شُذير الدلهام

Part 11

#شُذير_ الدلهام

بقلم : زهـرة الـ ابراهيم

لا تنسون التصويت والتعليق بين الفقرات ومتابعة الحساب قلباتي ♥️

حبايبي اكو هنا كلام كلش حلو وراح يفيدكم
وإذا ما تحبون هيج شي سووله سكب
اكو هواي ناس تحب تقرأ هيج شي
وبس احبكم ♥️♥️

تعَال أحَچيلَي شيَحلها !
عَيُونك مَاتحَبني الفَدوة أروَحلها .

٫٬٫٬٫٬٫٬٫٬٫٬٫٬٫٬٫٬٫٬٫٬٫٬٫٬

جاوبني وصوته احسه مختنگ
ومتروس قهر

- احمـد : اتعرضولهم وهسه احنا بالمستشفى

هنا وگع التلفون من ايدي ركضت تقـى تريدني احچي
ماكو اخرسيت ما اگدر انطق بولا شي

- تقـى : ولـچ شبيـچ شصار ؟؟

شافتني ماكو ما جاوبت دنگت شالت التلفون
احمـد جان يصيح عليَّ عباله صارلي شي
جاوبته تقـى انوب لطمت ع وجها عمتي جانت
يمنه ...

- خديجة : ها يمه تقـى صاير شي ويه اخوانج ؟

- شُذيـر :- اباوع التقـى بچت وگالت صاير حادث
بسيط وياهم وهسه هما بالمستشفى لا تخافين
هيه كالت هيج بس حتى لا تخوف امها كلش
بس قلب الام كلشي يحس ..

حچت عمه وهيه مخليه شيلتها ع وجها وتبچي
- خديجة : لا جذبين عليَّ انا حاسه صاير
شي أخذوني الهم

بسرعة لبسنه صايات وحجاباتنه وطلعنه
للمستشفى ع ما وصلنه انا اختض بالگوه مقاومه
خايفه لا تچيني النوبه بالوقت الغلط ..

ع ما وصلنه احس الطريق صار أكثر من ساعة
رحنه  ركض ما نندل وين اتصلت ع احمـد
حچت ويا تقـى وهيه تناشغ انا ما كدرت احچي
لان صوتي اختفه ما اعرف يمكن من  الصدمة ...

اجانه احمـد وبلگوه قبل نروح يمهم لأن اكو زلم
رحنه عمتي سألته كال الحمد لله
بس انا ما ارتاح گلبـي راحت عمتي للولد
وتقـى حچت

- تقـى : خويه الله عليك گول الصدگ شلونهم

تنهد وكال بصوت  مكسور
- احمـد : تعبانين سـراج طلقتين وحده بأيده
ووحده بطنه ومُـلهم طلقه قريبه لگلبه ...

من گال هيج انا وگعت من طولي

٫٬٫٬٫٬٫٬٫٬٫٬٫٬٫٬٫٬٫٬٫٬٫٬٫٬

- تقـى : من گال هيج احمـد ما احس اله شُذيـر
اغمى عليها انا تخبلت عليها منا اخواني منا هيه  وامي راحت يمهم ما ادري عنها ،
احمـد احتار شلون يشيلها لأن حرام
اخر شي كتله شيلها خويه ...