تدفع بي تريده يهدأ بس ماكو ما هدأ اخر شي امي اخذت النفط وكالت اله وياك انا اذا سويتها اموت روحي وراك لا تسويها يمه لا تحرك كلبي عليك ولك يمه لا

اني واخوي الثاني مدري شنسوي اني متت كطعت روحي من البجي تالي صرخت باخوي راح يركض

راح للشارع يصيح ابوي واني ركضت البيت عمي حتى يجون لأن ما اعرف شسوي جنه صغار مو كُلش كبار فـ اجو بيت عمي وأبوي وعاط بيهم وفرفحت ارواحنه من البجي تالي اخذوا امي حتى تسبح لأن

كلها نفط والولد اخذوا اخوي واني من الخوف ورعب الي عشته بقيت اركع راسي بالحايط بس اريد يروح الموقف من كدامي ورا فترة هدء

الوضع شويه وكعدوا يم امي ويحجون وياها ليش هيجي سوين اذا متفكرين بنفسج فكري بهاي بنتج

منو الها ها متكولين هاي بنيه صغيرة واخوانها باجر عكبه كلمن يلتهي بروح شوفي حالها شصار بيها راح تموتوها

هاي هنا اني جنت اغسل المواعين مالت الغده وابجي واريد بس انسى الهي روحي بيهم

واذكر جنه نغسل المواعين بالأرض ماكو سنك عدنه بقو يحجون ويا امي واخوي ويكولون الأخوي كافي

عاد اشتغل ليش تاذي اهلك صرت جبير شويه شيل مسؤليه مو كله ع ابوك هم تعب رجال يطلع من

الصبح ميرجع اله المغرب حسوا بي شويه بقوا يحجون وياهم هدء الوضع وكلمن راح البيته