شُذير الدلهام

Part 10

#شُذير_الدلهام

بقلم :- زهـرة الـ ابراهيم

لا تنسون التصويت والتعليق بين الفقرات ومتابعة
الحساب قلباتي ♥️

٫٬٫٬٫٬٫٬٫٬٫٬٫٬٫٬٫٬٫٬٫٬٫٬٫٬

رديت عليها بخوف
شُذيـر :- بشري يروحـي ؟

لافيـن : احبـچ شُذيـر سويت كلشي كلتيلي علي ولـچ اعترف ودزيت كلشي
العمي الجبير وتحلف بي گال بس ارجع انا اتصرف
ولا تبقين وحدچ حتى لا يجيچ ع ما اچي
واطيح حظه هل ****

- شُذيـر :- حلفي يمُهه يارب الفرحة
يروحي انتِ لافيـن مثل ما گالج عمج لا تبقين وحدچ
إذا اجـه يمچ صرخي حتى يعوفچ ابـد لا تبقين وحدچ
تمام حبيبتي ..

- لافيـن : اييي والله ما ابقى يمه وهذا عمي
يحبني يگلي الله ما رزقني بـ بنات بس أنتِ
روحي من الدنيا وهوا يعرف اخو ****
فـ ان شاءالله بس يرجع يطيح حظه ..

- شُذيـر :- ايي حبيبتي انتبهي الروحچ يروحي
من يچي عمچ طمنيني تمام ؟

- لافيـن : ان شاءالله ، شُذيـر مراح انسى وگفتچ ويايَّ
ابـد والله وگفتيلي مثل وگفت الأم لبنتها
ووگفت الاخت الاختها مراح انساچ واتمنى ابقى ع تواصل وياچ يعني اذا ممكن ..

- بعد عيني ونظرها أنتِ اختي الصغنون
مثلچ مثل هُـدى ، شوكت ما تردين انا موجودة
راسليني يحيلـي أنتِ ..

- لافيـن : تمام احبـچ وهسه اروح انا

- يعمࢪي انا هم يله باي حبيبتي

- شُذيـر :- غلقت التلفون وباوعت السـراج
گاعد بمكان السايق يمي ومچتف ايديه الصدرة ويباوعلي بَـ بتسامة
حلوة ..

- سـراج :- ها حبيبي وأخيراً انفكت الچبسه وضحكتي
يابه اذوب انا ببتسامتچ ..

- اوي هسه شبيك المهم وأخيرًا لافيـن گدرت تأخذ دليل علي ..

- الحمد لله ان شاءالله كل البنات تتشچع وتصور الحيوانات الي تتحارش بيهن وكلش حبيت موقفچ
هذا شلون وگفتي للبنيه ولو بشي بسيط
بس انا عندي هذا الشي كلش جبير وكبرتي بعيني ..

- يعني انا جنت صغيرة بعينك مو ؟

- بويه هسه عفتي كلشي وركزتي ع هاي خرب حظي

- شُذيـر :- رجع ساق ورجعنه للبيت أو بالأصح الشقة
انا كلساع انام واگعد ع ما وصلنه
رحت بدلت ونمت گعدت لگيت سـراج ماكو
فتحت التلفون حتى اتصل لگيته داز مسچ

- حبيبي انا طالع خليتلچ اكل اكلي لا تبقين بدون
اكل خاف اتأخر غفلي الباب احبـچ يالبومه ..