بنات ليش ماكو تفاعل بس هذا البارت واذا ماكو تفاعل بعد ما اكمل القصه أوقفه لان مدا اشوف تفاعل حلو ويفرح دا اكتب واتعب وصاحبة القصة هم تتعب ومن تكتب تنقهر لان تتذكر المواجع واني اكتب يومين بالبارت ايدي توجعني تكوم علمودكم بس مدا اشوف تفاعل
ادعموني حتى اكمل ..
ماحيلتي بأخ أذب عن أسمه....
فينالني بالطعن والتشهير...
اخفي مساوئه فيرميني بها...
وأجله فيلج في تحقيري...
هيا:- تزوج عارف والكل فرحان كملنه كلشي ورحنه لبيت العروس جان قريب يمنه لان جيران طبينه للبيت وبدت الموسيقى والاغاني اني ما اتحمل اسمع اغاني طبيت للساحه اركص طبعا اني ركصي كلش حلو الموجودين بالبيت كلهم بقو صافنين عليه شلون اركص لل٣اجت العروس من الصالون تلكيانه بالهلاهل وطش الجكليت كعدت على الكرسي واحنه ماخذين الساحه بالركص ذبيت جهالي على عمتي وبقيت اركص للعصر اجت الزفه الكل لبست الاحجبه والعبايه لان صاحو العريس يريد يطب ياخذ عروسته دخل عارف وبدت الهلاهل وامه وخواته يطشن جكليت فرحانات بأخوهن أخذ عروسته وراحو للفندق لان العرس صار بسيط وماكو معازيم هواي بس بيناتنه طلعت الزفه واحنه رجعنه للبيت عمتي فرحانه لان ولده تزوجو كلهم وارتاحت والنسوان بدت تقارن بين الجناين ال3 منو الاحله والكل كال هيا أحله وحده بيهن بس شنو الفائده حلوه وزوجي ميهتملي وميحبني 😔💔 مر شهر على زواج سرى وعارف وخلصت إجازة عارف وكان لازم يلتحق للدوام كعد من الصبح راح للدوام سرى ضاجت كلش وكامت تبجي لان متعوده علي ..لليل اجه عمر من الدوام سلم عليه وكلي حضريلي عشه كلش جوعان حضرتله العشه بين ماسبح وغير ملابسه شلت الصينيه وديته للغرفه تعشه ونام اني هم سديت الباب وطفيت الضوه ولفيت راسي ونمت كعدت من الصبح على صوت عمتي ماعرف ويه منو تحجي طفرت اريد اشوف منو اجانه من الصبح فتحت الباب لكيت سرى واكفه وبيدة غراضه لامتهن..
سرى:- عمة اريد اروح لهلي عارف التحق للدوام اني بعد شعندي باقيه هنا والبيت مو كامل من يكمل ارجع..
فهيمه:- اي يمه روحي الله وياج..
عمر:- شكو هاي شصاير..
هيا:- سرى راحت لهله...
عمر:- ليش شنو السبب..
هيا:- تكول عارف بالدوام اني شعندي باقيه بالبيت وما ارجع اله يكمل البيت ..طبعا البيت بقت أرضيته ممكمله لان عارف استعجل على الزواج ماعرف شنو السبب..
عمر:- شلون هيج عيب شيكولون علينه اهله ومصارله شهر من متزوجه رجعت لهله لازم اكمل البيت وننتقل وياهم ..
هيا:- أن شاء الله..ثاني يوم عمر استلم الراتب وجاب عمال بلشو يشتغلون بالارضيه مالت البيت 3 ايام وخلصوهه ..عمر التحق للدوام لان خلصت إجازته ف ملحكنه ننتقل للبيت الجديد ..العصر رجعت سرى للبيت لان اكتمل طبت للبيت ورحنه نسلم عليه..
سرى:- عارف جاي بالطريق راح يوصل..
