ထပ်ချစ်ခဲ့မည်ဆိုလျှင်

Ep-11

ရုပ်ရှင်ရုံရှေ့ သော်ရောက်နေတာနာရီဝက်ကျော်နေပြီ အန်တီကတော့ခုထိမရောက်သေး ည၇နာရီငါးကြည့်ဖို့ချိန်းထားချင်းပင်

'အန်တီမရောက်သေးဘူးလား '

'တို့တောင်းပန်ပါတယ်သော်ရယ် ပန်ပန်မူးလဲသွားလို့ အန်တီဆေးရုံရောက်နေတယ်  သူ့အမေကလဲလိုအပ်တာတွေပြန်ယူနေတာဆိုတော့ ဒီမှာအန်တီပဲလူစောင့်ရှိတယ်'

'သော်လာခဲ့မယ်လေ'

'ရတယ်ရတယ်သော် မလာနဲ့ ဆေးရုံကပိုးမွှားစုံတယ် အိမ်မှာပဲဘယ်မှမသွားပဲနွေးနွေးထွေးထွေးနေ ဟုတ်ပြီလား
ချစ်တယ်နော် အန်တီအားရင်ဆက်သွယ်လိုက်မယ်နော်'

သူပြောချင်တာပြောပြီးဖုန်းချသွားတဲ့အန်တီ့ကိုစိတ်မဆိုးရက်ပါ

'ဝင်ကြည့်ရင်ကောင်းမလား ပြန်ရင်ကောင်းမလား'

အန်တီမပါပဲမကြည့်ချင်ပါလေ ဒါကြောင့်ဆိုင်ကယ်ထားတဲ့နေရာကိုလမ်းအကူး

'Ti.........'

သော့်ဆီအရှိန်နဲ့လာတဲ့ကားတစ်စီး သော့်ခြေလက်တို့လှုပ်မရတော့ပေ လမ်းမအလယ်ထက် သော် ကျောက်ရုပ်ဖြစ်နေလေပြီ  သော်နောက်ဆုံးမြင်ခဲ့တာသော့်ဆီတည့်တည့်လာတဲ့ကားရဲ့မီးရောင်ပင်

'မမ ခင်ရေသွားဖြည့်ဦးမယ်'

ဆေးရုံခန်းထဲရေကုန်နေတာမို့လို့ရေဖြည့်ဖို့အောက်ထပ်ကိုဆင်းခဲ့တယ် အချိန်ကားည ၉ နာရီကျော်နေပြီ

'တူ တူ တူ'

'မိတ်ဆွေခေါ်ဆိုသောဖုန်းနံပါတ်မှာ'

ဖုန်းခေါ်တာခုထိမကိုင်

'အိပ်သွားပြီများလား'

'မမခင်'

'ရူပါ ကိုလတ်ရော ဆေးရုံဘာလာလုပ်ကြတာလဲ'

'သော်လေး'

'သူဘာဖြစ်လို့လဲ'

ဆေးရုံမှာသတိမေ့နေတယ်ဆိုလို့ ခင် လိုက်ခဲ့တယ်

'ကားတိုက်ခံရလို့ဆေးရုံရောက်လာတဲ့ကောင်မလေးတစ်ယောက်ကိုတွေ့မိလားမသိဘူး'