نسواني المعدلة لا تنسون التصويت
وترك تعليق حلو مثلكم
ــــــــــــــــــــــــــــــــــ
_بيت عائلة مخيط بخيوط من الحزن وخيوط من الفرح
_لكل شخص فيهم حكاية مختلفة مع الحياة
_انقل لكم ذكرياتهم لعل احدكم يتأخذ العبرة منها
_الغيلان
ــــــــــــــــــــــــــــــــــ
_ايد تحاوط خصري .. انفاس حارة تضرب بچتفي
_قبلات خفيفة تنتشر في انحاء كتفي
:- بلشي بقراءة الكتاب
_تحركت اصابعي وفتحت الكتاب ابتسمت وانا اقراءة كلمة الغيلان
_نزلت على السطر الثاني
_وبلشت اضيع بـ ذكرياتنا المحفورة بـ رواحنا
ــــــــــــــــــــــــــــــــــ
_الفيحاء ١٩٩٧
_احد ايام شتاء البصرة البارد اتمشى راجع من صلاة الصبح
_شدني صوت بچي طفلة صغيرة ، تلفتت بالمكان چان الشارع فارغ وصوت الطفلة يتردد بيه
_اخذتني رجلي لمصدر الصوت چانت مجموعة صناديق ، جذب نضري صندوق متغطي بچرچف وردي
_بعدت الچرچف وانصدمت بوجود طفلة داخل الصندوق ، وجها ازرگ من البرد وتبچي بطريقة توجع الگلب
_شلتها بيدي چانت مگمطة ، ابتسمت على منضرها ورجعتها للصندوق
_نزعت قمصلتي وغطيتها ،، باوعتلها وكلني حِيرة
كرار: ياللّٰه شلون بهل طفلة اذا عفتها تاكلها الچلاب واذا اخذتها تنگلب الدنيا علي
_رفعت راسي للسما چانت الشمس توها تطلع
_تمشيت كم خطوة وسمعت صوت بچيها
ضليت متردد اكمل طريقي لو ارجعلها
_نزيت من سمعت صوت چلب ينبح بقوى
رجعت ركض للصندوق ولفيتها بالقمصلة واخذتها
_اتنفست بعمق وضحكت حسيت براحة فضيعة وچانت ساكتة
_وصلت لباب البيت وترددت ادخل
اتنهدت وقررت اتوكل على اللّٰه وادخل
_دخلت واستقبلتني امي بأبتسامة بشوشة
نورية: هلا يُمة صليت
كرار: اي صليت
نورية: تقبل اللّٰه
كرار: منا ومنچ صالح الاعمال
_باوعت لـ ايدي وابتسمت واردفت
نورية: شنو البيدك يُمة
كرار: كعدتها على الكرويتة ووخرت قمصلتي منها ، نزيت على شهگة امي
نورية: كرار شنو هاي!!!
أنت تقرأ
الغيلان 010
General Fictionفي كل حائط سر مختلف _بيت عائلة مخيط بخيوط من الحزن وخيوط من الفرح _لكل شخص فيهم حكاية مختلفة مع الحياة القصة باللهجة العراقية.
