أنتِ وعدي

الفصل الثالث عشر: ليله سعيده

ابتعد ادهم عن وعد عندما حسه بانها بحاجه الي الهوا...، نظرت وعد اليه بصدمه... هي لا تعلم ماذا تفعل الان وما معني تلك القبله* العميقه ولكنها سعيده بها متوتره خجله منه بشده... ولكنها اخفت تلك المشاعر المضطربه بداخها ومثله الغضب منه...
وعد: انت... انت ازاي تعمل كدا...ي قليل الادب* انت
ادهم بثقه: عشان بعد كدا تفكري الف مره قبل ما تنزلي بحاجه مفتوحه كدا...
وعد: وانت مالك اصلا... انت كنت جوزي ولا خطيبي عشان تقولي الكلام دا..
ادهم وهو يقترب منها مره اخري: تحبي اعرفك انا مالي...
وعد بشهقه: انت.. انت قليل الادب وانا هقول لبابا عليك...
ادهم: هتقوليله اي.. بابا ادهم باسني وانا كنت مبسوطه...
وعد بتوتر: مبسوطه مبسوطه اي لا طبعا وبعدين اصلا انت فاكر نفسك مين عشان اكون مبسوطه وانا ببوسك..
ادهم وهو يعلم انها سعيده بداخلها فهي ايضا بادلته بنفس المشاعر العميقه وايضا من هي التي ترفض الادهم ي ساده فهو فتي احلام جميع الفتيات ومحطم قلوبهم وتتمني اي فتاه ان ينظر اليها فقط ليس ان يقبلها...
ادهم بهمس: لو مكنتيش مبسوطه كنتي بعتي عني او حاولتي تبعديني...
وعد بغضب: علي فكره بقا انا حاولت بس انت ما شاء الله ضخم اوي كفايه بس عضلاتك دي وطولك دا انا واصله لركبك يجدع انت..
ضحك ادهم علي غضبها الطفولي هذا... واقترب منها اكثر وهو يضع يده علي خصرها بشده وتملك..
ادهم بحب: مع اني عايز اولع فيكي عشان لبستي الفستان ابن الجزمه دا قدام الحقير دا الا انك زي القمر فيه وخليكي فاكره جمالك الزياده دا هيتسبب ف موتهم كلهم عشان شفوكي كدا...
وعد بتوتر من قربه: بس والله انا لبسته عشان الزفت دا هددني لو ملبستش واحد من الفساتين الي جايبهم فوق هيموتني.. وانا لبست اكتر فستان مقفول..
ادهم وهو يشدها اكثر: دا مقفول مقفول منين بس معلش..
وعد: تعالي نطلع فوق اوريك الفساتين التانيه وانت احكم بقا.. انت بتتعصب عليا ليه انا مالي ي لمبي طااه..
ادهم: طااااه و ي لمبي... في انسه محترمه قمر كدا تقول طاااه..
وعد: طب ايدك ي نجم. كدا لتوحشك...
ادهم بضحك: واقف مع سواق مكروباص اقسم بالله
وعد وقد تذكرت علياء وانها فقدت وعيها...
وعد بخضه وخوف: ادهم علياء... علياء اغمى عليها وضربوها هي فين..
ادهم: بس بس متخفيش كل حاجه تمام علياء كويسه الحمدلله وانا بعدت رجالتي يجبوها القصر وزمانها مع مادلين هناك..
وعد وهي تبتعد عنه: اه بالمناسبه حبيبتك حلوه ما شاء الله...
ادهم بتفكير: حبيبتي حبيبتي مين؟
وعد وهي تجلس علي السلم القصر وتخلع هذا الحذاء الغير مريح بالنسبة لها فهي لا تحب الكعب والهيلز...
وعد بغيره ملحوظه: اي نسيتها تؤتؤ عيب حتي تنساها..
ادهم وهو لا يفهم شيء وضع يداه بجيب بنطاله..
وتحدث بثقه: انا معنديش حبيبه..
وعد بغضب: لا والله احنا هنكدب..
ادهم: وانا هكدب ليه مانا لو عندي مش هخبي يعني..
