يا من تجيد عيونها لغة الهوى...
هل غاب عن تلك العيون مرادي...
إن المحاسن ابدعت تصويرها ..
في ناظريك وغصنك المياد...🥺❤️
-نفتح باب السطح ودخلت عليه امي اني رأساً طفيت الموبايل وطلعت الخط وشمرته اجت تصيح عليه هيا ولج هيا شدسوين انت ويه منو تحجين لج احجي منو هذا الي تحجين ويا يوميه لنصاص الليالي ..
هيا:- والله ماجنت احجي ويا أحد ماما والله ماحجي ويه أحد..
سحر:- اعرفكم عن نفسي اني اسمي سحر عمري ٥٠ سنه ام ل٩اولاد 2 ولد و7 بنات مواصفاتي ملامحي مبين عليه الكبر وشعري بي شيب قصيرة وجسمي متروس...
بعد ماتزوجت بنتي غسق وره اسبوع رحت اشوفه وأخذت البنات وياي من وصلنه لبيتهم استقبلني ابن اختي احمد اخو مرتضى وسلم علينه حسيت بي يباوع عله هيا بس ماتوقعت يسوي شي ولا هيا توقعت منه تسوي شي وره فترة اجت غسق مسيره علينه كعدت شويه. صاحت لهيا كلتله عندي موضوع وياج اني هنا لعب الشيطان بعقلي بس كلت لا ماكو شي ماكو هيج حجي راحت ايام اجت ايام حسيت هيا عده شي صايرة باله مشغول وتبتسم وحده ودائما فوك السطح وأحمد كثرانه جياته النه كل فترة يجي واشوف هيا تفرح من يجي وعيونه تكوم تلمع اني شكيت اكو شي بيناتهم ظليت اراقب هيا يوميه لحد ما اجه اليوم الي سمعته بي تخابر فوك السطح اني رأساً دفرت الباب ورحتله...
لج هيا لتجذبين اني سمعتج تحجين ويه واحد واني اعرفه منو هذا الشخص...
هيا:- اني رتبكت كلش وخفت حيل ماما ماكو هيج حجي صدكيني..
سحر :- هيا احمد هذا الي تحجين ويا مو..
هيا:- لا ماما لا ...
سحر:- لتجذبين هيا اعرفه شكيت بيكم من يوم الي اجت غسق واخذتج عله صفحه تحجي وياج وهو يوميه صار يجينه للبيت...
هيا:- اي ماما اي اني احبه وهو يحبني ونريد نتزوج ...
سحر:- لج هيا والله اذا عرف يعقوب يذبحج والله..
هيا:- خل يذبحني ماما اني احبه 😭💔..
سحر :- هيا وين الخط شمرتي نطينيا....
هيا:- كسرته راح..
سحر :- هيا صدكيني ماينطوج اله ولا راح تزوجي صدكيني هيا لو تموتين متاخذينه...
هيا:- لا ماما هو كال اجي اخطبج...
عافتني ماما ونزلت واني ظليت ابجي فوك السطح بجيت لحد ماغفيت مادري بروحي كعدت الصبح عيوني مورمه وراسي يوجعني من البجي تذكرت شصار بالليل وستحيت انزل واباوع بوجهه امي نزلت ورحت كبل يم عمامي رحت يم بنت عمي رغد..
رغد صديقة طفولتي وبنت عمي اسولفله كلشي وتعرف بكلشي ..
رحت كبل سولفتله الي صار كاعدين نسولف اجت غزل تركض ..
غزل:- هيا هيا لج اسمعي ..
هيا:- شنو غزل شكو ..
غزل:- امي فوك السطح تدور ماعرف عله شنو واجتني لاكيه ماعرف شنو كلتلي هذا الخط وكلتله لا وسألتني هيا وين تخلي الخط وبيمن تخابر اني كتله ماعرف والله ماعرف ...
هيا:- نصدمت وظليت صافنه ماكدر احجي خليت وطلعت برا بجيت ..
دعيت ياربي يصير احمد من نصيبي ونتزوج بأقرب وقت يارب دخيلك 😔💔..
رحت جبت موبايل خالتي واتصلت على احمد من خط خالتي لان خطي كسرته من شافتني ماما...
