لا تنسون التصويت 💋🦋
ــــــــــــــــــــــــــــــــــ
سارة: ولك يُمة ابوك ..
آسر: شبيه ضياء؟
_جرته من ملابسه وحچت بصوت مهضوم
سارة: انشل ما يتحرك بعد انشلل فهمتتتتتت لووو لاااااا
آسر: اللّٰه يشافيه
_عافته وراحت كعدت على صفحة تبچي صراحة كسرت خاطري
جنات: خطية ليش هيچ سويت
آسر: شسويت؟ هاي فوگ ما دعيتله
جنات: خطية روح طيب خاطرها
_ابتسم بوجهي وباس راسي بهدوء واردف
آسر: انتِ تأمرين
_تركني وراح الها كعدت على احد الكراسي دقائق ودخل «مهيب» باوعتله واستغربت چان كاشخ ويعلچ ويضحك تقدم ناحيتي وحچة بضحك
مهيب: بشري مات؟
_بقيت ساكتة اريد اجاوبه وما كدرت ضحك بوجهي وحچة
مهيب: ديلا يمعودة گولي ما انقهر واللّٰه شبيچ
آسر: انشل
_باوع الاخوه وبهت وجهة
مهيب: يعني راح نبتلي بيه؟
آسر: مُمكن
مهيب: شنو المُمكن اكيد راح اطيح كلها بروسنا نجمع فلوس ويطيح حظنا ونحط بحلوگتهم
آسر: صوتك لا يسمعوك عمامك ، محد طلب منك تدفع وتتكفل عوفها علي
مهيب: هاهية عليك
_هز راسه وكعد يمي حط ايده بيدي وصار يعصر بيدي وعيونه تتجول بالمكان ، تقربت منه وحچيت بهمس
جنات: على منو ادور؟
آسر: على عمامچ
جنات: عمامنا
آسر: اويلي عليچ
جنات: گوم اشتري الامك شي تاكله خطية
آسر: تمام لا تتحركين ابقي مكانچ
_هزيت راسي موافقة على كلامه راح وانا بقيت صافنة بالناس التدخل وتطلع ، دقائق واجة عمي حافظ وابنه استغربت عمتي وابنها ما موجودين
جنات: عمو وين حسين وعمة نوال؟
حافظ: حسين عنده شغل بابا وعمتچ راحت وياه
جنات: وعافوني؟
حافظ: غير انتِ راسلتي حسين گتيله اريد ابقى وعمتچ خطية راحت ودمعتها على خدها
_بلعت غصتي وحچيت بصوت مخنوگ
جنات: ليش چانت تبچي شصاير
حافظ: واللّٰه يا بابا بعد صارت
أنت تقرأ
الغيلان 010
General Fictionفي كل حائط سر مختلف _بيت عائلة مخيط بخيوط من الحزن وخيوط من الفرح _لكل شخص فيهم حكاية مختلفة مع الحياة القصة باللهجة العراقية.
