الغيلان 010

المخلب الخامس

نسواني المعدلة لا تنسون التصويت وترك تعليق لان هل شي يهمني
ــــــــــــــــــــــــــــــــــ

_اصوات ضحك تملي المكان تركز سمعي على صوت شخص يشهگ بطريقة توجع الگلب

_اخذتني رجلي المصدر الصوت شفت ولد حاضن لعبة شكلها مخيف ويدندن بكلام غريب

:- اءء انتَ منو

_ما جاوبني حسيت دگات گلبِي تسارعت وانا اسمع يگولون

:- وصل التابوت

_تابوت؟ تابوت منو؟ منو مات!

_بلعت ريگ بخوف ، اندفعت بسبب الاطفال التجمعوا على الولد .. رفعت راسي وانصدمت من اشوفهم يضربوه

:- عوووفوووووه

_رحت اله وحضنتـه

:- ما اخليهم يچيسوك لا تخاف

_باوعلي وضحك بطريقة غريبة واردف

:- وصل تابوتك آسر

_دفعته وابتعدت مرعوب من الشعور الحسيته

:- تابوتي؟ انا متت!!!

:- لا تخاف راح اساعدك

آسر: منو انت وشتريد مني وانا وين

:- راح اساعدك آسر ..

_صار صوت صريخ بأذني قوي من قوته سديت اذني وغمضت عيوني ونمت على الگاع چنت اسمع بين صوت الصريخ صوت شخص يقراءة القرآن بشكل جميل

_فتحت عيني وشفت شخص منطيني ضهره ولابس دشداشة بيضة وشعره اسود مختلط بيه الشيب بشكل جميل

_گمت على حيلي وشفت تابوت واگف عليه
عصفور .. تلفتت بالمكان ورجعت عيوني على الشخص من سد القرآن واردف بهدوء

:- اعمل لدنياك كأنك تعيش ابداً، واعمل لاخرتك كأنك تموت غداً

_نزيت من شخص لزم ايدي .. باوعتله وچان نفس الطفل

:- تعال وياي وقت صلاة

_بلعت ريگ من الشعور الحسيت بيه وتركت ايده

آسر: ما اصلي

:- تعال وياي نصلي سوى

_بلعت ريگ ومشيت وياه چنا نمشي بأشبه الفراغ فجأة اختفى كلشي وصرت بفراغ اسود

آسر: وين احنى

_ما جاوبني وركض وانا ركضت وراه

آسر: اصبر وييين ررااييح

_وگف وضحك واشر بيده

:- تعال نصلي وية هذا الرجال

_وگفت مصدوم من الاشوفه .. رجعت خطوتين وحچيت وداخلي مرعوب من الشخص الكدامي

آسر: واللّٰه ما چان قصدي هددني بأخوي

:- شلون تكدر تنام وانت سبب في قتل روح بريئة ..