شُذير الدلهام

Part 9

#شُذير_الدلهام

بقلم : زهـرة الـ ابراهيم

لا تنسون التصويت والتعليق بين الفقرات ومتابعة الحساب قلباتي ♥️.

٫٬٫٬٫٬٫٬٫٬٫٬٫٬٫٬٫٬٫٬٫٬٫٬٫٬

شُذيـر :- انا حتاريت شسوي منا إذا ابقى ويا اهلي اخلي حياتهم بخطر لأن يردوني او منا انا ما اريد سـراج رديت عليه وحسمت الموضوع ..

- انا اوافق بشرط إذا قبلت طبعًا ؟.

سـراج :- طبعًا اقبل وانا الممنون بعـد حيلـي ..

- لا تگول بعد حيلي انا مو حيلك ..

- خوش يله شنو شرطج ..

- باع

سـراج :- باوعت يبعـد اليباوعـون .

شُذيـر :- اهووو هسه غير يخليني احچي ..

- احچي احچي ...

شُذيـر :- ايي شسمه ما تتحكم بيه
وكلشي اسوي ع مزاجي ، وها ما تمد ايدك عليه
ما اطبخ ، وإذا ضوجتك ما تحچي شي تقبل ؟

سـراج :- اقبل وغصب عني هم يله ...

- ياا دكول ما اقبل شبيك ..

- خاب اقبل وابوس ايدي وجه وگفه هم ...

شُذيـر :- كالي باچر يجي يتقدم
وانا رحت اريد انام بس ما اگدر ما اعرف تصرفي صح لو غلط بس انا خفت ع اهلي
لان محمـد انخطف وانا هم وسوولي كميل
علمود هـدى حيل خفت ووكلت امري لله
وان شاءالله خير .....

اجه يوم ثاني وهو اجه واجوا ويا أمه وأخو
بس تقى زوجها ما خلاها تچي
حتى ام سـراج ترجع هيه ومُلهم ما يبقون
وراى الخطوبة يرجعون ...

اتفقوا ع كلشي وقرروا بعد يومين الخطوبة
وانا طلبت بيناتنه يعني بس القرايب وخلاص
وهما حترموا رأيي وكالوا ميخالف بس القرايب

شُذيـر :- اجه يوم العقد ولبست فستان بسيط
صاحو عليَّ حتى يعقدلنه السيد ،
گعدت يم الباب وحچه السيد
ويا سـراج ونطا الموافقه ورجع حچه ويايَّ

- شُذير جواد هل تقبلين الزواج من سـراج ابن حسام إذا قبلتي گولي نعم قبلت وانتَ وكيلي ..

شُذيـر :- باوعت لامي دمعت ومسحت عيونها
وگالت ردي يمه ..

حچيت وانا ما اعرف الي سويته صح لو غلط
- نعم قبلت وانتَ وكيلي

هلهلن البنات ورحت گعدت
هيه أمه وأخو اجوا حتى عمامه وخواله
بس تقى اخخخ ياتقى ما خلاها رجلها ..