Death is the only ending for the villainess.

Chapter.100( U&Z)

Unicode.

အခန်းထဲရက်အတော်ကြာ ပိတ်မိပြီးတဲ့နောက် အိမ်တော်ထိန်းကနေတစ်ဆင့် လွှဲထားခဲ့တဲ့ တောကောင်တွေကိစ္စက ပြီးစီးလုနီးပါးဖြစ်သွားခဲ့တယ်၊ နေလှန်းထားတဲ့တချို့သောသားမွေးတွေက အမျိုးသားဝတ်စုံအဖြစ် ဆန်းသစ်ဖို့ ဒီဇိုင်းနာဆီမှာ အပ်ထားခဲ့လိုက်တယ်၊Eckliss အတွက် လက်ဆောင်လုပ်ပေးဖို့၊

ဘယ်လိုပဲဖြစ်ဖြစ် အဝတ်အစားချုပ်ဖို့က အတော်လေးကြာအောင်အချိန်ယူရတယ်၊ငါမြန်မြန်လေး သက်ဆိုင်ရာတစ်ခုခု ပေးလိုက်ချင်ပေမဲ့ ဘာမှရွေးချယ်စရာမရှိခဲ့ဘူး၊

အိမ်တော်ထိန်းဆီကနေ အဆင့်တန်းမြင့်တဲ့သေတ္တာကိုရတာနဲ့ ငါအပြင်ကိုထွက်ဖို့ တန်းပြင်တော့တယ်၊

' အဲ့တာက 67%ရှိလို့ ငါထင်တယ် '

အဲ့တာက မမြင်ရတာတောင် သိသိသာသာတက်သွားတဲ့ Ecklissရဲ့နှစ်သက်မှုနှုန်းကိုစစ်ကြည့်ဖို့ အလျင်လိုနေမိတယ်၊ဒါပေမဲ့ ပြင်ဆင်မှုတွေပြီးဆုံးပြီး အခန်းအပြင်ကိုထွက်ဖို့ပြင်တဲ့အခါ ရာသီဥတုက ကိုယ့်ဘက်ပါမနေပြန်ဘူး

'' ဒီရာသီဥတုကြီးမှာ တကယ်ပဲအပြင်ကိုလမ်းထွက်လျှောက်မလို့လား သခင်မလေး ''

ပြတင်းပေါက်ကိုကြည့်နေတဲ့ Emilyက ထီးကိုကမ်းပေးရင်း စိုးရိမ်တကြီးကြည့်လာခဲ့တယ်၊အခုက မနက်ပစောပဲရှိသေးပေမဲ့ ကောင်းကင်တစ်ခုလုံး တိမ်ညိုတိမ်မဲတွေဖုံးနေပြီး ညနေရောက်သွားသလို မှောင်ရီနေခဲ့တယ်၊

ပြတင်းဘောင်ကိုလေတိုးနေတဲ့အသံက ပျင်းရိဖို့ကောင်းနေတယ်၊

' ငါနောက်တစ်ခါမှသွားသင့်လား '

Emilyနဲ့အတူ ပြတင်းပေါက်ကိုလိုက်ကြည့်ရင်း နည်းနည်းတော့တုန့်ဆိုင်းသွားမိတယ်၊

ဒါပေမဲ့ ငါအမဲလိုက်ပြိုင်ပွဲကနေပြန်ရောက်လာပြီးတော့ လက်ဆောင်မပြင်ဆင်ရသေးဘူးဆိုတဲ့ မူမမှန်တဲ့အကြောင်းပြချက်နဲ့ နှစ်ပတ်နီးပါးလောက် Eckliss နဲ့မတွေ့ရဘူး၊

ဒီအချိန်အတွင်း သူထပ်ကာထပ်ကာ အနိုင်ကျင့်ခံရပြီး သူ့ရဲ့နှစ်သက်မှုတွေကို ငါဆုံးရှုံးလိုက်ရရင်...