ထပ်ချစ်ခဲ့မည်ဆိုလျှင်

Ep-4

တွေ့နေရရင်အမြင်ကပ်ပေမဲ့ မတွေ့ရတော့လဲလွမ်းသလိုလိုပင်

'အန်တီရောက်နေပြီလား'

'ဟုတ်တယ်နိုနို ဒါနဲ့ သို့သော် မပါဘူးလား'

'ဟုတ်တယ် မွန်းကိုသူမကြိုပေးနိုင်တော့လို့ဆိုလို့ နို ပဲပြန်ကြိုတာ'

'သူဘာဖြစ်လို့လဲ'

'သူအိမ်ကနေထွက်သွားတာ ခုထိပြန်မရောက်သေးဘူး
ဒါပေမဲ့ စိတ်မပူပါနဲ့ သူကအဲ့လိုပဲ နှစ်ပတ်လောက်ပျောက်သွားပြီးရင်ပြန်ရောက်လာရော'

ဘယ်လိုလူတွေလဲ အိမ်ကလူတစ်ယောက်လုံးပျောက်သွားတာတောင်လိုက်မရှာတဲ့သူတွေကိုအံ့သြတယ် အခုတော့ အိုးကမပူ စလောင်းကပူဆိုတဲ့အဖြစ်မျိုးဖြစ်နေပြီ.  မိသားစုဝင်တွေကလိုက်မရှာပဲ ခင်ကလိုက်ရှာနေမိတယ်

'အန်တီပန်းယူမလို့လား'

'သို့သော် ရောက်လာသေးလား'

'မမလေးသော်မလာဘူးဗျ သူလာရင်ဘာပြောပေးရမလဲဗျ'

'ဟင့်အင် ရတယ်'

နံရံက ထိုကလေးမဆွဲပေးထားတဲ့ ပန်းချီကားလေးကိုရပ်ကြည့်မိကာ

'မင်းကိုတို့အမြင်ကပ်တယ် သို့သော်
တို့အတွေးတွေထဲခွင့်ပြုချက်မရှိပဲဝင်လာတာတို့မကြိုက်ဘူး ပြီးတော့ တို့ရှေ့မင်းရောက်မလာတာကိုလဲတို့မကြိုက်ဘူး တို့ဆီပြန်ရောက်လာပါတော့ တို့မင်းကိုတွေ့ချင်တယ်'

ခင် သူငယ်ချင်းတွေနဲ့မုန့်ဆိုင်ထိုင်နေတုန်း ဆိုင်ထဲဝင်လာတဲ့ သော် သူ ခင့်ကိုမြင်တော့ပြန်ထွက်သွားတယ်

'ခဏနော်'

ခင် ထိုကလေးမနောက်ပြေးလိုက်ခဲ့တယ်

'သို့သော် သို့သော် ရပ်စမ်း သို့သော် တို့ပြောနေတယ်
ရပ်စမ်း'

အသံနဲနဲမြှင့်ပြီးခပ်မာမာလေသံနဲ့ပြောတော့ ရပ်သွားတယ်
ခင် သူမလေးရှေ့သွားကာ

'ပြောစမ်း မင်းတို့ကိုရှောင်နေတာ ဘာကြောင့်လဲ'

'မရှောင်ပါဘူး'