وعد: اومال مادلين دي اي كيس جوافه ولا كسبتها ف كيس شيبسي..
ادهم بضحك:  انتي بتتكلمي بجد انتي كل دا بتلمحي علي مادلين...
وعد: انت بتضحك علي اي.. اه اومال هقصد مين يعني..
ادهم وقد لاحظ غيرتها فقرر ان يستفزها: اممم بس مادلين اكتر من حبيبتي...بصراحه هي اقرب حد ليا
وعد وهي تشتعل من الغيره: اه مانا بقولك جميله ليقين علي بعض...
ادهم وهو يقترب منها: علي فكره انا بهزر مفيش حاجه بيني وبين مادلين خالص احنا اصدقاء بس..
وعد بفرح: بجد..
ادهم: وانتي مالك فرحتي اوي كدا ليه..
وعد: ها وانا افرح ليه انا مالي اصلا وبعدين يعني انا بس كنت بسال عشان يعني الي حصل من شويه..
ادهم بعدم فهم: يعني اي مش فاهم.
وعد بخجل: يعني انا اقصد... ان يعني... لو في بنكم حاجه او في واحده ف حياتك... يعني ليه بوستني من شويه..
ادهم بتفكير ليخرج من هذا السؤال فهو نفسه لا يعلم لما قبلها او بمعني اصح يعلم ولكن لا يريد الاعتراف بهذا...
ادهم: انا...
قطع كلامه صوت هاتفه رد ادهم..
ادهم: الو ايوه ي مادلين...
وعد بصوت منخفض وهي تتمتم: ربنا يخدك انتي كمان بتتصلي ف اهم حته اوووف...
مادلين بصوت متوتر: ادهم هناك شيء لابد ان اخبرك به السيد عبدالرحمن خرج بعد خروجك بقليل دون ان اعلم واخذ معه الكثير من الرجال ولم يعد حتي الان...
ادهم بخضه علي عمه: ازاي ي مادلين ازاااااي انا قولتلك تاخدي بالك منه ازااااي تسبيه.
مادلين: اقسم لك ي ادهم لم اكن اعلم،بعد مغادرتك تحدثت مع مارك ليجهز الشاليه كما امرت وبعدها ذهبت الي غرفته ولكنه لم يكن بالداخل... واتصلت بك عده مرات لكنك لم تجيب... ماذا علي ان افعل...
ادهم بغضب: حسنا اخبري ان يجهز الرجال مره اخري بسرعه مادلين...، ايضا اخبري علياء ان وعد معي حتي لا تقلق عليها..
مادلين: حسنا ادهم ولكن اين وجدت وعد...
ادهم: سأخبرك بكل شيء لاحقا...
اغلق الهاتف ثم نظر الي هذه التي كانت علي السلم ولكنه وجدها قد نامت...
ادهم لنفسه: اقسم بالله طفله 19سنه اي دي 9سنين دي نايمه علي السلم وكانت مخطوفه وعادي...
نظر اليها قليلا فهي كالملاك تنام بعمق...
ادهم بهدوء: وعد وعد اصحي..
وعد بنعاس وتمتمه غير مفهومه: بس شويه هركب الجمل ونطير....
ادهم: جمل... جمل اي.. وبعدين هو الجمل بيطير...؟!
ثواني من التفكير ثم حملها بين احضانه وهي فورا تمسكت به وكأنها طفله متعلقه بأبيها... ادخلها سيارته وانطلق بها الي الشاليه الخاص به...
~~~~~~~~~~~~~~~~~~~~~~~~~~~~~~~~
بعد ساعه...
وصل ادهم الي الفيلا الخاصه به والمطله علي شاطيء البحر... حملها وصعد بها الي الطابق العلوي ادخلها غرفته ووضعها بالفراش ثم نظر اليها قليلا...
