الجزء الاخير
طبعا اسفه تأخرت عليكم بنشر البارت بس صارت عندي ضروف ومكدرت اكمل البارت...
اتمنى تدعمون قصتي 😊❤️
لَو لَم يُخالِط يَومَ بَينَكَ أَدمُعي...
قاني دَمي ما كُنتُ إِلّا مدَّعي..
قَد صَحَّ عِندَكَ شاهِدٌ مِن عَبرَتي...
فَسَلِ الدُجى وَنُجومَهُ عَن مَضجَعي...
عاقَبتَني بِجِنايَةٍ لَم أَجنِها ظُلماً...
وَكَم مِن حاصِدٍ لَم يَزرَعِ...
وَمنعتَ طَيفكَ مِن زِيارَةِ عاشِقٍ...
حاوَلتَ مُهجَتَهُ فَلَم يَتَمَنَّعِ...
وَأَمالَكَ الواشي وَلَولا غِرَّةٌ...
كانَ الصِبى سَبَباً لَها لَم تخدَعِ...
فَجَمَعتَ أَثقالَ الصُدودِ إِلى النَوى فَوقَ المَلامِ... إِلى فُؤادٍ موجَعِ يا راحِلاً...
وَالقَلبُ بَينَ رِحالِهِ يَقتادَهُ حِفظاً لِعَهدِ مُضَيّعِ..
هَلّا وَقَفتَ عَلى مُحِبِّكَ حافِظاً عَهدَ الهَوى...
فيهِ وُقوفَ مُوَدِّعِ...
كَيفَ السَبيلُ إِلى السُلُوِّ...
وَلَم تُعد عَقلي عَلَيَّ وَلَم تَدَع قَلبي مَعي...
هيا:- رجعنه من السوك ...لليل اجه عمر وجايب ويا مشيه حتى يراضي ابوي وتراضو هو وأبوي ...مارجعت بيومه لان ثاني يوم لازم يلتحق للدوام اجه عليه يحاجيني...
عمر:- شلونج هيا...
هيا:- زينه الحمدلله انت شلونك...
عمر:- زين ..اني هسه ماراح ارجعج لان باجر عندي دوام من انزل من الدوام ارجعج...
هيا:- وين اكعد وامك اخذت غرفتي ...
عمر:- نكعد بالمطبخ القديم نرممه ونكعد بي ...
هيا:- تمام ...اتفقنه على كلشي وراح ...مر اسبوع ورجع عمر من الدوام واتصل عليه ...
عمر:- هيا اني جاي ارجعج حضري نفسج...
هيا:- وين اكعد وانت لسه مسويت الغرفه...
عمر:- نكعد بالطابق الثاني لمن أرتب الغرفه الجوه...
هيا:- ما أريده ماكدر اضل اصعد وانزل للمطبخ جوه...
عمر:- بس هاي الايام لمن اكمل الغرفه الجوه...
هيا:- تمام ...وافقت ارجع ويا شويه واجه يرجعني صادف بيومه احمد يمنه مسير ..اجه عمر يرجعني من شافه احمد اجه عليه ختنك وكام يبجي لان راح ارجع نقهرت علي كلش بس مابيدي حيله...رجعت ويه عمر لبيت عيالي صعدت فوك الغرفه مبهذله وبيه خشابي القديم ومكسر وملابس حماتي جان الجو بارد كلش بوقته طبيت للغرفه خليت غراضي وفرشت لجهالي نيمتهم..الساعه ب١٢ بالليل عشيقة عمر دزتله رساله شفته وتخبلت...عمر احنه شنو حان اتفاقنه...
عمر:- من هسه وبعد انتهت معليج عفته والله متعارك وياهه..
هيا:- بجيت بحركه ...انت جذاب عمر..باوعت شفت اثر عضات بصدره بجيت وطفرت اريد ارجع لزمني من ايدي...
عمر:- مترجعين والله عفتها من هاي اللحظه....
هيا:- جريت ايدي ورحت تمددت بفراشي بعيدة عنه ..للصبح رحت جبت غراضي الي بقن يم اهلي وملابسي بقيتهن يمهم لان ماعندي مكان اخلي بي غراضي ..عمر طلع من الصبح لليل يله رجع ومن سألته هم كلي عندي شغل ..ثاني يوم طبيت للغرفه لكيته يلم بغراضه ...ها وين رايح...
