نسواني المعدلة لا تنسون التصويت والتعليق✨
ــــــــــــــــــــــــــــــــــ
_ركضت لزمته احاول اسكته ، انتبهت على شفته الصارت بيضة والتشنچ البجسمه ورجفته الغير طبيعية ..
_ضميته على صدري اجيت اكوم وجرته من ايدي وصارت تبوس بيه وتحچي
فدك: ما بيه شي هسة يسكت
آسر: عوووفييييي الولللدددد تررردييين تموووتيييينه
فدك: مااا اموووته ابنييي هذاا ابنيي
_من بين كلامنا انتبهت عليه سنح وخفت رجفته وبلشت اشفايفه ترجع الونهن الطبيعي ، اجيت اخذه منها وحضنته بين ايديها وصارت تناشغ وتحچي
فدك: واللّٰه افهمك كلشي بس لا تاخذه مني
_كعدت بالگاع احس حيلي مهدود ، باوعتلها واردفت
آسر: شتفهميني
_باوعتلي ومسحت وجها بيدها واردفت
فدك: اوعدني ما تضوج وما تاخذه مني واللّٰه چانت غلطة واللّٰه
آسر: احچي
فدك: وعد؟
_هزيت راسي بمعنى «اي» واخذته من ايديها وحضنته على صدري
_باوعتله چان غافي وحاضني ابقوى ، رجعت انظاري عليها چانت تمرد بيديها وعيونها علي تنهدت واردفت
آسر: احچي
فدك: تذكر العلبة الگيتها بالثلاجة؟
آسر: اي شبيها
فدك: چانت منوم
آسر: انطيتي الطفل منوم؟؟
فدك: واللّٰه بس كم مرة واللّٰه وتبت من دريت يسبب صرع وادرار غير ارادي واللّٰه بس كم مرة
_نزلت عيني عليه چان مسنح خليت ايدي بين شعره وباوعتلها واردفت
آسر: تدرين مو صوجچ لا واللّٰه صوچي انا الزمال الوثقت بيچ وگلت ادمية ما تأذيه ولچ شكد گلبچ صخر
_شلته وگمت ردت اطلع من الغرفة ورجعت عيوني عليها واردفت
آسر: لا تتوقعين هاي سوايتچ اعديها الچ
_گامت واتقربت لزمتني من ايدي واردفت
فدك: واللّٰه مو قصدي انت كل وقت اله وانا معاملني مثل رجل الكرسي
_باوعتلها بغضب ونزلت المنذر بالگاع ورجعت وگفت مقابيلها واردفت
آسر: بسبب مُعاملتي الچ تأذين طفل عمره ما يعبر السنتين؟
_لزمت ايدي وباوعتلي بعيون متروسة ادموع ما هتزت بية شعرة بالعكس زدت بكُرهي الها ..
فدك: حـ... حبيبي مو قصدي واللّٰه احبه
أنت تقرأ
الغيلان 010
General Fictionفي كل حائط سر مختلف _بيت عائلة مخيط بخيوط من الحزن وخيوط من الفرح _لكل شخص فيهم حكاية مختلفة مع الحياة القصة باللهجة العراقية.
