شُذير الدلهام

Part 23

#شُذير_الدلهام

بقلم :- زهـرة الـ ابراهيم

لا تنسون التصويت والتعليق بين الفقرات ومتابعة الحساب قلباتي 🫂♥️ .

التَعب واصَل حَدر عَظمي واگول تَهون

قراءة مُمتعة

٫٬٫٬٫٬٫٬٫٬٫٬٫٬٫٬٫٬٫٬٫٬٫٬٫٬

- ليش سويت هيج ؟؟

- عوفوني رحمه لهلكم

- احمـد : ما نعوفك احچي ليش تصرفت هيج
وياها ؟؟ مو تحبها وتنطي روحك الها ليش
اذيتها ؟؟

اخذله صفنه واردف بكسره
- حتى تكرهني

- مُـلهم :  ليش سـراج ؟ ليش حتى تكرهك
بس فهمنه انت مو تحبها ما تقبل بهطول عليها
شغيرك ، وأنه ملاحظ هل فترة تنتر بيها وهيه
تبلعها وتسكت ليش سويت هيج ؟؟

باوعلي وعيونه بيهم دموع
- لازم هيج يصير لازم

حاولنه أنه واحمـد ويا ماكو ما يحچي
انتبهت له كل ما يشرب چكارة يطفيها بيده !!
تقريبًا باكيتين شرب يطفيهم بيده نفس
الايده الي ضرب بيها شُذيـر لحد ما طلع دم منها
وهوَّ مستمر يطفي بچكارة ولا كأنُ حاس بألم !!

تقربت سحبت الچكارة الي جاي تاكل بيده
وهوَّ ما حاس ، اخذتها منه عاط بيه

- سـراج :- رجعها

- مُـلهم : انتَ مطي مجاي تحس ايدك شصار بيها

- سـراج :- استاهل عساها بالكسر هاي نفسها
الايد الي تحتمي بيها وتمسح دموعها نفس الايد
اليوم انمدت عليها عساها بالكسر .

گال كلامه وطلع وأنه واحمـد حتارينه شنسوي
انه ابد ما قابل ع تصرفة وياها بس اعرف اكو
سبب بس شنو ما اعرف  ..

بقى يراقبها من بعيد اريد بس اعرف شصاير
هيج بعدها عنه ويراقبها من بعيد وأنه
شاهد ع لوعته عليها اشوفه يطلع صورتها
ويباوعلها ودموعه تخونه يمسحهن بسرعة
حتى لا اشوفه بس انه اعرف كل زين
اكو شي بس مجاي يحچي شلع گلبـي
ويوميه هوَّ يشوفها من بعيد ويطلع لشغله
الي كل ما يرجع منه عصبي ويتخبل علينه ..

خابرني اليوم وگال
- سـراج :- مُـلهم بسرعة روح لجامعة شُذيـر
اخذها بسرعة

- مُـلهم : شصاير سـراج ؟

- انت هسه روح وسولفلك