واخذ يحدث نفسه: ي الله سأرتكب جريمه ومعصيه بسبب جمالها الخارق و رقتها.... كيف لها ان تكون جميله بهذا الشكل...وطفوليه للغايه... عنيده واعشق عنادها لي... تكون اكثر اثاره بالنسبه لي عندنا تتحداني وتعاندني... احب غبائها المعتاد الذي يجعلني اشعر انني المسؤل عنها... احب غيرتها الملحوظه.... رائحتها.. ابتسامتها كل شيء... لاحظه هل انا اعشق... هنا دق قلبه بشده ولكن غضب عقله ايضا بشده... خرج من الغرفه وهو يلعن قلبه كيف كيف لك ان تدق لفتاه مره اخري كيف... لا مستحيل انا فقط تعلق بها لانها ابنه عمي فقط ليس الا...
دخل ادهم ليأخذ حماما حتي تهدأ اعصابه قليلا..
بعد خروجه دق هاتفه ليجيب...
ادهم: ها وصلت لايه...
الرجل: ادهم بيه للاسف محدش عارف عبدالرحمن بيه فين...
ادهم بغضب: يعني اي هو انا مشغل معايا بهايم انا قولت نص ساعه وتعرفو عمي راح فين..
اغلق الهاتف... ثم حاول الاتصال بعمه.. ولكن لا استجابه...
ارتدي ادهم ملابسه وجلس يعمل قليلا... حتي جائه اتصال اخر... من رقم مجهول..
ادهم: الو
المتحدث: ادهم الحريري..
ادهم: دا سؤال ولا اجابه..
المتحدث: هههه نفس غرور عمك..
هنا توتر ادهم قليلا..
ادهم: مين الي بيتكلم..
المتحدث: انا هولاكو...
ادهم وقد صدم فهو يعلم ان هولاكو اسم احد رجال المافيا والزعيم للمنظمه ايضا..
ادهم: هولاكو...
هولاكو: اي اتخضيت صح... طبعا بتقول وتسال نفسك هولاكو متصل بيا ليه صح..
ادهم بثقه: هه انت بتكلم ادهم الحريري يعني من اشهر رجال الاعمال ف العالم اكيد عايز مني خدمه.. بس للاسف قبل ما تكمل كلامك... انا مش بشتغل ف حاجه وسخه...
هولاكو: اممم حتي لو عشان عمك يعيش...
هنا وقف ادهم بخضه ولكنه حاول الثبات...
ادهم: انت تقصد اي..
هولاكو: يعني عمك الي بدور عليه عندي ورجالته كمان.. عايزه يعيش هتنفذ كل الي هطلبه منك...
ادهم: انت كداب عمي هيعمل اي عندك..
هولاكو: طيب افتح الكاميرا وانا اوريك..
فتح ادهم كاميرا الفون ليرى امامه عمه مقيد وينزف الدماء منه...
ادهم بغضب: عمي... اقسم بالله ي هولاكو هقتلك لو رجاله حاجه انت فااااهم...
هولاكو: هههه نفس كلام عمك...
ادهم: انت عايز اي... اي المطلوب..
هولاكو: حلو كدا بدأت تفهمني... اسمع بقا... دلوقتي انت عارف ان عمك قبل ما يفتح شريكاته كان دكتور كيميائي ف الجامعه... وبعدين اخترع ماده قويه اوي بتخضر الانسان ف اقل من خمس دقايق.. بس كان ليها اخطار جانبيه وعشان كدا رفض يصنعها بعد اول خمس عينات منها....
ادهم وهو لا يفهم شيء فهو يعلم ان عمه كان دكتور جامعي بكليه العلوم للكيمياء ولكن لا يعلم عن هذا الاختراع شيء....
ادهم: والمطلوب...
هولاكو: المطلوب بقا ان الورق الي مكتوب فيه كل حاجه تخص الاختراع دا مكوناته وغيرها يجيلي معاك لحد بكره الورق مجاش هخلص عليه وبعدها هخلص علي القموره....
ادهم وقد علم انه يقصد وعد بحديثه هذا...
ادهم بغضب: دي بقا لو تعرف بس تلمحها اعملها عشان اقسم بالله هخلص عليك...
اغلق هولاكو الهاتف....
جلس ادهم يفكر اين هذه الاوراق وماذا سيفعل...
خرج ليجلس بالخارج امام الشاطيء...لعله يخرج من هذا العذاب قليلا....
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
بعد القليل من الوقت استيقظت وعد لتنظر حولها ما هذا المكان...