الو احمد شلونك..
احمد:- هلا بدنيتي هلا حبي بخير من سمعت صوتج شلونج يروحي خفت عليج امس ليش سديتي بوجهي ...
هيا:- احمد امي عرفت بكلشي وامس لكفتني احجي وياك وطلعت الخط وكسرته خفت تلكفه من ايدي ..
احمد:- اي خل تعرف اني احبج واريد اتزوجج ماجاي اضحك عليج اني...
هيا:- احمد اني كلش خايفه اهلي يعرفون وتصير مشكله 😔...
احمد:- حبيبتي لو تنكلب الدنيا اني اخذج يعني اخذج سمعتي وخل يدرون العالم كله اني احبج ..
هيا:- اني بعد ماكدر اتصل عليك كسرت الخط وهاي كوه حصلت موبايل خالتي واتصلت وراح ارجعه لان اكيد امي كلتله وعرفت كلشي بعد ماكدر أخذ الموبايل...
احمد:- راح اشتريلج خط جديد وادزلجيا ..
هيا:- تمام بس شلون تجيبه الي...
اي صح احمد اليوم اهلي يسيرون عليكم ودز الخط بيد غزل لان اني ماكدر اجي بيبيتي مريضه كلش...
احمد:- لا هيا فدوه تعالي مشتاقلج كلش ومشتاق اشوفج..
هيا:- لا احمد بيبيتي مريضه ماكدر اجي دزه بيد غزل...
احمد :- ماشي حبيبتي ☺️..
هيا:- سديت الموبايل ورجعته لمكانه بدون متدري امي لليل راحو اهلي لبيت خالتي واني بقيت يم بيبي وصيت غزل تجيبلي الخط من احمد ...
ياربي شوكت يجون خايفه كلش خاف غزل مدبرها وتجيب الخط زين اذا كدرت تجيبه خاف تضيعه ياربي يوصلي الخط يارب ..
اي اجو اجت غزل تركض....
غزل:- هيا هيا وينج ...
هيا:- ها غزل تعاي هنا بالغرفه طلعت الخط شادته بحجابه فلت الحجاب ونطتني ...
اي عفيه شكرا شكرا يا احلى اخت ..اخذت الخط وفرفح كلبي من الفرح شوكت ينامون واتصل بي..
اي غزل سولفيلي شلون انطاج الخط...
غزل:- جنه كاعدين بالاستقبال صاحني للمطبخ طب هو وطبيت ورا طلع الخط من جيبه ونطانيا وكلي هيا ليش ما اجت كتله بيبي مريضه كال انعل هيج من بيبيتج اني فد ستحيت كوه احجي ويا كلي مو تضيعينه وصلي اله كتله ميخالف وشديته بالحجاب وطلعت والطريق كله ارجف خاف تلكفني امي 😥..
هيا:- الحمدلله ماشافتج والا جان صارت مشكله..
غزل:- اي والله تگطعني امي اذا شافت الخط..
هيا:- ههههههه همزين ماشافتج ..
اكلج غزل ..
غزل:- ها ..
هيا:- روحي جيبيلي موبايل عمي وتعاي ..
غزل:- ماشي خل اروح..
هيا:- اني كاعده فوك السطح انتظر غزل تجي ..
اي اجت ها غزل وينه..
غزل:- ميقبل ينطينيا..
هيا:- كليله بس شويه نلعب بي ونرجعه ..
راحت غزل ورجعت جابته واجت تركض ..
غزل:- هاج بس مو تتأخرين كال اموتج اذا تأخرتي..
هيا:- اي والله هسه شويه وانطيجيا رجعي ..
غزل راقبي بالباب خاف يجي احد...
غزل:- تمام يله اتصلي ماكو احد..
هيا:- اتصلت ب أحمد ..
الو هلو احمد شلونك..
احمد:- هلا بالعافيه شلونج يروحي مشتاقلج كلش وحق علي ابو الحسن..
هيا :- الحمدلله زينه انت شلونك..
احمد:- من سمعت صوتج صرت زين همزين وصلتلج الخط غزل خفت تضيعه ..
هيا:- اي الحمدلله وصلته ..
احمد هذا موبايل عمي وماكدر احجي وياك هواي يريد الموبايل..
