العيب في بَنِي آدم | مُحاولة سيطرة |

"تحضير" ٢

- ألم تُلاحظي الظِل الظاهر في هذه الصورة

_ إيه ده .. ده خيال بنت ، مين إللي كان بيصورك الصورة دي .
_ هيكون مين يعني ده عماد صاحبي يابنتي .

_ والله وعماد صاحبك لابس طرحة .. أنتَ هتستعبط ده الخيال ظاهر في نضارتك أنتَ فاكرني عبيطة ولا فاكرني هعديها وأسكت المرة دي زي كُل مرة ، للأسف أنا كُنت عارفة إنك كُل شوية مع واحدة وناس كتير جت قالتلي بس مكُنتش بصدقهم عشان بحبك بس أنتَ بقيت مُقرف أوي ، أنتَ ليه كده ده أنا بعملك كُل حاجة وبسمع كلامك ليه أنتَ مش مُكتفي بيا .

_ أفهميني بس دي نزوة وخلاص والله أخر مرة .
_ للأسف أنا عديتلك كتير بس خلاص هى خلصت .

- يا لهُ من مسكين
قالها بشئ من الشفقة ولكنه أكمل بقهقهة عالية

- بَنو آدم لن يتغيروا سيظلوا تحت رحمة كلمة .. وهذا المطلوب مُجرد جُملة واحدةٍ أنهت علاقة دامت سنوات
نفوسكُم ضعيفة وخيوطكم تُمسَك بسهولة

ثم أكمل بشماتة
- آه كم من المُمتع التلاعُب بكم

*******************

_ الحمدلله كده خلصت الصلاوات إللي عليّا وكمان القيام اللهم أُرزقني الثبات يارب .. أما أقلب علي الموبايل شوية قبل ما أنام عشان أصحى للفجر

- أووه يالها من فتاةٍ فاتنة .. يالهُ من جسدٍ جميل
_ أستغفر الله العظيم إزاي البنات دي بتطلع كده فين أهاليهُم .
- ألا تُريد أن ترى باقي المقاطع ، من المُمكن أن يكون أول مقطع لها وتكون لها ناصح
_ أمّا أدخل علي البروفايل بتاعها يمكن أول فيديو ليها فتسمع النصيحة ... إيه ده كُل دي فيديوهات .

- أُلقي نظرة عليهم لترى إلى أي مدى وصلت لهُ هذه الفتاة
_ طب مش يمكن هو فيديو واحد بس إللي طالعة فيه كده فهشوف الباقي عشان تتقبل النصيحة .

- نعم أكمل في البحث أرأيت رفيقتُها إنها رائعة ألا تستحق منك النصيحة هى الأُخرى ، هيّا أبحث عنها .
_ يارب تكون صاحبتها دي تتقبل الكلام هى كمان أمّا أدور عندها بردو .

- ياصاحبي الفجر يُمكن أن ينتظر لكن الفتاة لن تنتظر فأنتَ من بيدك نصيحتُها
_ أخلص بس باقي الفيديوهات وهبقى أقوم أصلي عشان الأكونت ميضعش مني .

- أووه لقد غفى ونسى الصلاة ، إذًا تمت المُهمة بنجاح
- ألا ترى يا حسحاس أنك خبيث
- من يقول ذلك .. أهيس مالكُ الخُبث ، على الأقل أنا الأمر يأخُذ مني وقتٍ ومراحل لكي يقوموا بَنِي آدم بالزنا ولكنك أنتَ من كلمةٍ تُنفذ ما تُريد فمن منّا الخبيث الآن

فرد عليه أهيس بضحكة عالية
- نعم لن أُنكر ذلك ولكنك تفعل ماهو أعظم مني ، أنا أُهدم العلاقات بين بَنِي آدم وبعضُهم أما أنتَ فتُهدِمُها بين بَنِي آدم وربُهم فمن منّا الخبيث الآن
- أنا لا أفعل شئ يا أهيس ، فقط كُل عملي أُحرك الشهوة وإذا الشهوة تحركت كُل شئ يَخرب .. فلا تُنكر أن لولاي ما كُنت ستقدر على بَنِي آدم

- نعم أعترف ، فأنتَ حسحاس من بَنِي غيلان .. شيطان الشهوة والزنا ، المُتحكم الأول والأساسي في بَنِي آدم ، لذلك أُحبك
- أتمزحُ معي فأنتَ لا تعترف بالحُب

وظل الشيطانان يضحكان بسبب ما يفعلانه ببَنِي آدم

********************

_ أجهز عشان هننفذ النهاردة .
_ إيه النهاردة طب طب ما تستنى يوم تاني .
_ لأ هو النهاردة الفُرصة دي مش هتتكرر تاني .. مُنتصف شهر عربي وكمان في كسوف والحاجة جاهزة وأحنا عاوزين طاقة كبيرة عشان نقدر نحضّر أهيس ده شيطان قوي .
_ تمام أنا معاك .

