Unicode.
' ဘာဖြစ်တယ် '
ငါ့ရဲ့မျက်လုံးတွေက Ecklissရဲ့ခေါင်းပေါ်မှာပေါ်လာခဲ့တဲ့ Systemရဲ့အဖြူရောင်ကားချပ်ပေါ် ရောက်သွားခဲ့တယ်၊ငါ့မျက်လုံးတွေကို ကျယ်ကျယ်ဖွင့်ထားလိုက်တယ်၊
' အဲ့တာသွားပြီပေါ့ '
အခုလေးတင် သူ့ရဲ့ခေါင်းမှာ ရှင်းရှင်းလင်းလင်းပြထားတဲ့စာ ( Interest.77% ) က ( နှစ်သက်မှုကိုစစ်ဆေးရန်) ဆိုပြီးပြောင်းသွားခဲ့တယ်၊ပြီးတော့လည်း အဖြူရောင်ဖြစ်နေတဲ့ ဘေးတိုက်ဘားလေးက အနီရင့်ရောင်ပြောင်းသွားခဲ့တယ်၊
ဒါပေမဲ့ ဘာတွေဖြစ်ကုန်တာလဲဆိုတာကို ငါတောင်သဘောမပေါက်သေးခင် စာအသစ်ထွက်လာခဲ့တယ်၊
နှစ်သက်မှုကိုပြတဲ့ဘားက ပမာဏအစား အရောင်နဲ့ဖော်ပြခဲ့တယ်၊
နှစ်သက်မှုပမာဏကိုစစ်ဆေးချင်တယ်ဆိုရင် ပစ်မှတ်နဲ့ရုပ်ပိုင်းဆိုင်ရာ ထိတွေ့မှုလုပ်ရမယ်၊
'' Eckliss ''
System ကနေပေါ်လာတဲ့စာတွေကို ဖျတ်ခနဲ့ကြည့်ပြီး ငါစကားပြောဖို့ပြင်လိုက်တယ်၊မွန်းကြပ်နေသလိုမျိုး တင်းကြပ်နေတဲ့အသံတစ်ခု ထွက်ကျလာခဲ့တယ်၊
'' အဲ့တာငါ့ကိုပေး၊ငါကိုယ်တိုင် နင့်ကိုဝတ်ပေးချင်တယ် ''
တုန်ယင်နေတဲ့ နှုတ်ခမ်းအစွန်းတွေကို ခက်ခက်ခဲခဲပင့်တင်ရင်း အမိန့်ပေးလိုက်တယ်၊
Eckliss က လက်ကိုနှုတ်ခမ်းနားကနေခွာလိုက်တယ်၊ လည်ဆွဲက ကျယ်လောင်တဲ့အသံနဲ့အတူ ကျလာခဲ့တယ်၊ငါအလျင်စလိုနဲ့ ဆတ်ခနဲ ဖမ်းယူနိုင်လိုက်ပါတယ်၊Eckliss က သူ့ရဲ့ ပျက်တီးပျက်ချော် အမူအယာကြောင့် ငါ့ကိုဦးညွတ်လိုက်တယ်၊
မိုးရေစိုရွှဲနေတဲ့ အညိုရောင်ခန္ဓာကိုယ်တစ်ခုက နီးကပ်လာသလို၊အဖြူရောင်စာလုံးတွေ ( နှစ်သက်မှုကို စစ်ဆေးခြင်း )နဲ့အနီရောင် ဘားတန်းလေးက ပိုပြီးရှင်းလင်းလာခဲ့တယ်၊
ငါဆံပင်တွေက လက်ကနေချော်ထွက်သွားပြီး လည်ဆွဲက အပိုင်းအစတွေကို လည်ပင်းနားတစ်ဝိုက်မှာ မသိမသာလေးကပ်ထားလိုက်တယ်၊အဲ့နောက် System ရဲ့အဖြူရောက်ကားချပ်က အာရုံထဲရောက်လာပြန်တယ်၊
