شُذير الدلهام

Part 22

#شُذير_الدلهام

بقلم :- زهـرة الـ ابراهيم

لا تنسون التصويت والتعليق بين الفقرات ومتابعة الحساب قلباتي 🫂♥️

هذاك انت ويمر طيفك
واشوف امالي لو شفتك ..

قراءة مُمتعة

٫٬٫٬٫٬٫٬٫٬٫٬٫٬٫٬٫٬٫٬٫٬٫٬٫٬

بس كلت هيجي هج مثل الثور اجـه عليَّ
رفع أيده بوجهي لزمتها حيل وكتله

- الايد الي تنمد ع بنت جواد تنكسر لو أكلك
تنبتر فاهم مو شُذيـر الي تنضرب وراح اندمك .

دفعته حيل وباوعت لـ مُـلهم
- وصلني لبيتنه

- مُـلهم : هذا بيتج شُذيـر

- عندي بيت واحد واعيش بي بدون اهانه
وهوَّ بيت اهلي الي ربوني وربو اخواني
المرأة ما تنضرب تنحط تاج ع راس وبين عيونهم

- سـراج :- ديله شلون تربية هسه

فريت ايدي وضحكت ضحكه مستفزة
- خاب روح شايف روح ؟

راد يچيني جرني مُـلهم بسرعة طلعني
بس ما ارتاح گلبـي من ضربني لحد ما
رجعت بسرعة للشقة صرت گبال سـراج
رفعت ايدي حيل وضربتة نفس الضربة
تصنم بمكانه ولولد هم

- شُذيـر :- غلطي الوحيد انُ ما رجعته الـك
بنفس اللحظة ورجع وكرر مو انا الي انضرب
واسكت فاهم .

هچم عليَّ ومُـلهم بسرعة خلاني ورا ظهره
ودفع سـراج .

- مُـلهم : تستاهل

كال الكلمة وجرني أخذني للسيارة
ركبت بسيارة مُـلهم يحچي ويايَّ
فصلت انا اباوع من الشباك وساكته وصلت لاهلي
قبل لا انزل كلت لـ مُـلهم

- كول لـ ستاذ اخوك خل يدز ورقة الطلاگ
لا تصير مو زينه ويا

- مو هيج خوية استهدو بالرحمن

- وصل كلامي اله خوية وهسه الله وياك ما قصرت

نزلت دگيت الباب فتحته هُـدى دخلت
بس امي موجودة حچت ويايَّ بستها وصعدت
للغرفة سديت الباب
وگعدت ورا الباب مصدومة منه ومن الي
سوا نزلت دمعه شارده من عيني مسحتها
وحچيت

- شُذيـر مو انتِ الي تنزل دمعتج فاهمه
دمعتچ غالية بس اليستاهلها تنزلة فاهمه لا تنكسرين
انت محد يكسرج مو نوب واحد مثل سـراج !!