هيا:- هله بي ..اني كمت من يمهن بين ماطبيت لغرفتي اجه عارف سمعته سلم على امه وخواته وسلم على سرى رحت اني هم اسلم علي اني متعوده من أسلم علي نتباوس سلام عادي لان من تزوجت هو جان كلش صغير ومتعود عليه مثل الاخوه من سلمت علي شفت سرى كبت نار وطبت لغرفته معرفت شنو السبب اني خليت وطلعت مر الاسبوع كامل اني اطبخ والبنات يدزن اكل لسرى وعارف بغرفتهم لان لحد هسه مبلشت تشتغل أو تطبخ بعده عروس بقينه على هاي الحاله لحد ماخلصت إجازة عارف والتحق للدوام وسرى تروح لهله الأسبوع كله لمن يرجع ..اجه عمر من الدوام بالليل ماعرف ليش يجي بالليل مع انو عارف يجي العصر من الدوام ..مرات يجي عمر سكران اني تعودت على هذا الشي وصرت ما احجي حرف اسكت عنه لأن ميفيد يوم يتعارك وياي يوم يراضيني ما افهم شنو مشكلته ماعرف شنو الي يريده بالضبط ..ثاني يوم نتقلنه للبيت الجديد وشلت غراض المطبخ اخذتهن وياي لان اني الي اطبخ ..بلشت انقل بالغراض من الصبح لحد الليل هلكت تعبت كلش طبيت لغرفتي تمددت اريد ارتاح وعمر كلش فرحان بالبيت الجديد لان غرفتنه القديمه تعبانه كلش ..ماحسيت على روحي شوكت غفيت من التعب كعدت على صوت الباب يندك بكل قوه كمت لبست ملابسي وفتحت الباب لكيت عمتي واكفه بالباب..ها يمه تفضلي ..
فهيمه:- ها يمه اكعدي اعجني راح الوكت عليج..
هيا:- اي عمه هسه اجي ...عمتي متعوده يوميه تكعدني بل٦ الصبح اذا مكعدت تجي تكسر الباب عليه وتصيح ف اني تعودت وكمت يوميه اكعد هيج وقت حتلو تعبانه أو متأخره بالنوم مرات ابقه سهرانه للصبح ..كمت عجنت وسويت ريوك وتريكنه ساعتين والعجين اختمر خبزت واجيت طبخت الغده ..عارف وسرى بعدهم نايمين لان عرسان جدد ومحد يكدر يحاجيهم صارت الساعه ب١١ صبيتلهم الغده واجو كلهم تغدو يمنه بس خيريه وخلدون يتغدون بغرفتهم ..تغدينه وكملنه لميت الماعين وغسلتهن ونظفت المطبخ وعلي يكمز فوك راسي كبر وصار يمشي وحيدر يحبي ويكمزون يمي كملت شغلي واخذتهم للغرفه نيمتهم للعصر كعدنه ومثل كل يوم هم طبخ وتنظيف سرى هم متجيس شي ولاتشتغل مثل خيريه اني ماهتميت اله عادي عندي متعوده..لليل كملت العشه ودزيتلهم للبيت القديم لان ميكدرن يروحن ويرجعن كلساع عمتي غضبت عليه لان نتقلت للبيت الجديد وهيه بقت بالبيت القديم اني ماقبلت انتقل بس عمر أصر عليه لان هو اشترك بالبناء والاكثر صار علي ..كامت تزعل عليه وحده اني عفته براحته محجيت شي وياهه ..ود نخطبت وره اسبوع تزوجت ماطولت فترة خطوبته مثلي ..عمتي متحملت انتقلت للبيت الجديد ويانه كعدت بالصاله هيه وبناته حته كامو ينامون بيه والجو كلش بارد ستقرينه بالبيت الجديد عبالي ارتاح صار انتقام انتقالي للبيت هذا عمر زاد بالخيانه صار يخابر يمي ويشرب ويواعد بنات ويجيب الشرب والحبوب للغرفه ويشرب يمي واني مهدود حيلي وبس ابجي رحت للمطبخ وأبجي اجتني سرى..
سرى:- هيا تردين اساعدج بشي ..
هيا:- لا حبيبتي تسلمين ماعندي شي خلصت..دائما تحاول تصير صديقتي وتحجي وياي..
سرى:- لعد شبيج تبجين..
هيا:- ها لامابيه شي بس ثرمت بصل وعيوني دمعن..
