فلما رأت أن الفراق حقيقة...
وأن عليه مكره غير طائع...
تبدت فلا والله ما الشمس مثلها...
إذا اشرقت أنوارها في المطالع..
هيا:- من سمعت الصياح ركضت للسطح اشوف شنو الصاير لان من سطحنه اشوف كلشي باوعت اشوف جدي وبابا يتعاركون والناس ملتمه عله الشارع تباوع نصدمت...
جدي ناصر:- البنيه مانطيه ماتصير الهم سمعت يعقوب ماتصير الهم ..
يعقوب:- البنيه خواله خطبوه واني نطيتهم حجايه شلون هيج تفشلني...
جدي ناصر:- يعقوب كتلك البنيه ماتصير لخواله ذوله ال*** سمعت يعقوب البنيه لابن عمه وماتصير لغير عمر ...
يعقوب:- بنتي مانطيه لعمر لو تثالث الدنيا لبيت خليل مانطيه..
جدي ناصر:- ولك يعقوب انت شنو تكسر حجايتي هيا ماتطلع منا اله بالتابوت وماتصير لابن خالته لو تنطبق السماء على الأرض سمعت...
يعقوب :- هيا بنتي واني المسؤول عنه واجيت كتلك من باب الاحترام واجيت اكلك اني نطيت البنيه لخواله وماتصير لغير احمد...
جدي ناصر:- يعقوب ولك تكسر حجايتي..
-جر السلاح وجهه عله بابا وراد يضربه واجه عمي يركض ولزمه منه..
محمد:- لايابه هاي شتسوي شلون تكتل ابنك ..
جدي ناصر:-اكتله وانعل والدي واليوم اخلي دمه بطوله يكسر حجايتي والله اكتله ومانطيه لابن خالته...
يعقوب:- اكتلني ومانطيه لبيت خليل وماتصير الهم اله تشيل تابوتي منا ...
جدي ناصر:- يعقوب اكسر ظهرك بيه والله متصير لخواله امشي ...
-رجال من جيرانه من شاف الوضع هيج رأسا أخذ ابوي لبيته لليل ورجع بابا مكسور ومقهور من الي صار ليش هيج سوه جدي ..
نقهرت كلش حسيت الدنيا نسدت بوجهي معقوله مراح اصير ملك احمد وحلاله معقوله راح يروح حبي من ايدي ياربي لا لا ماتحمل افاركه دقيقه يا اللهي دخيلك يقبل جدي واصير مرته يارب ...
اسمع صوت بابا رجع لا اكل ولا شرب راح يموت من القهر 😭💔..
للصبح راح جدي ناصر لعمي خليل..
جدي ناصر:- خليل عندي موضوع وياك مهم ..
خليل:- تفضل حجي كول..
جدي ناصر:- خليل تعال أخطب هيا اجوي خواله خطبوهه واني ماريد انطيه الهم كتلهم لعمامه ..
خليل:- حجي ابن خالته يريده انطيه اله ..
جدي ناصر:- لامتصير الهم ابد اني كتلك تعال اخطبه لعمر ..
خليل:- بس اني ماعندي إمكانية اسوي عرس اني ماصارلي شهر من زوجت ابني الجبير...
جدي ناصر:- معليك خليل اني اتكفل بالعرس كله بس اخذه...
خليل:- والله ياحجي هاهيه صار بالليل نجي نخطب ..
-اجه جدي ناصر لبابا ..
جدي ناصر:- يعقوب بالليل حضر نفسك راح يجون عمامه يخطبونه ..
يعقوب :- يابه اني منطي حجايه للوادم شلون تحطني بهيج موقف..
ناصر:- يعقوب معليك انت اسكت سمعت ماتحجي حرف..
- اجه بابا سألني ..
يابه عمامج يردونج لعمر انت موافقه لو لا
كتله لا بابا مموافقه ماريد عمر ..
بابا خله وطلع .. ياربي نكسر ظهري مادري شسوي منا اشوف بابا شلون مكسور بعد الي صار ومنا اشوف حب حياتي الي حلمت بي سنتين وجنه نحلم سوه شلون راح نأسس بيتنه وعائلتنه اني ويا سوه احس كلبي راح يوكف من الالم يارب دخيلك 😭😭💔...
كعدت الليل كله ابجي لمن نشفت دموعي وضليت افكر اذا صرت مرة احمد راح اخسر بابا هنا قررت انو راح اوافق عله عمر لان ماريد اخسر بابا كلشي ولابابا اغله من روحي ...
رحت عله ماما الصبح كتله كولي لبابا اني موافقه..
سحر :- متأكده انت مو كلتي ماريده ..
هيا:- لا ماما اني موافقه..
سحر:-ابوج ديتعارك علمودج وماراح ينطيج لان متقبلين..
هيا:- لا ماما اذا وافقت راح تطلعون من مشكله جبيرة أضحي بحياتي علمودكم مو مهم اني المهم بابا ميصير علي شي ..
