أنتِ وعدي

الفصل الخامس والعشرون والاخير: النهايه

بعد خروج ادهم من الكليه توجه نحو المستشفى التي كانت بها وعد...
وصل اليها وذهب الي الاستعلامات...
ادهم: لو سمحت دكتوره نجوي موجوده
الموظفه: اه ي فندم ف مكتبها..
ادهم: هو فين لو سمحت
الموظفه: اخر الممر دا المكتب الي علي اليمين..
ادهم: تمام شكرا...
تركها وتوجه الي مكتب نجوى..
طرق الباب ليسمع صوتها من الداخل..
نجوي: اتفضل..
ادهم: ممكن اخد من وقتك شويه..
نجوي: ادهم بيه اه طبعا اتفضل تعالى.. خير ان شاء الله..
جلس ادهم واخبرها بكلام ناديه له ثم سألها
ادهم: ممكن تقوليلي الي حضرتك شوفتيه..
نجوي: بص ي استاذ ادهم الي انا شوفته كان نفس الي انت شوفته عشان انا كنت برا بس حضرتك مشيت وانا فضلت واقفه عشان ناديه تعرف تطلع قبل ما علياء ترجع الاوضه تاني واكيد الي شوفته ف الاخر لو حضرتك شوفته مكنتش مشيت بالشكل دا..
ادهم: ممكن اعرف شوفتي اي..
نجوي: بصراحه بعد ما حضرتك مشيت انا فكرت زيك كدا وقولت ان وعد خلاص ضعفت وكنت هدخل عشان ابعده عنها بس هي فورا ضربته بالالم علي وشه وضربته بالرجل كمان ودخلت الحمام وقفلت علي نفسها ومخرجتش لحد ما علياء وصلت
ادهم بصدمه: ضربته...؟!
نجوي: اه والله وعلي فكره لو مش مصدق كلامي وحقك اكيد رامي قال لوعد انه مسجل كلامهم..
ادهم وهو يقف: تمام شكرا اوي ليكي بجد...
كاد ان يخرج ليلتف لها مره اخرى: اه صح بكره في حفله سنويه بمناسبه افتتاح الشركه و ياريت اتشرف بحضرتك معانا ممكن..
نجوي: اه اكيد ان شاء الله هاجي...
خرج ادهم تاركا اياها متوجه الي الشركه وهو يخطط لشيء بعقله....
_______________________________
اما بالكليه كانت تنظر حولها بملل وعلياء تعبث بهاتفها...
وعد: اووف هنفضل قاعدين هنا كتير ولا اي...
علياء: لسه مجاش دورنا يستي هنعمل اي يعني..
وعد: انا مش عارفه هما يعني فاكرين الي ف الكليه مجانين...
هنا ندهت احدى الاساتذه: وعد عبدالرحمن الحريري تتفضل..
تحركت وعد وهي تنظر الي علياء بتوتر: انا خايفه..
علياء: اسد يلا في اي..
دخلت وعد تاركه علياء بالخارج...
الدكتور: اتفضلي ي دكتور وعد
جلست وعد لتجري هذا الاختبار النفسي وبالخارج..
نظرت علياء بملل امامها لتجد هذا العلي يتحدث الي احدى الفتيات ويضحك معاها ومعه بعض الشباب..
علياء بغضب لا تعرف سبب: كتك داهيه حيوان صحيح ماشي تهزر مع اي حد كدا..
هنا سمعتها احدى الفتيات وهي تتمتم لتتحدث معها بمرح...
الفتاه: تقصدي علي الاشهب..
علياء بتوتر: مين... مين علي الاشهب دا..
الفتاه: هو الي هناك دا الي بيضحك مع البنت ام شعر منكوش دي..
ضحكت علياء عليها: اه مالو دا..
الفتاه: لو قصدك عليه فهو فعلا بتاع بنات بس يعني مش الي هو بيأذيهم بس الي بتيجي ف سكته بيلعب معاها كام يوم ويسبها...
علياء: اممم صايع يعني..
الفتاه: اسمها Bad boy
علياء: ياختي متفرقش اهو عيل معفن وخلاص..
الفتاه: المعفن دا اشطر طالب او دكتور يعنى هنا ف قسم الجراحه...
علياء وهي تشير نحوه: دااااا.
نظر اليها علي باستغراب لتنزل يدها بسرعه وتنظر باتجاه اخر لتضحك الفتاه بشده ...
الفتاه: يخربيت فصلت اه صح بالمناسبه انا ندى وانتي
علياء بابتسامة:وانا علياء.. تشرفنا..
