شُذير الدلهام

Part 24

#شُذير_الدلهام

بقلم :- زهـرة الـ ابراهيم

لا تنسون التصويت والتعليق بين الفقرات ومتابعة الحساب قلباتي 🫂♥️.

وحق عيونك الحلوت
وداعت كل رمش بيهن
طيوفك من يجن باليل
افز من نومي احاچيهن

قراءة مُمتعة

٫٬٫٬٫٬٫٬٫٬٫٬٫٬٫٬٫٬٫٬٫٬٫٬٫٬

ابتسمت بوجهه واردفت بتعب
- روح انت انا تعبانه انقذ روحك سـراج
انا ما اگدر اتحرك

- للموت ما اعوفج شُذيـر

بس كال هيجي اندفر الباب حيللل صرخت وغمضت
عيوني .

سمعت صوت اول مرا اسمعه
- گوم بسرعة الدلهام لا يچون

- شُذيـر :- فتحت عيوني شفت رجال يچي بعمر
سـراج باوعت بسرعة لـ سـراج
گام بسرعة تحاضنو وجرني من ايدي
وانا كلشي ما فاهمة مشيت ويا
اخذوني بمكان ضيق كلش يمشون بي والولد گدامنه
شوية وحسينه صار الطلق يطاير ما
اعرف منين اجت طلقه وستقرت بـ سـراج
ووگع  ..

نزلت علي بسرعة ارجف شفت دم يطلع
من رجله دگيت ع وجهي وبچيت

- يماااا سـراج تصوبت !!!

غمض عيونه وحچه وهوَّ يجر النفس بالگوا
- أخذها العقـاب وصلها للامان وتعال لحد يشوفككك

- شُذيـر :- لزمته حيل وحچيت بترچي

- لا لا ما اعوفك سـراج ما اعوفك وياك

- سـراج :- گومي شُذيـر لا يجون بسرعة
اي شي يصير لا تطلعين وحدج واذا راسلوج لا
تردين لا تأذيني شُذيـر سمعي الكلام

بچيت وحچيت وشفايفي ترجف
- لا عفية انت شلون اعوفك

- سـراج :- ارجع انه وعد بس روحي يله ولـچ

حضنته حيل باسني وهمس يم اذأني
- سـراج :- احبــچ حيـل شـذرت گلبـي

- شُذيـر :- انا هم سـراج انتظرك

- انتبهي ع روحـچ يبعد روحـي

بسته وگمت من صاح العقـاب
- يله خوية بسرعة حتى ارجعله

- شُذيـر :- مشيت مسافه وباوعتله
رجعت ركض حضنته ضميته حيل احس بعد ما
اشوفه اجاني حساس محلو وانا اعوفه
لف ايده ع ظهري وشدد حضنته وشمني حيلل
وعبالك بعد ما يشوفني هنا حسيت هذا اخر لقاء
النه .