وعد لنفسها: اووووف بقا هو في اي الواحد كل شويه ينام يصحى يلاقي نفسه ف مكان شكل هو انا بنام ف اله زمن طيب والمره دي بقا مخطوفه جواز ولا خطوبه ولا تجاره اعضاء...
قامت من مكانها واخذت تنظر الي هذه الغرفه الغايه ف الجمال ثواني ونظرت نحو المرآه لتجد هذا العطر المميز والخاص له وحده بمجرد ان راته عطره وشمته حتي اطمئن قلبها... اذا هي معه تشعر بالسعاده لمجرد ان تفكر به وتتخيله وتشم رائحته...
تذكرت قبلته لها المتملكه نظرت الي نفسها بالمرآه ثم تحدثت..
وعد: تصدقي ي بت ي وعد انتي لازم تشكري استاذ رامي دا لو لسه عايش يعني عشان علي قد العذاب الي شوفته والضرب دا والخوف الا ان لما شوفت نظره الخوف والغيره ف عيون ادهم نسيت كل حاجه وفرحت لا وايه ابن الجامده ختم الموضوع ببوسه يلهوووي يخربيت حلاوته ي ناااس ثم تابعت وهي تدندن(ياناس.. شوفو حلاوته ي نااااس.... دا يتباس.... مين غيره دا يتباااس) ضحكت بشده علي نفسها ثم قررت ان تخرج لترى اين هو... ولكن هذا الفستان الضيق الذي يعيق حركتها...
وعد: اوووف بقا دا انت فستان غتت هشوف حاجه تانيه البسها...
فتحت وعد الدولاب لتجد كل ما به ملابس ادهم، فتحت درفه اخري لتجد بعض الملابس النسائيه ولكن معظمها ملابس داخليه، شهقت وعد، ي ابن الجزمه وانا الي بغنيلك اقسم بالله لوريك ي ادهم الكلب انت... بحثت عن شيء ترتديه لتجد اكثر شيء احتشاما هو عبايه منزليه باللون الزهري مفتوحه قليلا من الرجلين...(زي عبايه نانسي عجرم كدا)
ارتدتها وعد ونزلت الي اسفل لم تجده بالاسفل دخلت المطبخ ولم تجده ايضا قلقت لثواني ولكن عندما نظر الي باب الحديقه المطل علي الشاطيء وجدته جالس شارد بالسماء والبحر...
خرجت اليه بهدوء ثم حمحمت...
وعد: احم احم... سرحان ف ايه...
نظر ادهم اليها ليصدم بشده من هذا الذي ترتديه ليقول بداخله: يخربيتك انتي عيزاني اغتص*ك طيب انتي كل شويه تقفي قدامي بحاجه تخليني اولع اكتر من الي قبلها يارب صبرني عليها...
وتحدث اليها: يخربيتك انتي اي الي لبسه دااا
وعد وهي تدور وتضحك: قمر صح زي عبايه نانسي عجرم فاضل اطبطب وادلع ليقولي انا اتغيرت عليه...
ادهم بضحك: اقسم بالله انتي عيزاني اعمل حاجه غلط انتي مجنونه يبت
وعد بغضب: انا الي مجنونه ي حيوان انت...
ادهم: بت اتلمي...
وعد: مش لما تتلم انت الاول.....يعني عايزني البس اي هو انا لقيت غير دا البسه يعني.. ولا عايزني البس الزباله الي ف دولاب فوق...
ادهم بثقه واستفزاز لها: علي اساس انك لو لبستي حاجه من دول هتعجبيني مثلا... بس بس دا انتي شبه واحد صحبي...
وعد بحزن وغضب: صحبك... صحبك ازاي انت اعمي ولا اي ولا اه صح يمكن عشان انت صحابك كلهم حريم...
ادهم وهو يقترب منها: بس مش اي حريم دول اووووف يلهوووي عليهم جمدااان
وعد وهي تشيط: كتك القرف انت وهما وبعدين انا مالي اصلا انا عايزه اروح وعايزه اكلم بابا زمانه قلقان عليا اووووي
ادهم وقد قرر ان يخفي عنها ما حدث: لا انا طمنته وقولتله انك معايا خلاص..
