شُذير الدلهام

Part 16

#شُذير_الدلهام

بقلم :- زهـرة الـ ابراهيم

لا تنسون التصويت والتعليق بين الفقرات ومتابعة الحساب قلباتي ♥️

‏هَد حيلّي ، البُعد
يالـ شوفتك رآحة

قراءة مُمتعة

٫٬٫٬٫٬٫٬٫٬٫٬٫٬٫٬٫٬٫٬٫٬٫٬٫٬

احمـد

جنت طالع وتصلت شُذيـر عليَّ رديت عليها
كتلها الو ماكو شويه وسمعت شهكتها وتوضح
الصوت عندي واسمع كل الحچي اتخبلت من عرفته
سجاد طلعت تلفوني الثاني اتصلت ع مُـلهم
بسرعة وفهمته وهوَّ اتصل ع ضباط او مسؤولين

بسرعة رحت للمركز انطيتهم الرقم حددوا الموقع
طلعنه كلنه دوريات وانا وياهم ولأن هوَّ مهم عدهم
ويعزونه هواي ضباط كبار اجوا ويانه ومُـلهم
تخبل رسمي من عرف صاير غتيال عليهم
وهوَّ بغير محافظة طلعنه بعد ما مُـلهم طلع من
المحافظة ...

رحنه للمكان الي حددو لگيته سـراج مغمي عليه
من أثر الطلقة وشُذيـر ماكو هنا انا بقيت ادگ
ع راسي من عرفت أخذوها وياهم
أخذنه سـراج للمستشفى بسرعة وعفت البقيه
يدورون ع شُذيـر ..

وصلنه اخذوا بسرعة للعمليات ورا ساعات
طلع بس بعده ما گاعد مر اليوم وشُذيـر
ماكو اخبار عنها ومُـلهم وصل هنا انا ويا
حتارينه شنسوي لأن إذا گعد وعرف
ما لگيناها شراح يصير بي واهلها شلون نگلهم .

صار يوم الثاني بعد ما نگدر نسكت خابرنه اخوها
خـالد اجـه هوَّ وعلـي من كتلهم علـي صفن
بوچهي وخـالد طاح من طوله شكل الضغط
عنده وعلـي گعد بالأرض يضرب برأسه ويبچي
اخذوا خـالد من بعد الابر والعلاج صحه
وتخبل علينه ونوب گعد سـراج وتعاركوا
خوانها ويا كال علـي

- علـي : ولك اتزوجتها حتى تحميها لو
تعرض حياتها للخطر ؟؟؟ انعل ساسك إذا صارلها
شي ..

- احمـد : بقى يلوم بي وخـالد صافن بس
كوه سكتنا من تدهورت حالت سـراج
من عرف بعدها ما لگيناها تخربط وركضنه
ع الدكتور حتى علـي شكد غلط ع سـراج
ولامه بس من شافه هيج تخربط ركض علي ..

طلعو خوانها ومُـلهم هم يدورون انا بقيت يمه
حتى حـوراء ما كلتلها شي عن شُذيـر
لأن اعرف كلبها مراح تتحمل فـ اضطريت
اچذب عليها وكتلها سافروا لا تتصلين عليهم
وتزعجيهم بالكوه اقتنعت .

صار يوم الثالث گعد سـراج جر الكانونه
شمرها وگام يعرج حاولت ويا ما قبل يرجف
ويردد