_ طب يلا ورايا ، بُص الأول أقفل الباب كويس و يلا عشان هنرُص الشمع على شكل دايرة .
_ تمام حصل وأدينا ولعناه .
_ كده تمام هات الطبق والسكينة وورقة وتعالى ورايا عشان الشُغل الكبير هيبدأ ، هات الديك أدبحه .. أيوة كده تمام وبالريش بتاعه والدم هنكتب الآيات دي على الورقة ونحط دم على الحبل ونعمله على شكل نجمة داوود .
_ كده صح .
_ أيوة كده تمام ، هات بقى الشمعة الكبيرة دي وقوم أطفي النور وتعالي جمبي .. تمام كده .
_ طب هتعمل إيه دلوقتي أنا قلقان .

_ ياض متخافش ، كده أنا كتبت الآيات على الورقة ووزعت ورق التاروو حوالينا وكُله جاهز .. كده بس هنفضل نقول الآيات دي بصوت واطي ونفضل نعلّيه واحدة واحدة لغاية ما نلاقي علامة إنه حضر .
_ الصراحة يصاحبي أنا خايف مابلاش .
_ بقولك إيه مش جايلي بعد ما خلاص فاضل حاجات بسيطة وتقولي خلاص يلا هات إيدك وقول معايا وأعلى بالصوت معايا واحدة واحدة .

' مسكوا إيد بعض وغمضوا عينيهم وفضلوا يقولوا الآيات بصوت واطي ويعلى بمرور الوقت '

{إِنَّ الشَّيْطَانَ لَكُمْ عَدُوٌّ فَاتَّخِذُوهُ عَدُوًّا}

_ أحضر يا أهيس يابن مالك ، أنا بأمُرك إنك تحضر .
_ كفاية بقى أنا جتتي أتلبشت .
_ أحضر يا أهيس .
' فاجأة الشموع إطفت والجو هدي '
_ ياض ياعوف ياض قوم أنتَ أُغم عليك .

- مَن منكُم يابَنِي آدم مَن أمرني بالحضور
_ أنتَ أنتَ أهيس .
- نعم أنا أهيس من شياطين بَنِي مالك ، أأنتَ مَن أمرت بتحضيري
_ أيوة أنا
- ولِما ذلك
_ أنتَ دمرت حياتي وبسببك حُب عُمري بعدت عني .
- ولِما أكون أنا السبب ، أنتَ مَن فعلت ذلك بنفسك
_ بس أنتَ إللي وسوستلي .
- أنا فقط مَن وجَهك للفعل ولكنك مَن فعلتهُ فلِما تلقي اللوم عليّ
_ عشان أنا كُنت بحبها بجد أنتَ إللي غويتني وخلتني أبُص لغيرها .
- أنتَ مَن فعلت
_ بس أنتَ السبب .
- نعم فأنا مُجرد سبب ولكنك أنتَ مَن قومت بكُل ذلك
_ تمام وأنا جايبك عشان أكون سبب بردو .
- و بماذا أنتَ بفاعل
_ أنا فضلت أقرى وأبحث كتير لغاية ما وصلت لطريقة التحضير إللي تخليك تنفذ كُل أوامري .
- قبل ذلك مَن أنتَ يابَنِي آدم

_ أنا أسمي عُمران الصوّاف طالب في كلية أداب قسم فلسفة وده إللي ساعدني إني أوصل لطريقة تحضيرك وكُنت بحب بنت أسمها مريم وبسببك بعدت عني .
- نعم نعم فهمتُ ذلك ، ماذا تُريد أن تفعل
_ أنتَ كده تحت خدمتي وهتنفذ كُل إللي أطلبه منك .
- وما هى مطالبك

_ تحِب .