ماما سكتت ومحجت شي لان متريد ترفض قراري ..
صار الليل اجو خطبوني اني ماطلعت يمهم لان ماريدهم و ماطيق اكعد يمهم رحت لرغد ابجي ..
رغد:- هلو اني رغد عمري ٢٧سنه نفس العمر اني وهيا مواصفاتي اني قصيرة وبيضه وشعري طويل وناعم بس شويه خفيف وعيوني كبار اني كملت دراسة وتوسلت ب هيا بس مقبلت تكمل والحمدلله حالياً اني صرت صيدلانيه..
وره العركه الي صارت بين جدي وعمي ثاني يوم اجتني هيا بالليل تبجي..
رغد:- شبيج هيا ليش تبجين شكو شصاير..
هيا:- ولج رغد اني تدمرت مابقه شي بحياتي خسرت كلشي ...
رغد:- شكو ولج عليمن..
هيا:- رغد جدي نطاني لعمر واجو هسه خطبوني والاسبوع الجاي العرس..
رغد:- شهكت مصدومه ولج شتحجين انت هيا وأحمد شلون..
هيا:- خلص نتهيت ماينطوني اله..
رغد انطيني موبايل امج خل اتصل علي بسرعه دام ماكو احد..
جابت الموبايل رغد واجت اتصلت ميرد اتصلت مرتين بالثالثه رد..
احمد:- الو هيا ..
هيا:- اني ساكته شحجي ماكدر احجي من البجي..
جريت حسره وكلت الو شلونك احمد..
احمد:- ههه شلوني هيا شلوني ولج راح اموت هيا راح اموت حاولت انتحر ومامتت هيا دمرتيني كسرتي كلبي من وافقتي ليش هيج سويتي بيه هيا ليش ولج ليش نطيتج كلبي وروحي وانت بكل بساطه كسرتيني..
هيا:- شبعت بجي 😭💔 احمد والله مو بيدي انت تدري شنو صار بين جدي وبابا اخسر بابا اذا موافقت عله عمر والله وماريد اخسر بابا عبالك سهله عليه من راح افاركك والله احس كلبي تكطع..
احمد:- هيا 😭💔 احبج وراح اظل طولي عمري احبج واتمنى تتطلكين واخذج وراح ادعي بكل أمام تتطلكين حته اخذج هيا ماكدر بدونج والله كسرتيني هيا...
هيا:-باي احمد بعد ماكدر احجي وياك الاسبوع الجاي عرسي..
احمد:- يعني صدك راح تزوجين ولج هيا ممصدك خاف حلم هذا هيا الله يوفقج ماكدر بدونج 😭💔..
هيا:- باي ..
سديت الموبايل وكعدت اشهك وأبجي احمد رغد احمد راح يموت بسببي ولج رغد منتحر..
رغد:- يمه صدك تحجين ولج هيا اسكتي الحمدلله مابي شي لايسمعج واحد وتصير فضيحه..
هيا:- هو شبقه رغد بعد لو يكتلوني ميهمني خسرت احمد بعد ماريد شي من الدنيا كرهت كلشي بالدنيا راح يزوجوني غصب ..
رغد:- كسرت كلبي والله نقهرت عليهم خطيه..
هيا:- صار نص الليل حسيتهم راحو ورجعت للبيت لكيت اهلي نايمين صعدت كبل للسطح لكيت غزل فارشتلي فراشي خليت راسي عله المخده وللصبح مانمت ابجي وافكر شلون هيج صار بيه جنت احلم بهذا اليوم اني وأحمد بي مو اني وعمر ياربي ماريد عمر بس نغصبت علي 💔😔...
صار الصبح واني مانايمه نزلت من السطح لكيت ماما كاعده مسويه ريوك كعدت اتريك ..
سحر:- شلونج يمه ..
هيا:- زينه الحمدلله..
سحر:- فرحانه بالزواج تردين عمر..
هيا:- اي ماما ماعندي مشكله وفرحانه..
سحر:- لعد امس وين رحتي ليش ما اجيتي للنسوان ..
هيا:- مالي خلك ماما هنه منو هيه فهيمه مرة عمي خليل قابل مشايفتني ...
سحر:- جدج جاب الفلوس مليونين ..
هيا:- اي وشنو يعني..
سحر:- حته نروح نجهزج..
هيا:- ماروح انت جهزي بكيفج..
سحر:- ميخالف يله كملي ريوكج...
هيا:- مر اليوم مثل أي يوم للعصر راحت ماما هي وبابا للسوك حته يجهزوني لليل اجوي محملين اشكال الملابس ابوي مخلي من عنده فلوس لان ميكفن ذني الي نطاهن جدي ثاني يوم اجه جدي يريد يحاجي بابا..
جدي ناصر:- يعقوب يعقوب ..
يعقوب :- ها يابه اجيتك..
جدي ناصر:- تعال عندي موضوع وياك..
هيا:- اني كلبي وجعني شنو الموضوع ياربي ...
