العيب في بَنِي آدم | مُحاولة سيطرة |

" الإتفاق بدأ " ٦

= شكل بدل العِجل هيبقوا عِجلين أو عِجل ومعزة .
_ أخرس يا عوف .

_ أنا مش بكلمك ، أنتَ بوظتلي الفُستان خالص
" أهذه حواء أم قطعة سحاب هاربة مِن جنة اللّٰه للأرضِ ، عيناها الزرقاء كنهر السلسبيل رَوت قلبي وصوتِها كنغمة كروان عند وقت الفجر ويالرمال الجنة المنثورة على وجهِها الرقيق "

- أنا أسف مخدتش بالي مِن إنك ورايا
_ وأنا المفروض أعمل إيه بأسفك ده .. بسببك يومي باظ
- شوفي إيه إللي ممكن يرضيكي وهعمله
' أول مرة ألاقي الملامح إللي بحبها كُلها متجمعة في راجل ، عينيه زي القهوة تنبه العقل وسمار بشرته زي الكريستال بتلمع في الشمس ، أول مرة أشوف راجل أسمر بس أشقر مزيج غريب لايق بيه هو وبس '

- يا بنتي يلّا إتأخرنا أوي ، إيه ده .. إيه إللي عمل فيكي كده .
_ مفيش حاجة يا سلمى ده كان سوء تفاهم وخلاص
- طب هتخرُجي إزاي كده .
_ لا خلاص روحوا أنتوا أنا هروّح يلا سلام
- إستني بس ياربي عليكي .

= هو الواد آدم متنح كده ليه يا عُمران .
_ الإتفاق بدأ .

- بقولك يا أنسة
- سلمى أسمي سلمى .
- تشرفنا وأنا آدم ، مُمكن تقوليلي عنوان صاحبتك
- نعم وده ليه إن شاء الله .
- أهدي أنا مش قصدي حاجة ، الفُستان باظ بسببي وكمان واضح إن اليوم بتاعها كمان باظ بسببي فلازم أعوضها وأقدم إعتذار بسيط عن الموقف إللي حصل ده

= چنتل ياض
_ أتلهي وأُسكت
= أتخرسنا
- تمام بُص ده الكارت بتاعها أتفضل .
- شكرًا بس ياريت متعرفيهاش حاجة
- لا لا مش هقولّها متقلقش ، بعد أذنك لازم أمشي .
- آه طبعًا أتفضلي

" حُور عبدالحميد الغزالي ، حُور .. الأسم يصفكِ يا حواء "

= آدم .. آدددم .
- في إيه بتزعق ليه
= مبزعقش ياعم أنتَ إللي مش مركز ياترى عقلك فين .
- بلاش البصّة دي يا عوف وأنت بلاش الضحكة دي يا عُمران عشان أنا فاهمكوا كويس ومش إللي في دماغكوا
_ الإتفاق بدأ يا آدم .
- لسه
_ بس عينك لمِعت والعين بتلمع لمّا القلب يدُق .
- مش شرط مُمكن يبقى مُجرد إعجاب
= الإعجاب مبيخطفش كده يا آدم بس سيبه يا عُمران هو هيعرف بنفسه أصل ده قلبُه هو والقلوب ميدراش بيها غير صاحبها ، يلا نوزع بقى عشان نروح ننام .

- عُمران هو ده بيصور إيه
_ آه ده بلوجر مشهور عندُه followers كتير فبيصور ليهُم بقى وكده .

- بس ده غلط المفروض الصدقة تبقى في السر هو آه ربنا سُبحانه وتعالى قال ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلَانِيَةً فَلَهُمْ أَجْرُهُمْ عِندَ رَبِّهِمْ وَلَا خَوْفٌ عَلَيْهِمْ وَلَا هُمْ يَحْزَنُونَ ) بس بردو حتى لو عامل الصدقة في العلن مينفعش يطلع وشوش الناس ولا وهو بيديهُم كده والناس مكسوفة وصعبان عليهم
وبردو ربنا قال ( إِن تُبْدُوا الصَّدَقَاتِ فَنِعِمَّا هِيَ ۖ وَإِن تُخْفُوهَا وَتُؤْتُوهَا الْفُقَرَاءَ فَهُوَ خَيْرٌ لَّكُمْ ۚ وَيُكَفِّرُ عَنكُم مِّن سَيِّئَاتِكُمْ ۗ وَاللَّهُ بِمَا تَعْمَلُونَ خَبِيرٌ ) يعني كويس لو خليتوها في العلن بس هيبقى أحسن لو بقت في السر ده حتى ربنا جعل صدقة السر في التطوع أفضل سبعين ضعفًا من العلن وجعل صدقة الفريضة علانيتها أفضل من سرها بخمسة وعشرين ضعفًا

= محدش بقى كده .. دلوقتي يا آدم لازم الكاميرا تبقى مسابقة إيدك وبقت حاجة عادية ومحدش بيعترض ولازم هتلاقي فيديوهات كتير أوي لأي بلوجر أو حد مشهور وهو بيعمل كده .

