لا تنسون التصويت امي انتوا💋
ــــــــــــــــــــــــــــــــــ
_هزيت راسي بمعنى اي ، طلع من الجنطة الچان شايلها علاگة واردف بكلام خلاني انوجع وجع فوگ وجعي ...
:- بنتي انا صديق والدچ كرار ودز بيدي امانة الچ وهل وصلتها حاولت اتواصل وية احد من عمامچ قبل اشهر بس مع الاسف انقطع تواصلي وياه لسبب مجهول وتواصلت وية جدچ بس مع الاسف نكر كرار عنده بنت
_بلعت ريگ واخذت العلاگة واردفت بتلعثم
جنات: بـ.. بابا زين؟ يعني انت تدري وينه وشلونه
_بقى ساكت ثواني واردف بهدوء
:- ما تدرون شنو صار بيه كُل هل سنين
حسين: فضهااا احچييي لاااا تعلللب بعصاابناا
نوال: اسكت امي اسكت ما تشوف البنية وجها اصفر احچي خوية فدوة اروحلك
:- مع الاسف كرار فقدناه بأحد المعارك وما وصللنا غير قميصه واحنى سبق وانطينا خبر لـجدك وواحد من عمامك
_هزيت راسي واردفت بهدوء
جنات: اشكرك عمو
_اخذت العلاگة وگمت بحيل مهدود احس النفس ضاگ علي ، رحت للحمام وسديت الباب چان شعوري غريب شي مؤلم بس احس روحي هادئة
_فتحت العلاگة وصارت عيوني على كومة اوراق وورد يابس ، اخذت ورقة من الاوراق وبلشت اقرأ المكتوب بيها
:- الى ابنتي العزيزة «جنتي» حبيبة ابوها اميرتي الصغيرة انا مشتاق لكِ والاشتياق اصبح لا يطاق اتمنى ان اعود واحتضنك واراك امامي تلعبين ربما انتِ الان كبرتي ولم تعودي للعب ولكنكِ ستبقين في عيناي تلك الصغيرة المرحة التي تنشر السعادة في انحاء قلبي
_تنفست بعمق وسديتها وخليتها على صفحة واخذت رسالة ثانية وفتحتها بهدوء وصارت عيوني تتجول بين الكلمات
:- صغيرتي ربما لم اهتم بكِ بالشكل المطلوب ولكن اريدك ان تعرفي انني احبكِ انتِ رزق من اللّٰه والفرحة التي رزقني بها بعد عودتي من صلاة الفجر ، لا اعرف هل سأعود واعوضك عن جميع تلك الايام ام لا
_سديت الرسالة بهدوء وگمت غسلت واخذتهن بيدي وطلعت من الحمام چان الرجال ما موجود بس عمتي بعدها على كعدتها ، كعدت يمها وخليت راسي بحضنها حسيت گلبِي راح يطلع من مكانه من كمية الوجع
نوال: گولي ياللّٰه امي انتِ هذا ابتلاء من رب العالمين اصبري امي انتِ
_حطت ايدها على راسي وصارت تسمي علي وتواسيني ، گمت من يمها ورحت لفراشي وبيدي الاوراق
_نمت بفراشي وحضنتهم وبقيت ساكتة اريد ابچي بس ما عندي دموع ولا طاقة غمضت عيوني ونمت ..
أنت تقرأ
الغيلان 010
General Fictionفي كل حائط سر مختلف _بيت عائلة مخيط بخيوط من الحزن وخيوط من الفرح _لكل شخص فيهم حكاية مختلفة مع الحياة القصة باللهجة العراقية.