وعد: تمام برضو انا عايزه اروح وعايزه اكلمه عشان اطمن عليه..
ادهم بتوتر: انتي هتفضلي هنا كام يوم... وبالنسبه لبابا مش هتعرفي تكلميه دلوقتي...
وعد بقلق: ليه بابا مالو هو فين... ادهم بابا كويس صح جراله حاجه قولي...
ادهم محاول الكذب: لا هو كويس والله مفيش حاجه بس يعني هو مشغول اوي ف الشغل وكمان انتي تلفونك مش وقع...
وعد: طب ما بابا دايما مشغول ف الشغل وبيرد عليا، والتلفون اه وقع للاسف بس هكلمه من عندك عادي هات التلفون...
ادهم: وعد بصي بصراحه كدا... اممم
وعد بخوف: ادهم قولي بالله عليك بابا كويس انا عايزه اكلمه والنبي...
ادهم بكدب مره اخرى: لما انتي اتخطفتي بابا اغمي عليه وجبناله دكتور والدكتور منع ان حد يكلمه لمده اسبوع علي ما الصدمه تروح...
وعد ببكاء: يعني هو دلوقتي تعبان بسببي
ادهم محاول تهدأتها: لالا مش كدا دا غصب عنك وعنه بس يعني انا قولت لمادلين وهي عرفته بس هو ممنوع يتكلم ف التلفون دلوقتي خالص...
وعد: طيب بعد اذنك انا لازم اشوفه لو سمحت رجعتي القصر والنبي ي ادهم عشان خاطري...
ادهم: والله هو كويس اهدي بس وبعدين انا بعدته ف مكان تاني مع الدكتور ومادلين معاه عشان يتحسن بسرعه ف مش هتعرفي تشوفيه دلوقتي بس يومين وهيكون احسن وقتها تشوفيه...
لم تطمئن وعد... لكلام ادهم ولكن وافقت علي كلامه حتي تفهم ما الامر...
وعد: تمام بس يومين ي ادهم ولو مرجعش هسافر انا اشوفه..
ادهم: تمام اتفقنا... ممكن اسالك سؤال..
وعد: اه اسال...
ادهم: هو انتي تعرفي بابا بيشيل فين الورق المهم بتاعه عشان بس في ورق محتاجه...
وعد: بابا دايما كان بيقولي انه بيحب الملجأ اوي وانه بيعين فيه كل اسراره... يعني لو في ورق مش موجود ف المكتب اكيد هيكون ف الملجأ...
ادهم بتفكير: يبقا لازم اروح الملجأ...
وعد بتوتر وقلق: لا تروح ليه مينفعش دي اسرار بابا لا مش هتروح...
ادهم:دا ورق مهم تبع الشغل..
وعد: تمام انا هاجي معاك اجيبه...
ادهم: مينفعش مش هتعرفي انا هروح واجيبه عادي...
وعد: اممم تمام..
ادهم: تعالي اوريكي حاجه هتحبيها...
وعد: اي هي..
سحبها ادهم من يدها ثم اخبرها ان تستلقي مثله علي الارض بحديقه المنزل... ثم رفع اصبعه نحو السماء وشاور علي احدي النجوم....
وعد: الله المنظر حلو اوووي بجد...
ادهم: اقولك سر...
وعد: قول..
ادهم: من وانا صغير كنت لما اكون زعلان ومضايق اروح مكان فاضي وابص لسما وافضل اسمي النجوم باسمي وافضل احكلهم الي مزعلني...
وعد وهي تمسك يده: تحب نسميهم دلوقتي...
ادهم بحب: يلا انا هبدأ شايفه اكبر واحده بتلمع هناك دي...
وعد: اه هتسميها اي...
ادهم وهو ينظر اليها: هسميها وعدي...
وعد بابتسامه: وعد بس من غير (ي)
ادهم: لا بالياء عشان ياء الملكيه..دي وعدي انا وبس ثم اكمل بنفسه زي ما انتِ هتكوني وعدي انا وبس.....
يتبع....
~~~~~~~~~~~~~~~~~~~~~
حقكم عليا اني اتاخرت بس كنت بكتب البارت 🥺❤️‍🩹