- بس حرام أنا مش بديك حاجة باليمين عشان أكسر جواك حاجة بالشمال ، المفروض أنا بعمل كده لربنا مش عشان الناس تقول عليّا خيّر وأتشهر على حسابهُم
_ تمام بس محدش فيهم بيعترض .

- عارف ليه عشان عارف لو إعترض مش هياخد حاجة وأنتوا يا بَنِي آدم بتستغلوا ده ، ربنا قال على الفقير إنه مُتعفف ونفسُه عزيزة فلمّا تكسره مُقابل ١٠٠ ج أو كيلو لحمة أو أي حاجة تانية أنتَ قُصادها بتفقِره زيادة بس في عين نفسه

" زمنكُم يُفتت القلوب من القسوة يا بَنِي آدم وغروركُم يُنافس غرور فرعون موسى لقد قال أن الأنهار تجري مِن تحتهِ أما أنتُم تعتقدوا أن دماء من هُم أقل منكُم هى التي تجري من تحتِكم "

= بس كده كُله أتراضى والدُنيا حلوة راضوني أنا بقى بدل ما أدعي عليكُم .
_ الصراحة أنا كمان جعان أوي .
- طب يلّا عاوزين تاكلوا فين
_ ماك .
= بَحة بتاع النَصرية .
- واضح إن الطبقات ساحت على بعض فعلًا طيب يلّا

= على أخر الزمن أقف أنضف الكِرشة .
_ مين سمعك وأنا أعمل كبدة ومُخ .
- سامع أعتراض ونبرة تهكُم خير يا حبايب أخوكُم
= لا يخويا أنا بسألك عاوز الكِرشة بشوربة ولا بصلصة .
- آه بحسب

_ جبان .
- بتقول حاجة يا عُمران
_ فنان بقول عليك فنان يخويا .
- آه بحسب بردو

وأنقضى اليوم بضحك وفرحة .. هناك مَن غطى فى نومٍ عميق وهناك مَن لم يزور النور جِفنه بسبب إنشغاله بطلّة أحدهُم

******************

- مساء الخير
- مساء النور يا فندم أقدر أساعد حضرتك في إيه .
- كُنت عاوز فُستان مُحجبات بس يكون سيمبل
- تمام مقاس كام .
- medium مُمكن
- تمام أتفضل معايا ، ده كولكشن لسه نازل جديد بمُناسبة العيد حضرتك تحب أرشحلك حاجات ولا تختار بنفسك .
- لا أنا هختار
" لحظة ما وقعت عيناي على هذا الثوب لم أرى مَن هو أجمل منكِ كي يرتديه ، لونهِ الأزرق كلون السماء الصافية سيُلائم زُرقة أنهارك والفراشات الصغيرة المنثورة عليه أظُن أنكِ حلّقتي بعيدًا عنهم "

- حضرتك ده نازل منه piece واحدة في كُل الكولكشن .
- تمام هاخده وعاوز حجاب يليق عليه و كمان accessories
- تمام حضرتك كده كُله ماشي مع بعضه تحب حاجة تاني .
- عندك shose سيندريلا
- ايوة ثانية واحدة أجيبها لحضرتك .
- أتفضلي وشكرًا لتعبك
- العفو يا فندم وأتمنى حضرتك تشرفنا مرة تانية .

*****************

- حُور يا بنتي البوكس ده وصلّك .
_ من مين يا دادة
- معرفش خُدي شوفي أنتِ .

_ إيه ده .. ده فُستان شبه سيندريلا وكمان نفس ال shose بتاعتها بس ريحة البيرفيوم دي مش غريبة عليّا ، أكيد هعرف مين لما أقرى الجواب ده

| بعتذر ليكي جدًا على سوء التفاهم إللي حصل وأتمنى تقبلي الهدية البسيطة دي مني ، والكارت بتاعي موجود لو حبيتي تغيري حاجة بس أنا ملقتش أرق من الفراشة عشان أجيبهالك يا حُور
آدم أبو اليزيد |

_ آدم ، فعلًا يليق عليك أسم آدم ... كإنك أول راجل أتخلق على الأرض ، بس ده مش معناه إني أقبل منه هدية زي دي أنا هروحله الشركة وأرجعله كُل ده هو فاكرني إيه

يبدو أن الإتفاق بدأ بالفعل ....