شُذير الدلهام

Part 15

#شُذير_الدلهام

بقلم :- زهـرة الـ إبراهيم

لا تنسون التصويت والتعليق بين الفقرات ومتابعة الحساب قلباتي ♥️.

قراءة مُمتعة

٫٬٫٬٫٬٫٬٫٬٫٬٫٬٫٬٫٬٫٬٫٬٫٬٫٬

حـوراء

- رجعت من يم شُذيـر وانا لعبانه نفسي
وحاسه حامل واذا عرف احمـد يگلب الدنيا
عليَّ انوب اريد تحليل بيتي حتى احلل ما اگدر
اگول لـ احمـد وديت عمتي تچيبلي وهم قلقت
عليَّ وحچت لان اذا صدك حامل احمـد مُستحيل
يخلي اكيد يسقطه وانا لو اموت ما اسقط الطفل .

راحت عمتي وجابتلي واحمـد طلع لـ سـراج
سويت التحليل وطلع ايجابي رجعت سويت
الثاني هم ايجابي عمتي لطمت ع وجها
وانا انخطف لوني عافتني عمتي بعد
ما وصيتها ما تحچي الـ احمـد خابرت شُذيـر
وسولفت الها هيه ما اتعرف من كتلها
شهگت وبچت انوب بقت تعاتبني بعدين كتلها اروح
هسه وبعدين اخابرج سديته منها
وگعدت اتذكر قصتي انا واحمـد ..

انا تزوجت احمـد ع حب هوَّ دكتور
وانا طالبة جامعية فـ مرة تخربطت امي
واخذناها المستشفى وهناك اول لقاء النه
وهم ما عافنه خطية بقى ويانه منها
واحمـد بقى يراقبني لمن ما اخذ رقمي وحچه
وياي وانا صديته بقى اشهر يراسل ويعترف
بحبه الي وانا ما اجاوبه وهوَّ يتخبل عليَّ
مرا اجـه ليم بيتنه لان ما جاوبته .

خبلني لمن ما حبيته وتعلقنه ببعض
وابد ما بقينه هواي لان علاقة محرمة
ما بينه شي رسمي فـ هوَّ تقدملي ورفضو
اهلي ورجع تقدم وهم حصل رفض
تقدم ثالث مرا يله قبلوا اهلي شلعوا گلبه
المهم أتزوجنه وعايشين عيشه تخبل وهوَّ
حبه كل يوم يكثر ..

فـد يوم گاعدين نشاقة وصار شقانه ثگيل
وتخربطت علي وگلبي نتهى حسيته
اخذني لدكتور اخصائي طلع عندي صمام
مسدود ولازم ماكو جهد لو ثگل اشيل وغيرها
حتى الحمل منعني منه وانطاني فترة محددة
علمود العملية بس قدر الله وما شاء فعل وصرت
حامل وكلش خايفة من رد فعله گعدت انتظرة .