الغيلان 010

المخلب الاربعون

اتمنالكم يوم جميل مثلكم💋
ــــــــــــــــــــــــــــــــــ

_حسين

_كعدت الصبح وتوجهنا انا وامي لكربلاء ..

_وصلنا وارتاحينا اشوي بالفندق وتالي رحنى انزور ..

_دخلت لزمت الشباچ واردفت والدموع تنزل من عيوني بهدوء

:- يا سيدي ومولاي امسح بكفيك عن قلبي فـ اني مُتعب

_ورحت قريت الزيارة وصليت خلصت وبقيت كاعد اباوع للناس واحس عيوني يطلع منهن حرارة ..

_نزيت من احد لزم چتفي استداريت وانتبهت شاب يطلع عمره نهاية العشرين

حسين: نعم؟

:- ابتعد اشوي خلي اصلي

حسين: اعتذر ما چنت منتبه

_ابتعدت وهو بلش يصلي خلص وباوعلي واردف

:- اشكرك خوية

حسين: العفو ما سويت شي

:- اذا فارغ انصحك تقرأ ايات قُرآنية لان مبين مهموم

حسين: لا خوية يتراوالك لا مهموم ولا شي كلشي
ما بية

:- وكاذب ايضاً

حسين: نعم؟؟؟

:- غيرت حركة راسك

_ضحكت وهزيت ايدي واردفت

:- شنو تشتغل حظرتك

:- عمالة

حسين: اها اتشرفنا استاذ

:- تكدر تگول إياس

:- تشرفنا اخ إياس اسمي حسين

_هز راسه وسكت وانا هم سكتت ما حچيت وياه بعد

_اشوي وگمت طلعت وصارت كدامي امي ابتسمت بوجها وانتبهت على عيونها الحمر مبين باچية ..

_بست راسها ولزمت ايدها واردفت

حسين: يالغالية شلون صرتي؟

نوال: زينة يُمة حبيبي بس بشرني التحاليل شگالوا

حسين: بعدهن ما طلعن بس اللّٰه كريم امشي نشتري حلويات ولو انتِ حلويات اخاف عليچ اتذوبين

_ضحكت وضربتني بخفة وحچت

نوال: يُمة منك ما تجوز من سوالفك

حسين: افاا هو اليشوف عيونچ هم يبقى براسه سوالف

نوال: يُمة منك

_ضحكنا وبقينا انسولف نحاول نسعد نفسنا بأبسطت التفاصيل ..
ــــــــــــــــــــــــــــــــــ

_الفيحاء 1999

_يوم مَشْؤُوم او بالمعنى الادق سنين مَشْؤُومة او نستطيع ان نُسميها ورقة سوداء