خرجت وعد من ال interview وتقدمت نحو صديقتها..
وعد: ياااه اخيرا...
علياء: ها عملتي اي..
وعد: ولا حاجه شويه اساله متخلفه كدا جاوبت وخلاص..
هنا خرجت الاستاذه مره اخري وذكرت اسم علياء لتدخل علياء هي الاخرى الي الاختبار..
ندي: انتي صحبه علياء..
وعد: اه
ندي: انا اتعرفت عليها حالا وهي لطيفه اوي بجد..
وعد بابتسامة: وانتي كمان لطيفه... انا وعد..
ندي بابتسامة: وانا ندي..
نظرت وعد الي الجهه الاخرى لتجد علي ينظر اليها ثم نادى علي ندى..
ندي: بعد اذنك هشوف عايز اي..
وعم: تمام..
عادت ندى بعد قليل وهي تبتسم...
وعد: في اي فرحيني...
ندي: كان بيسال علي علياء ي ستي اسمها اي وتفاصيل عنها قولتله معرفش كتير عنها...
وعد: وبيسال ليه..
ندي بغمز: تقريبا كدا الصناره غمزت
ضحك الاثنان معا وبعد قليل عاده علياء...
علياء: اي بتضحكو علي اي مين قتل مين هاا
وعد بضحك: يعني مين قتل مين وهنضحك
يلا ي هبله عشان نروح الاتيليه لسه اليوم طويل..
ندي بسرعه: اتيليه ليه مين هتتجوز
وعد: لا ي ستي دي حفله الشركه بتاعت بابا ولازم نروح... اه ممكن تيجي معانا لو تحبي..
ندي: بجد ممكن اجي..
وعد بضحك: اه اكيد يلا...
خرجت الفتيات متوجهين الي الاتيليه...
~~~~~~~~~~~~~~~~~~~~~~~~~~~~~~~
وعلي الجانب الاخر وصل ادهم الي الشركه وهو ينوى قتل مراد حتما....
دخل الشركه بغضب كبير وهو يثني كمام قميصه واتجه الي مكتب مراد...
ادهم باقتحام المكتب دون طرق الباب: براااااا كلكم براااااا
خرج جميع الموظفين من مكتب مراد وتبقا مراد وادهم فقط...
تقدم ادهم نحوه و دون مقدمات لكمه بشده حتي وقع مراد ارضا من شده لكمته...
مراد بغضب: اي دا في اي انت اتجننت ي ادهم...
ادهم بغضب اكبر: اتجننت دا انا هموتك
جذبه ادهم من ملابسه ولكمه مره اخري كان مراد يحاول ان يتفادي ضربات ادهم بقدر المستطاع ولكن ادهم لم يكن يترك له فرصه حتي لدفاع...
ادهم: انا مش قولتلللللك وااااااعد لااااااا...
مراد: انا مجتش جنبهاااا اهداااا
كاد ادهم ان يخنقه ليضربه مراد بقدمه ويبتعد عنه ثم يهجم علي ادهم ...
ادهم محاول الدفاع: لسه بتكدب لسسسه همووتك ي مراااد...
مراد باستفزاز: وانت جاي تموتني عشان فضلتني عليك...
ادهم بغضب: فضلتك عليا اي ي حيوان ي ابن***دي ضربتك وسابتك ومشيت...
مراد باستفزاز اكتر: دا دلع بنات ملكش دعوه انت والدليل علي كلامي انها جايه الحفله انهارده معايا وعارف كمان انا هتقدملها انهارده..
لم يتحمل ادهم امسكه بغضب ولكمه برأسه حتي سالت الدماء من انفسه بشده ليقع مراد علي الارض..
ادهم: ابقا اعملها ي مراد عشان تبقا ختمت ورقه موتك...
مراد وهو علي الارض: ولو وافقت...
نظر اليه ادهم بتوتر...
مراد: لو وافقت هتشهد علي الجوازه بنفسك...
ادهم بغضب: لو وافقت القصر الجديد بتاعي هيكون هديه جوازكم...
تركه ادهم وخرج وهو يقرر فعل شيء بعقله...
ادهم بالهاتف: كل حاجه تكون جاهزه علي بليل انت فاهم...
اغلق الهاتف وتوجه الي القصر ليجهز نفسه لحفل الشركه...
_________________________________
وصلت وعد وعلياء ومعهم ندى الي الاتيليه..
وبعد مرور اكثر من ثلاث ساعات اخيرا تم اختيار للفساتين التي سيلبسونها....
فستان وعد الذي كان قمه بالجمال والروعه..