عمر:- خابروني لازم التحق للدوام ماعرف شيردون...
هيا:- ها معقوله ..
عمر:- اي من اوصل هناك اخابرج...
هيا:- تمام الله وياك...
عمر:- روحي لهلج باتي يمهم لتبقين بالغرفه وحدج ...
هيا:- تمام...رحت لهلي وهو راح للدوام بس مارتاحيت لروحته حسيته يجذب عليه...طبيت لبيت اهلي وغراضي بيدي نصدمو عبالهم زعلانه ..بس كلتلهم ليش أجيت ...بقيت على هاي الحاله اسبوع بالليل ابات يم اهلي والصبح ارجع لعيالي تعبت كلش من هاي الحاله اروح وارجع وجهالي اسحول بيهم ..رحت لعمي كلتله يجيب مواد وعمال حتى يرتبولي الغرفه ومن يجي عمر ينطيهم فلوسهم ..وافق عمي وراح جاب غراض واني رتبته وطلعت الغراض الي بيه ثاني يوم اجو عمال رممو الغرفه ورتبوهه ..اسبوع خلصت الغرفه وانتقلت بيه فارغه بس اربع حيطان ..نزلت غراضي من فوك وخليتهن ..نمت بالغرفه فارغه حتى بنكه مابيه بس الجو جان زين نهاية الشتاء ...خلصت إجازة عمر ونزل من الدوام شاف الغرفه مقبل بيه ...
عمر:- شنو هاي الغرفه من كل عقلج اكعد بيه...
هيا:- ليش انت مو كلت أسويها ونكعد بيه اني سويته بمكانك خلي نكعد بيها...
عمر:- اني طالع ...
هيا:- وين رايح...
عمر:- راح اروح للمحلات انتظريني لاتنامين...
هيا :- تمام الله وياك...بقيت منتظرته للصبح ما اجه عرفته راح يم زوجته لان ميكدر يعوفه اكيد نقهرت كلش عل وضعي اعرف رجعتي اله غلط بغلط بس مو بيدي جهالي منو الهم اذا اعوفهم واتطلك ...من راح ولحد هسه مرجع الاسبوع كامل مرجع بقه يمه حجيت ويه اهله كلولي اكعدي واسكتي معليج بي ...وفعلا سمعت الكلام وقررت انسا وانسه كلشي ومعليه بي ابد حتى كرهته ومليت منه ضليت كاعده علمود جهالي ليتشردون ..عمر كام كل شهر مره يجي لو كل اسبوعين مرات يبات ومرات لا ..مصرف البيت صار كله عليه ..من ينزل عارف هو يتسوك ومن يلتحق للدوام اني اتسوك ..عارف قرر يبني بيت ويطلع كال اني ممجبور اتحمل مصرفكم وحقه سرى صار عده ثنين جهال ولد وبنيه وحماتي الزغيرة متقبل تزوج تريد تكبر يله تزوج مو مثل اخواتها تزوجت صغار ..صار البيت والمصرف والجهال كله مسؤوليتي علي صار صف خامس ابتدائي واخذتله دروس خصوصي وحيدر صف رابع وذو الفقار صار عمره 4 سنوات وليان عمره 3 سنوات... تعبت بعد ما اكدر اتحمل هاي المسؤولية كله اني قررت احجي ويه عمر من يجي للبيت ...ضليت منتظرته لمن اجه ...عمر اريد احجي وياك بموضوع...
عمر:-كولي شكو...
هيا:- عمر اني ادري بيك متزوج ومتكدر تعوف زوجتك ذيج وحقك بس اني اريدك تعدل بيناتنه ميصير هيج ترا انت اسبوع عندك اجازه تعال يمي 3 ايام وروح يمه 4 ايام هم ميخالف...
عمر:- ماكدر اعوفه تبات وحده محد يمه...
هيا:- لعد اني هم وحدي ومسؤولية البيت كله براسي حرام عليك عايفني ....يضحك بأستهزاء عليه ويعوفني ويروح ميخليني احجي...عمر انطيك فرصه شهر اذا متعدل بيناتنه ارجع لهلي واتطلك وينتهي كلشي...
