شُذير الدلهام

Part 19

#شُذيـر_الدلهام

بقلم :- زهـرة الـ ابراهيم

لا تنسون التصويت والتعليق بين الفقرات ومتابعة الحساب قلباتي 🫂♥️ .

‏خذني يمك..
‏عيني مشتاگة لـ ضواك
‏وگلبي چن شباك ما شايف شمس..''

قراءة مُمتعة

٫٬٫٬٫٬٫٬٫٬٫٬٫٬٫٬٫٬٫٬٫٬٫٬٫٬

شُذيـر

اجو الولد گمنه تغدينه وهم خطية من شافوني
متأذيه غسلو المواعين احمـد ومُـلهم
كملو وگعدنه بالصالة نسولف ونضحك
وكلساع نطلع الكاميرات ونشبع ضحك ..

شويه واجـه اتصال لـ احمـد طفر وصار يرجف
وجهه انگلب لونه .

- احمـد : جاي جاي

- سـراج :- شبيـك منو اتصل عليك ؟؟

- احمـد :  ام حـوراء صاير عدها اوجاع
ودكتورة حددت موعد عمليتها بعد سبوع

- شُذيـر :- ركض احمـد وركض ورا مُـلهم
راد يروح وراهم سـراج جلبت بي

- اوكف اوكف أخذني وياك

- سـراج :- لا ابقي هنا انا اروح ورجع

- شُذيـر :- والحُسين بس تروح او ما تأخذني
اگلبها عزاااا اريد اروح اشوفها .

زفر نفسه بضوجه وكال
- يله بسرعة لبسي لا تتأخرين

- بس تروح ازعل والله انتظرني عفية
- ايي يله ولـچ بسرعة

رحت وانا خايفة يعوفني بدلت بسرعة ولبست
حجابي وطلعت لگيته گاعد يدخن بس شافني
گام رحنه للمستشفى انوب لازم هسه عملية
لأن خاف يصير عدها ولادة طبيعية مو زين ع
گلبها وقع احمـد ع الاوراق واخذوها
وهوَّ يروح ويرجع تعب من الروحه والرجعه
حچوا ويا ماكو ما هدئ اخر شي اجاني

- احمـد : اكو صلاة كالت عليها المرحومه
شلون نصليها ؟؟ إذا تذكرين كليلي

- شُذيـر :- اي أتذكرها باع هيه ركعتين
تهدي ثوابها لأن البنين (ع) والنية تگول

" اصلي ركعتين لام البنين لقضاء حاجه قربة إلى الله تعالى"

- شُذيـر :- من تكمل سوي تسبيح الزهراء (ع)
واهدي صلاة ع محمد وال محمد لام البنين
واطلب حاجتك وان شاءالله مقضيه خوية