لا تنسون التصويت وترك تعليق لطيف مثلكم🦦💋
ــــــــــــــــــــــــــــــــــ
_الكوت
_نوال
_كعدت الفجر خليت قوري الچاي على الصوبة وطلعت جبن مالح وخبزتين
_خليتهم على صفحة ورحت لغرفة «حسين»
نوال: گوم حسونتي وراك دوام
حسين: اگلچ يُمة
_كعدت يم راسه واردفت
نوال: گول حبيبي اسمعك
حسين: تدرين انا زلمة وعندي شوارب؟
نوال: اي يُمة ادري بيك وين اكو منك
حسين: چا يُمة ليش تگولين حسونتي
نوال: يُمة انا احبك وانت عزيز علي غير ادلعك
حسين: رحمة والديچ لا دلعيني هيچ
نوال: يلا گوم انطيتك مجال ترى اجيب الخيزرانة
حسين: افااا يهون عليچ تكتلين حسونتچ؟
نوال: اي يهون علي
حسين: بالجذب گولي ما يهون علي عمي انا قابل بالجذب
نوال: گوم يلا
حسين: يُمة خلي اگلچ معلومة توى اكتشفتها
نوال: احچي يا انشتاين زمانك
حسين: هل تعلمين يا اماه ان جاذبيتي للنوم تكون عالية في الصباح الباكر
نوال: وين نعال وينه خلي اجيبه
حسين: خلي افلت احسلي
_ضحك وراح للحمام وانا گمت كملت الريوگ وصحتلهم ..
فاضل: شلون صباح حلو
حسين: اي بشوفه وجه امي المنور
فاضل: بطل سوالفك هاي
حسين: شني يُبا راجع شباب يلا خلي ندورلك على مرية
نوال: اصبرلي اذا ما اكسر ضلوعك
حسين: يمعود يبو الغيرة احچيلك حچاية
فاضل: حيل بيك وتستاهل اروح اجيبلها الخيزرانة حرامات اتعب ايديها
حسين: افااا باعني
_باس راسي واردف بضحك
حسين: يُمة وين اكو منچ بس وحدة بالعصور الهجرية وماتت
فاضل: اكعد اتريك يلا
حسين: احس روحي مصخن راح اموت
نوال: كلاواتك ما بيك غير العافية
فاضل: مو گتلچ سرسري يسوي هل سوالف حتى يغيب
حسين: تدرون شنو اعوفكم واروح اكل يم صاحبي
أنت تقرأ
الغيلان 010
Genel Kurguفي كل حائط سر مختلف _بيت عائلة مخيط بخيوط من الحزن وخيوط من الفرح _لكل شخص فيهم حكاية مختلفة مع الحياة القصة باللهجة العراقية.
