نسواني المعدلة اعتذر لان ما نزلت الاسبوع الفات بس چانت ايام عيد والتهيت
لا تنسون التصويت وترك تعليق لطيف
ــــــــــــــــــــــــــــــــــ
_الفيحاء
_فرشنا الحصيرة بالبستان وجبنا قوري الچاي والستكاات وقفص البلبل كدامي خليتله تمراية ، چان صوته طرب
_وجهت نضري عليه من سمعت صوته الحنين
فاضل: ليش كاعدة هنا مريتي الحلوة تريد تتمرض
نوال: الجو حلو تعال اكعد يمنا
نورية: اي واللّٰه يُمة اكعد يمنا خلي اشوفك صارلي زمان ما شايفتك
فاضل: يُمة ترى شفتيني على الغدة يمتى لحگتي تشتاقيلي
نورية: چا شسوي انا كل دقيقتين اشتاقلكم انت واخوتك
فاضل: تعاي يُمة انطيني راسچ ابوسه كلشي ولا تفعلين وضع الفاتحة
نورية: وخر وخر عبن اخاف عليكم تسوون هيچ بية
فاضل: چا هسة شمسوين احنى
نورية: گوم لا تكعد يمي
_ضحك وگام باس رأسها
فاضل: يُمة شتگولين اخذچ تزورين ابوچ بالمگبرة
نورية: عمت عيني عليه راح الغالي
فاضل: يُمة صارله 30 سنة متوفي ما كافي
نورية: چا اكو واحد ما يبچي على ابوه من يموت
حسين: انا ما ابچي على ابوي اذا مات
فاضل: ولك حسسسييين
حسين: ها يُبا
فاضل: وجعا تبچي وغصباً عليك
نوال: عفية شهل فال كافي
حسين: ليش نبچي على الميتين وندري بيهم رايحين للجنة
فاضل: فشلة من العالم ذب دمعتين بفاتحتي
نورية: اللّٰه واكبرررر كاااافييي
_اجت «جنات» تركض ولازمة ايدها مفرفحة
جنات: ماما
نوال: يُمة سودة علي شبيچ تعاي حبيبة
جنات: ماما نور چوتني
نورية: اللّٰه لا ينطيها يومية كاتلة الفرخة وحارگتها ويين كرار عنها يكسر رراسها لهل عرمة
فاضل: لا حول ولا قوة الا باللّٰه گومي بوية خلي للبنية ثلج على ايدها
_گمت اخذتها ورحت وديتها للمطبخ فتحت الفريز وطلعت فص ثلچ
نوال: سودة علي حبيبة تسمطچ؟
_بقت ساكتة وتباوعلي وعيونها تصب دموع
أنت تقرأ
الغيلان 010
General Fictionفي كل حائط سر مختلف _بيت عائلة مخيط بخيوط من الحزن وخيوط من الفرح _لكل شخص فيهم حكاية مختلفة مع الحياة القصة باللهجة العراقية.
