الغيلان 010

المخلب الخامس والثلاثون

ها عيوني شلونكم خو ما تأخرت عليكم🐍✨
ــــــــــــــــــــــــــــــــــ

_چان عقلي واگف ما عرفت شنو اتصرف صرت اركض بين عمة وبين حسين ثواني معدودة وتجمعت الناس بالبيت ..

_شالوه الناس وحطوه بسيارة ونقلناه للمستشفى ، چنت كاعدة يم عمة اليمها مرأة تحاول اطيب خاطرها ...

:- دگولي ياللّٰه يا عيني ان شاء اللّٰه ما بيه شي ويرجع احسن من قبل

_باوعت العمتي الما نطقت ولا كلمة بس مغطية وجها بعبايتها وتبچي وما ينسمع غير شهگاتها ، حضنتها وما حچيت ولا كلمة على ما وصلنا للمستشفى

_مُجرد ما نزلنا ودخلنا للمستشفى صار بوجهنا عمو فاضل نايم على السدية ويصعقونه بالكهرباء

_باوعت الـ عمة الكعدت بالگاع وصارت عينها عليه ودموعها الما وگفت ، كعدت يمها المرأة وصارت تحاول تهونها عليها

_بعدت نظري عنها احس گلبِي ممرود باوعت لـ حسين الواگف قريب ابوه انتبهت على ولد شاب جره من ايده وحضنه چان منطيني ظهره ما عرفته ..

_دقائق معدودة وصاروا الاطباء يتراكضون اخذوا السدية وركضوا بيه بمرر گمنا تبعناهم والاسألة تتراكم بعقلي ..

حسين: فهمونيي ابوووييي شبييييه بسس احچوووا

:- اخوية حاليًا غير معلوم يطلع الطبيب المختص وهو ينطيكم خبر

_جريت عمة وكعدتها على احد الكراسي وحضنتها صارت اتنوح وتحچي

نوال: كون بية الوجع ولا بيه عمت عيني عليه

جنات: ماما فدوة لا هيچ تحچين حبابة اسم اللّٰه عليكم ان شاء اللّٰه ما بيه شي

_اتقرب «حسين» كعد يمنا وجر امه حضنها وصار يصبر عليها ..

حسين: غاليتي لا تبچين اروحلچ فدوة ما بيه شي هسة اشوي ويطلع ما بيه غير العافية

_اثناء كلامنا فعلاً طلع الدكتور ، كلنا طفرنا وبراسنا الف سؤال بس ننتظره يحچي ..

حسين: شبيه بس فهمني

:- حاليًا المريض دخل بغيبوبة اثر ارتفاع العوامل الحيوية

حسين: زين شنو سبب دخوله بالغيبوبة فجأة؟

:- ما نعرف السبب حاليًا بس احتمال متعرض لصدمة او موقف عصبي او ضربة على الرأس قوية

حسين: كلهن ما عنده هو‌ طاح فجأة

:- ما بيدنا شي راح انسوي النكدر عليه والباقي يم رب العالمين

_باوعت لـ«حسين» البهت وجهه وعمتي الرجعت كعدت على الكراسي ولزمت راسها ، رحت ركض كعدت بصفها وحضنتها واردفت بصوت ناصي ..

جنات: ماما حبيبتي اللّٰه موجود وما ناسينا لا تبچين حبابة

_باوعتلي وهزت راسها ومسحت ادموعها التزمت الصمت ..