شُذير الدلهام

Part 12

#شُذير_الدلهام

بقلم : زهـرة الـ ابراهيم

لا تنسون التصويت والتعليق بين الفقرات ومتابعة الحساب قلباتي ♥️.

٫٬٫٬٫٬٫٬٫٬٫٬٫٬٫٬٫٬٫٬٫٬٫٬٫٬

- شُذيـر :- طفر سـراج من الاكل من اجا اتصال
ركض لبس ملابسه ونريد نفهم منه ماكو
لزمه مُـلهم سأله

- مُـلهم : شبيـك فهمنه شصاير ؟

- سـراج :- حسين ابن عمي اندعم وهسه حالته
خطرة ويا عائلتة امشي بسرعة ...

- طلعو يركضون بسرعة وراحت وياهم عمه
گعدنه انا وتقـى سألته وكتبت بتلفون

- اكلج خطية منو من عمامج ابو ؟
- عمي مسلم يارب خطية انوب هوَّ وعائلتة
ولـچ فـ احبهم لأن حبابين مابيهم اذيه

- شُذيـر :- بقينه نسولف انا وياها تالي گمنه نظفنه
وصار العصر وهما ما اجوا راسلت سـراج

- شُذيـر :- ها شلونهم؟

- سـراج :- اخخ شُذيـر حسين حالتة خطرة
مرته الحمد لله زينه بس خطية جانت حامل
وسقطت وهسه گوه نامت انطوها مُهدء يله گدرت تنام ..

- اوي عمري خطية الله يشافيهم ، عمه شلونها
خطية لا تتعب ..

- وديتها بيت عمي لأن انقهرت وضغطها صعد

- تمام تجون لو تبقون هناك ؟

- مُـلهم يبقى بس انا ارجع يمچن ابقى .
- إذا تريد تبقى عادي ما علينه شي
- اچـي الصبح ارچع يمهم لأن راسي موتني
- تمام ع راحتك

سلم وراح وانا رحت يم تقى ضايجين
اجـه سـراج بليل حتى ما تعشه راح نام
وتقـى راحت نامت انا رحت للغرفة تمددت
واشوف مسلسل بتلفون شوية وحسيت سـراج
تحرك گمت باوعتله رفع راسه وجهه احمر
سألته وانا اخلي ايدي ع گصته ...

- شبيـك ؟ گصتك نار سـراج .

خله راسه بحضني واشرلي ع راسه
بمعنى يأذيني خليت ايدي علي وامرخ بي
مرت فوگ الربع ساعة وهوَّ تزيد صخونته
ما اعرف شبي حاولت احچي ويا
ماكو بس يهذي بكلمات

- لا تعوفيني شُذيـر انتهي إذا عفتيني

حركته باوعلي بعيون ذبلانه ورجع بمكانه
گمت جبت مـاي بارد وسويتله كمادات
بقيت للصبح اسويله شويه نزلت حرارته
بقيت گاعده يمه وغفيت وانا منتچيه ع الجرباية
فزيت ع أيده تتحرك ع وجهي ويحچي ..

- شُذيـر عمري ليش نايمة هيج هسه ظهرج يتأذه

باوعتله ورجعت غمضت ما اگدر افتح اعيوني
من النعاس رفعني الصدرة ووخله المخده ونزل
راسي وغطاني رجعت غفيت ...