حور فتاة الثلج

الفصل 27 والأخير

(اللَّهمَّ إنِّي عَبدُك، وابنُ عبدِك، وابنُ أمتِك، ناصِيَتي بيدِكَ، ماضٍ فيَّ حكمُكَ، عدْلٌ فيَّ قضاؤكَ، أسألُكَ بكلِّ اسمٍ هوَ لكَ سمَّيتَ بهِ نفسَك، أو أنزلْتَه في كتابِكَ، أو علَّمتَه أحدًا من خلقِك، أو استأثرتَ بهِ في علمِ الغيبِ عندَك، أن تجعلَ القُرآنَ ربيعَ قلبي، ونورَ صَدري، وجَلاءَ حَزَني، وذَهابَ هَمِّي).

كانت الشرطة تحاط بقصر عائلة الشافعي، والجميع في حالة دهشة، فهم يأخذون سلمى ولا يعرفون السبب، فسألهم الجد عن سبب إعتقالهم لها، فأجابوه بأن الأمر السري وليس من حقهم التحدث، فصمت الجد ولم يفعل شيئا، وسلمى تنظر إلى زين وتبكي وتخبره بأنها لم تفعل شيئا، فأخبرها انه لن يتركها وحدها،  وبعد ان غادروا ظل الجميع في حالة صدمة، ولكن زين كان قد فهم ما حدث وذهب مسرعا لمحادثة حور، ولم تمر ثواني حتى أجاب عليها 

حور: نعم

زين: هو انتي السبب في القبض على سلمى

حور: اه ..فين المشكلة

زين: وليه حضرتك مش قولتي

حور: لأن حصل بسرعة، حتى أنا مش كنت مخططة لكدا، على العموم مش هى وحدها اللي اتقبض عليها

زين باستغراب: قصدك ايه

حور: هتسمع الاخبار قريب، أنا هقفل دلوقتي علشان مش فاضية. أغلقت حور الخط، وزين لم يفهم أي شيء من المحادثة

                                              * ************************************************* 

قصر الغابة

بعد أن أغلقت حور مع زين، نظرت لها يُومي وكأنها تلومها على ما تفعله، فسألتها حور 

حور: ايه النظرة دي؟

يُومي بلوم: الحركة اللي عملتيها مش حلوة

حور بهدوء: طيب واللي عملوا معايا، كان ايه 

يُومي: أيا كان يا حور، كان في أكتر من طريقة، أي حاجه اعمليها بس انك تخلي الابن يخون والده، فدي حركة مش حلوة خالص 

حور بغضب: وأنا، في حد يعمل كدا في بنت اخوه، انتي عارفه كويس اللي عملوا معايا 

يُومي: عارفه يا حور، بس ...

حور بضيق: بس؟! بس ايه، فاكره يوم ما كنت في القصر كانت ناوية تكشف عن قوتي للناس، وطبعا عمي عارف وساكت، وهو اللي قتل والدي ووالدتي وعمتي، ومش اكتفى بده لا اتحد مع مارك علشان يعرف مكان المشروع، وبعد ده كله تقوليلي اللي عملته مش مقبول. 

يُومي: اي رأيك تحطي نفسك مكانه، تخيلي لما والأب يعرف إن ابنه خانه ايه هيكون شعوره

حور: مش عايزة أعرف، بس اللي أنا متأكده منه إن لو والده كان مكانه وعرضت عليه كان وافق من دون تردد