عمر:- اني مو يمج يمته متحتاجيني اني موجود يمج...
هيا:- وينك انت ذاك اليوم ابنك تخربط كلش وأخذته للطبيب محد عندي غير اهلي الى متى ابقه هيج ...
عمر:- هيا لو تموتين ما اطلك واخليج تروحين تزوجين وتاخذين غيري وترتاحين لو تموتين ما اطلكج...
هيا:- من كلي هيج نصدمت من كلامه ...يخاف يعوفني خاف اتزوج احمد وارتاح الله ليوفقك أن شاء الله...حجه هاي الحجايه وطلع ...خليته براحته لان انسان قذر ميفيد بي كلشي ...كام يجي ساعه كل اسبوعين ينطي مصرف لامه ويروح ..طبعا امه عازله نفسه ولايوم فكرت تجيب شي للبيت ..سرى هم متمد أيده على البيت تشتري غراض وتضمهن حتى من تنقل لبيته تاخذهن وياهه اني ما الومه حقه هم شبعت ضيم مثلي وعمتي متحبه تموت منه ودائما تدعي عليه وعلينه كلنه احنه جناينه ٣ ولا تحبنه ابد وتدعي علينه دائما ...
يوم من الايام كاعده بغرفتي والعب بالموبايل فجأة راسلتني اختي رونق...
رونق:- هلو هيا شلونج...
هيا:- هلو رونق زينه الحمدلله انت شلونج...
رونق:- زينه...هيا عندي موضوع وياج...
هيا:- كولي شنو..
رونق:- هيا احمد راسلني وكلي يريد يحجي وياج ...
هيا:- شنو هذا شوكت الحجي...
رونق:- هسه قبل شويه راسلني...
هيا:- شكلج شيريد...
ورنق:- هسه ادزلج...
هيا:- شويه ودزتلي سكرين ..كاتبله انو يريد حسابي يريد يراسلني...رونق انطي حسابي...
رونق:- تمام...
هيا:- انتضرت شويه دزلي رساله ...
احمد:- السلام عليكم..شلونج هيا...
هيا:- وعليكم السلام..زينه انت شلونك...
احمد:- موزين هيا..تعبت ماتحمل فراكج...
هيا:- نقهرت وكمت ابجي لان اني بعدني منسيته وأحبه ...تعرفون ليش لسه احبه لان عمر ماحاول يخليني احبه و انسه احمد...ضلينه نحجي اني وأحمد دائما تعلقت بي كلش ما اكدر اعوفه لان حسسني اني انسانه وخلاني احب نفسي ..نساني همومي ...حسيته صدك يحبني ويريدني ...بعد ما اكدر اعوفه ولا هو يكدر يعوفني حتى صرت احلم بي مرات من اضوج احلم بي يجي يسكتني ماعرف ليش احلم بي هواي ...قررت اتطلك واتزوجه وكلتله بهذا الشي
فرح كلش وبنالي بيت ...بس اني كلش خايفه شلون يقبل عمر يطلكني والجهال اكيد ياخذوهم مني ...لحد هسه ماطلكني عمر وضليت معلكه لا اني هنا ولا اني هنا تعبت كلش ونفسيتي تعبت ما ادري شسوي اذا اتطلك واتزوج جهالي يضيعون من ايدي واني اختار لو حياتي لو حياة جهالي ...رحت على ابوي وحاجيته كلتله اريد اتطلك كلي عوفي جهالج وتزوجي...
انتهت قصتنه اتمنى نالت اعجابكم وادري هيا غلطت من ترجعله بس انتو متعرفون الي مرت بي هيه اذا تطلكت جهاله ينتهون وهيه ضحت بكلشي وضحت بحياته ومستقبله علمود جهاله لان اهل عمر ميقبلون تطلك وجهاله عدهه خيروهه بين حياته وبين حياة جهاله اذا تطلكت ياخذون جهاله ومحد يدير باله عليهم وراح يأذوهم كلش ذوله مو بشر وحوش ...ادعوله رب العالمين يفرجها عليه وتنحل مشاكله....
مع تحياتي
الكاتبه ..نورهان
