شُذير الدلهام

Part 13

#شُذير_الدلهام

بقلم :- زهـرة الـ ابراهيم

لا تنسون التصويت والتعليق بين الفقرات ومتابعة الحساب قلباتي ♥️

قراءة مُمتعة

٫٬٫٬٫٬٫٬٫٬٫٬٫٬٫٬٫٬٫٬٫٬٫٬٫٬

- رقية : اريد احچي وياكم بموضوع يخص
حادث شُذيـر وانا لأن احبكم واعزكم راح احچي
الحقيقه وعندي إثبات هم

- شُذيـر :- انا وسـراج واحد باوع بوجه الثاني
رد سـراج حتى تكمل وكال كملي ..

- رقية : انت مو تعرف هديل وهدير وحده تحبك
وثانيه تحب احمـد فـ هدير لأن تحبك سوت هيج
تموت من شُذيـر هيج تتخبل منه من تزوجتها
ودرت انت تحبك مرتك ويشهد الله انا ما راح
احچي غير الي سمعته بيومها من اخذتوا
شُذيـر صعدت وسمعتهن يحجن ...

- هديل : ولـچ هوَّ هيج تدفعيها إذا صار بيها
شي لو ماتت وعرفوا احنا ورى هل شي
ينهونه ونبي

- هدير : ختولي عساها بالموت ولچ اكرهاااا
لأن اخذت حبيبي مني
وإذا ما صارلها شي ارجع واسوي الاسوء منه
بس خل تعوف سـراج ...

- رقية : لهنا وسجلت صوتهن انا لأن صاحوا عليَّ

- شُذيـر :- رجف جسمي من سمعت شلون هيج
عدهن قلب يسون يعني مستعدات يموتني
علمود انا وسـراج نترك ؟ عجيب ،
باوعت ع سـراج عصب عصب كلش اكو عرك برگبته
وبأيده نطن گام كل سرعته أخذ السويج
بعد ما اخذ التسجيل وطلع يركض
ركض ورى حسين ورقية هم وانا بقيت
وحدي .

انتظرت فوك الساعتين ماكو ما رجع
خابرت علي ماكو ما يجاوب انوب انا اتخردلت
روحي ماعت من الم ايدي اتمددت ع القنفة
مر وقت مو كلش هواي سمعت الباب انفتح
بس حيل مابيه افتح عيوني حسيته اجـه
گاعد ع ركبه يمي وخر شعري
وهمس بصوت ناصي :- حبيبي

ما جاوبت احس حتى مابيه احچي
حاول ويايَّ ماكو گام شوي ورجع حسيت ع مـاي
بارد يغسل وجهي حتى اگعد من حسيت ببرودت
المـاي فتحت عيوني ع كيف باوعتله قرب وجهه
وباسني وگرص خدي گمت ع كيف وهوَّ ساعدني
وانطاني علاجي شربته .

- شصار ؟ ليش تأخرت
- ادبتهن ورجعت
- شسويتلهن ؟
- لا تهتمين حبيبي لا دوخين راسج بيهن الـ*****

ضربته ع حلگه :- لا تفشر شبيك

لزم حلگه وباوعلي وفتح عيونه
- ضربتيني ؟ صايرة ايدج طويله شُذيـر !