نسواني المعدلة لا تنسون التصويت وترك تعليق لطيف مثلكم ...
ــــــــــــــــــــــــــــــــــ
_الفيحاء 2003
_كاعدة اجهز بغراض ابني حتى يروح للمدرسة واجتي بت حماي وگفت يمي وتباوعلي
نوال: تعاي يبعد امچ شبيچ واگفه
جنات: عمة عادي تمشطيلي شعري ماما
ما تقبل تمشطلي
نوال: يبعد روحي اشوي وامشطلچ بس روحي كعدي انتِ وحسوني هناك وانا هسة اجي امشطلچ
جنات: وين حسوني
نوال: يم بيبي روحي شوفيه
_راحت وانا كملت تجهيز الفات چانت لفة بيها خيار وطماطة وكم غصن ريحان
نور: صباح الخير شدتسوين من صباحيات اللّٰه
نوال: هلا حبيبة صباح النور كاعد اجهز اكل الجهال
نور: اشو 3 لفات ليش منو الثلث
نوال: خطية هاي الآسر خاف يجوع ياكلها
نور: واللّٰه بطرانة انتِ احنى جهالنا وگوة متحمليهم شعنده مسوي اقامة يمنا استاذ آسر
نوال: خطية وين يروح اذا هوَ شارد من بيتهم ابسبب المشاكل شتردين الولد يسوي يديح بالشوارع قابل
نور: واللّٰه كيفچ انا رايحة انضف الطابق الثاني
نوال: براحتچ انا اروح اوصل الجهال وارجع
نور: يلا زين بطريقچ جيبي خبز لان ما بيه اعجن واخبز
نوال: ميخالف انا اخبز تدرين بالولد
ما يحبون خبز المخبز
نور: كيفچ تحبين شلعان الگلب
_سكتت عنها واخذت الفات ورحت لغرفة عمتي
نوال: يلا يُمة جنات تعاي امشطلچ
نورية: فاضل راح لشغله يُمة
نوال: اي يُمة طلع من الخمسة
نورية: اللّٰه يساعده
_اجت جنات وبيدها المشط كعدتها وبديت امشط الها
آسر: سلام عليكم
:- وعليكم السلام
_ركض عليه حسين وطگه راجدي مباشرة صحت بيه
نوال: ولك حسيين عيبب اكبر منك
حسين: چلب
آسر: سرسري شلونك ولك طالعلك عضلات
حسين: صدك
آسر: والله اقشمر عليك
حسين: چلب
آسر: تعلمله كلمة بعد شيخلصنا
نوال: اعذره يُمة آسر طفل ما متربي يرادله تربيه
أنت تقرأ
الغيلان 010
Fiksi Umumفي كل حائط سر مختلف _بيت عائلة مخيط بخيوط من الحزن وخيوط من الفرح _لكل شخص فيهم حكاية مختلفة مع الحياة القصة باللهجة العراقية.
