لا تنسون التصويت وترك تعليق جميل مثلكم💋
ــــــــــــــــــــــــــــــــــ
خولة: دكتور فدوة لعينك طمني ابني شلونه
الدكتور: للاسف الانسجة متمزقة وفقد دم بشكل كبير هذا اثر على ايده بشكل سلبي وكان من المُحتمل يفقد حياته بسبب فقدان الدم
جموح: فوت بالنضيف عوفلي هل سوالف
_ضحكت بشكل خفيف تلطف الموقف واردفت
خولة: فدوة لعينك دكتور هسة شلون وضعه
الدكتور: حالته مستقرة اشوي وانطلعه للغرفة بس ايده ما راح يكدر يحركها لفترة راح اكتبله مسند يلبسه فقط اثناء النوم ينزعه
خولة: فدوة لعينك مشكور تعبناك
الدكتور: واجبنا
مسك: باوعت لـخالة خولة الجرت جموح لبعيد وصارت تكرص بيه وتحچي ما كدرت اسمع كلامهم بس الفهمته هيَ معصبة منه ، ثواني وسكتوا واجة يمي ابتسم بوجهي واردف
جموح: توجعچ رجلچ؟
_مباشرة باوعت الرجلي الصارت تصل علي ، لزمتها واردفت
مسك: قبل اشوي ما بية شي هسة وجعتني
جموح: اي عقلچ چان ملتهي توى انطى تنبيه
_جرني من ايدي واردف بأبتسامة
جموح: ماكو شي اكيد دخلت فد كزازة
_هزيت راسي واردفت
مسك: عادي اعرف اطلعها وحدي
جموح: لا الدم يابس عليها راح تتأذين امشي الممرضة تسويها الچ
_هزيت راسي موافقته على كلامه ، جراني من ايدي يمشيني على كيف لغرفة الطوارئ
_كعدني على سرير واردف بأبتسامة جانبية
جموح: اصيح للممرضة واجي لا تتحركين من مكانچ
_هزيت راسي وغمضت عيوني احاول اتناسى الوجع وافكر بكل تفاصيل يومي ..
_نزيت من انرفعت رجلي مُباشرة صارت عيوني على الرفعها ، چان شاب لابس سكراب طبي وچان يأمر اليمه
:- بسرعة جرعة ليدوكايين
جموح: دكتور انت؟
_باوعله بعدم قبول ورفع الكمامة على وجهه واردف
:- عزيزي جرح رجلها عميق ويرادله خياط وما چان يمها احد وهاي مُهنتي
جموح: سألتك!
:- نعم
_طبگ حواجبه مزعوج ورفع رجلي مددها واردف
جموح: دامك دكتور لازم تعرف ما يصير تشوف طفلة الجرح حتى لا تخاف بالزايد
مسك: كافي فدوة
الممرضة: تفضل دكتور
_رفعت راسي وبسرعة نزل راسي بيده واردف
أنت تقرأ
الغيلان 010
General Fictionفي كل حائط سر مختلف _بيت عائلة مخيط بخيوط من الحزن وخيوط من الفرح _لكل شخص فيهم حكاية مختلفة مع الحياة القصة باللهجة العراقية.