احمد:- حبيبتي والله مشتاقلج اتصلي عليه كلما تحصلين فرصه ..
هيا:- تمام أن شاء الله..
غزل:- هيا سدي الموبايل اجت امي ..
هيا:- نرعبت من كلتلي غزل هيج طفيت الموبايل ونطيته لغزل ظمته واني سويت روحي نايمه..
سحر:- هيا ادري بيج جنتي تحجين ويه احمد مو..
هيا:- لا ماما ماجنت احجي ويا ..
سحر :- لا ادري جنت تحجين ويا شفت غزل من جابت الموبايل عبالجن ما ادري ولج هيا والله مينطوج اله عوفي يمه لتسويلنه فضيحه مروتج..
هيا:- ماما والله ماكدر اعوفه وليش ماينطونيا مو غسق هناك اكيد راح ينطوني ويه غسق..
سحر:- والله ماينطوج اله هيه غسق وجدج كوه قبل ينطيه يكره اهلي نوب تردينه ينطيج انت هم صدكيني ماتاخذينه..
هيا:- لا ماما هو راح يجي يخطبني وينطوني اله اني أحاجي بابا..
عافتني امي وراحت لان ملت من الحجي وياي إلى أن تقبلت الوضع كمت اتصل بي والكل يعرف بعلاقتنه بس ساكتين لان حبنه نظيف وممسوين اي شي غلط ضلينه سنتين عله تواصل اني ويا لحد ماصار عمري ١٥سنه اتصلت بيه...
الو شلونك احمد شخبارك..
احمد:- هلا يروحي تمام الحمدلله انت شلونج يعافيتي..
هيا:- زينه الحمدلله..
احمد:- هيا اني راح اجي اخطبج بعد مابيه مجال صارلي سنتين بس اتصل عليج بعد ماتحمل اريدج يمي..
هيا:- اني فرحت كلش وخجلت مكدرت احجي اي شي ..
احمد:- ها هيا ليش سكتي شتكولين اجي اخطبج..
هيا:- اي تعال..
احمد:- من باجر اجيب امي وخواتي وغسق واجي اخطبج..
هيا:- أن شاء الله يله حبيبي باي بعد ماكدر أكثر ليجون..
احمد:- ماشي باي يروحي انتبهي عله نفسج ..
هيا:- أن شاء الله..
سديت الموبايل ورجعته ..
الليل كله مانمت بين فرحانه وبين خايفه خاف يتقدم ويرفضونه شلون يربي بلكت يوافقون ..
صار الصبح واني منايمه كمت من فراشي نزلت توضيت وفرشت سجادتي وكعدت اصلي صليت ودعيت ربي كون يوافقون واصير حلاله وتحت سكف واحد ..
يارب دخيلك اول مره اطلب شي يا اللهي يوافقون اهلي وبدون مشاكل واصير ملكه وحلاله كعدت ادعي وأبجي كمت لميت سجادتي ورحت سويت ريوك وتريكت...
مر اليوم كأي يوم عادي (طبعا نسيت اكلكم احنه انتقلنه لبيتنه الجديد صار سنتين وره زواج غسق بفترة قليلة لان بيت جدي رادو البيت القديم وسوو مشاكل ويه ابوي حته ننتقل وانتقلنه الحمدلله) ..
صار الليل واني انتظر شوكت يجون شويه وشفت سيارة نزلت عله بيتنه كلبي طار من الفرح يارب همه اجوي نزلوا امه واخته وأبو وغسق وزوجهه طبو للبيت سلمو وكعدوا اني استحي شردت بيت عمي..
طلبوا ايدي من ابوي ..
ابوي وافق بس كللهم اني اسأل جده بالاول اذا يوافق اني ماعندي مشكله بنتي الكم..
كعدو شويه وراحوا للصبح ابوي راح للشغل واني منتظره شوكت يرجع ويحاجي جدي يارب يوافق جدي يارب ..
للظهر اجه بابا من الشغل تغده وصله ونام واني كلبي يرجف خايفه ميوافق ..
كعدت العصر من النوم ما اسمع اله الصايح والهوسه كلبي وجعني ياربي شصاير....
@un_bl2001