سرى:- اها اكلج هيا خيريه شو متجي ابد يمج شعجب..
هيا:- متحبني تكرهني وتضوج مني..شفته طركعت عيونه ونصدمت..
سرى:- شنو السبب ليش تكرهج..
هيا:- ماعرف والله وحده تكرهني ودائما متتمنالي الخير رغم اني كلشي اسويله حته تشوفين اطبخ منا وادزله واني مو وياه بالبيت..
سرى:- هيا اكلج شي بس متكولين عفيه..
هيا:- كولي والله ما احجي شكو..
سرى:- هيا اني هسه يله عرفت انت مو ذيج هيا الي تحجيلي عنج خيريه قبل لا اتزوج عرفت انت مو ذاك الشخص السيء الي حجت عنه هيه ...
هيا:- فتحت عيوني مصدومه واباوعله..شنو سرى شتكولج عني خيريه...
سرى:- هيا تذكرين من اجه عارف من الدوام العصر ...
هيا:- اي اتذكر ليش...
سرى:- خيريه كلتلي انو انت عندج علاقه ويه عارف وكلتلي الدليل راح يجي من الدوام وتسلم علي ويتباوسون وانت فعلا سلمتي علي وتباوستو..
هيا:- شنو سرى شنو هذا الحجي خيريه هيج كلتلج..
سرى:- اي والله العظيم هيج كلتلي...واجتني خيريه كلتلي ها شفتي شلون تباوسو مو كلتلج اني عدهم علاقه اني من شفت هيج صدكته وزادت بيه نار الكره والحقد تجاهج بس هسه كتشفت انو انت مو نفس ما كلتلي عليج ...
هيا:- الله ليوفقه على هذا الكلام وهذا التفكير ..خليت سرى واكفه وطلعت من المطبخ ضايجه طبيت لغرفتي وكعدت ابجي نقهرت كلش تذكرت مساعداتي اله فديته بروحي والخطار الي يجيه واني واكفتله بالضيافه كل شويه وحده وغرفته الي انضفه اله وبنته حاسبته مثل جهالي واسبحه واغيرله ملابسه حته تنام يمي اهلي الي يحبوهه ويموتون عليه وحته ياخذون بنته يمهم وهيه تروح لاهلي أكثر مني وخواتي يحبنه كلهن طلعت هيج تكرهني وحاقده عليه اوف ياربي نست كل هذا صدك ناكره الجميل مسحت دموعي وكمت محد يستاهل ابجي علي من طبيت هذا البيت لليوم اني بس ابجي تعبت كافي ..اجه عمر للغرفه غير ملابسه وطلع ولامهتملي ولامهتم لأطفاله ولايطلعنه ولايصرف علينه ابد ..زادت مشاكله وزاد الضرب ويصيح عليه ويسبني ويسب اهلي وأمه ويا تضربني وثنينهم يسبوني ويسبون اهلي ويراسل بنات ويخابر ليل مع نهار وكل شويه يخلي رصيد بالموبايل حته يخابر واني ربع مينطيني ...ورة فترة بلش يلعب طوبه يوميه العصر ويخلي موبايله بالكنتور يوم من الايام عرفت رمز الموبايل مالته انتظرته لمن يروح للطوبه العصر واتلوه لمن راح شفته صعد بالسيارة وراح ركضت للغرفه قفلت الباب وطلعت الموبايل واني كلبي يرجف وأيدي ترجف كوه كمشت الموبايل واذا شافني يذبحني يكلي اكسر ايدج بس تجيسين موبايلي عمري مجايسه موبايله واليوم تجرأت وفتحت الموبايل دخلت على الماسنجر لكيته حاجي ويه بنيه دخلت على المحادثه مالتهم وبلشت اقرا ..اقرا ودموعي تنزل رساله عن الثانيه تصدمني أكثر واشهك يكوله اني مرتي ظالمتني ومتخليني انام وياها ويوميه زعلانه يم اهله ومحلوه اقرا ودموعي تنزل اوف ليش هيج شمسويه اني مدللته والله الله ليوفقك يانذل واني اقرا ندكت الباب طفرت من مكاني وكمت ارجف صحت م م م منو.....
يتبع.......
