#Unicode
*ဒေါက် ဒေါက်*
"ဝင်ခဲ့ပါ..."
ကိုယ့်ရဲ့ခွင့်ပြုချက်နောက် တံခါးကိုတွန်းဖွင့်လျက် အခန်းထဲဝင်လာသည့် အတွင်းရေးမှူးလီ...။
"ဘာကိစ္စရှိလို့လဲ အတွင်းရေးမှူးလီ...?"
"အပြင်မှာဧည့်သည်ရောက်နေပါတယ် CEO...။ CEO နဲ့တွေ့ချင်လို့ပါတဲ့..."
အတွင်းရေးမှူးစကားကြောင့် မျက်မှောင်ကျုံ့သွားမိရင်း လက်မှာပတ်ထားတဲ့နာရီအားတစ်ချက်ကြည့်လိုက်မိသည်...။
"ရုံးဆင်းချိန်လည်းနီးနေပြီကို၊ ဧည့်သည်ရောက်လာတာလား...? ဒီနေ့ ချိန်းထားတဲ့ဧည့်သည်မရှိပါဘူး..."
"ဟုတ်တယ် CEO...။ သူက ကြိုချိန်းထားတဲ့ဧည့်သည်မဟုတ်ဘူး...။ ဒါပေမယ့် CEO နဲ့ အလုပ်ကိစ္စဆွေးနွေးတိုင်ပင်ချင်လို့ပါတဲ့..."
"ဘယ်သူလဲ...?"
"Shin Group ဥက္ကဌကြီးရဲ့မြေး ရှင်းဂွမ်မင်းလို့ပြောပါတယ်..."
"ရှင်းဂွမ်မင်း....?"
ထင်မှတ်မထားတဲ့နာမည်ကြောင့် ကိုယ့်မှာအနည်းငယ်အံ့ဩသွားရသည်...။ ဟိုတစ်နေ့က ညစာစားပွဲမှာတစ်ခါလေးပဲတွေ့ဖူးသေးတာကို ဘာအကြောင်းကိစ္စရှိလို့ အခုလို Company အထိရောက်လာရလဲဆိုတာ တွေးမိလေတော့ ဂျွန်ဂျောင်ကုပြောထားတဲ့ 'သူနဲ့နောက်ပိုင်းတွေ့ရင် အရမ်းကြီးပျူပျူငှာငှာမဆက်ဆံနဲ့' ဆိုတဲ့စကားက ခေါင်းထဲရောက်လို့လာသည်...။
ဒါပေမယ့် ကိုယ့်ရဲ့ Company ဆီ ဆိုက်ဆိုက်မြိုက်မြိုက်ရောက်လာတဲ့ ဧည့်သည်ဖြစ်နေပြီး Shin Group ဥက္ကဌကြီးရဲ့မြေးလည်းဖြစ်နေပြန်တော့ CEO တစ်ယောက်အနေနဲ့ကိုယ့်မှာမျက်ကွယ်ပြုလို့မရပေ...။
"အရင်ဆုံး ဝင်လာခိုင်းလိုက်ပါ..."
"ဟုတ်ကဲ့ CEO..."
အတွင်းရေးမှူးလီပြန်ထွက်သွားပြီး ခဏအကြာတွင် ရုံးခန်းထဲဝင်လာသည့် ရှင်းဂွမ်မင်း...။ အထက်တန်းစားဆန်ဆန်ပင် suit အပြည့်နဲ့ ဆံပင်ကိုသပ်ရပ်စွာသပ်တင်ထားတဲ့သူ့ပုံစံ...။
"ထိုင်ပါဦး..."
အခန်းထဲရှိဆိုဖာခုံအားညွှန်ပြရင်းပြောလိုက်လေတော့ သူက ကိုယ့်စကားကိုနားထောင်စွာခုံမှာဝင်ထိုင်လေ၏...။ ထိုအခါ ကိုယ်လည်းအလုပ်စားပွဲကနေထပြီး သူနဲ့မျက်နှာချင်းဆိုင်ရှိဆိုဖာခုံမှာ ဝင်ထိုင်ကာ နေရာယူလိုက်လေတော့...
